D.O.

Դո Կյոնգ Սու (հանգըլ՝ 도경수, հանջա՝ 都敬秀, կորեերենի նոր ռոմանականացում՝ Do Gyeong-su, հունվարի 12, 1993(1993-01-12), Գոյանգ, Գյոնգի, Հարավային Կորեա, առավել հայտնի բեմական D.O. ― Դի Օ (հանգըլ՝ 디오) անվամբ), հարավկորեացի երգիչ և դերասան։ EXO բոյ-բենդի անդամ է։

D.O
Հիմնական տվյալներ
Բնօրինակ անուն	디오
Ի ծնե անուն	도경수 ― Դո Կյոնգ Սու
Ծնվել է	հունվարի 12, 1993(1993-01-12) (32 տարեկան) Գոյանգ, Գյոնգի, Հարավային Կորեա
Երկիր	Հարավային Կորեա
Ժանրեր	փոփ, Contemporary R&B, պարային, Electronic music
Մասնագիտություն	երգիչ, դերասան, մոդել, պարող, հեռուստատեսային դերասան, կինոդերասան և հնչյունավորող
Երգչաձայն	տենոր
Գործիքներ	վոկալ
Գործունեություն	2012 - ներկա
Լեյբլ	S.M. Entertainment (Հարավային Կորեա) Avex Trax (Ճապոնիա)
Կրթություն	Pungsan Elementary School?, Baeksin Middle School?, Baekseok High School? և Կյոնգ Հվի համալսարան
Անդամակցություն	EXO, EXO-K և SM Town
Կապված	S.M. Town EXO EXO-K
Կայք	EXO-յի պաշտոնական կայք
Ստորագրություն
D.O. Վիքիպահեստում

Այս էջում կա կորեերեն տեքստ։ Առանց արևելաասիական լեզուների գրերի օժանդակ ծրագրի՝ դուք կարող եք կորեերեն պայմանանշանների փոխարեն տեսնել հարցականներ կամ այլ նշաններ։

Կենսագրություն

D.O.-ն ծնվել է 1993 թվականի հունվարի 12-ին Հարավային Կորեայի Գոյանգ քաղաքում։ Հաճախել է Գոյանգ Փունգսան տարրական, Բեքշին միջին և Բեքսոկ ավագ դպրոցները։ Ուներ ավագ եղբայր, ով 3 տարով մեծ էր նրանից։ D.O.-ն երգել սկսել է տարրական դպրոցում՝ մասնակցելով զանազան մրցույթների և դրանով կերտելով երգչի կարիերան։

2010 թվականին տեղական երաժշտական ֆեստիվալում հաղթելուց հետո երաշխավորվում է S.M. Entertainment ընկերության կողմից^[1]։ Հետագայում ավագ դպրոցում 2 տարի սովորելուն զուգընթաց S.M. ընկերության սան էր։ Նա կատարել է Նա Յուն Քվոնի «Anticipation» և Browneyed Soul-ի «My Story» երգերը S.M. ընկերության կազմակերպած լսումներին^[1]։

Կարիերա

Հիմնական հոդված՝ EXO

Անհատական գործունեություն

2013 թվականին D.O.-ն պիտակվել է f(x)-ի «Pink Tape» նոր ալբոմում «Goodbye Summer» երգում։ Որպես դերասան դեբյուտել է 2014 թվականին Cart ֆիլմում, որի շնորհանդեսը տեղի է ունեցել Տորոնտոյի միջազգային կինոփառատոնին։ Ավելի ուշ նկարահանվել է SBS ընկերության «Ամեն ինչ լավ է, սա սեր է» դորամայում, որտեղ խաղացել է Հան Կվանգ Ուի դերը, ով երազում էր գրող դառնալ և երջանկացնել մորը^[2]։

Ֆիլմագրություն

Հեռուստատեսություն

Տարի	Վերնագիր	Դեր
2014	Ամեն ինչ լավ է, սա սեր է	Հան Կվանգ Ու

Ֆիլմեր

Տարի	Վերնագիր	Դեր
2014	Cart	Չոի Տե Յունգ

Սկավառակագրություն

Հիմնական հոդված՝ EXO խմբի սկավառակագրություն

Համագործակցություններ և սաունդթրեքներ

Վերնագիր	Տարի	Զբաղեցրած հորիզոնական			Ալբոմ
		Gaon Chart [3]	Baidu Chart [4]	Billboard K-pop [5]
«Dear My Family» (SM Town-ի հետ)	2012	-	-	-	I AM. OST
«Goodbye Summer» (f(x)-ը D.O.-ի հետ)	2013	7	17	26	Pink Tape
«Scream»	2014	22	-	*	Cart OST
«-» նշանակում է, որ երգը հորիզոնական չի զբաղեցրել այդ հիթ շքերթում կամ չի թողարկվել այդ երկրում։ «*» Billboard Korea K-Pop հիթ շքերթը 2014 թվականի հուլիսից այլևս գոյություն չունի։

Մրցանակներ և առաջադրումներ

Տարի	Մրցանակաբաշխություն	Անվանակարգ	Ներկայացված աշխատանք	Արդյունք
2014	Սեուլի երիտասարդական ֆիլմերի 16-րդ փառատոն	Լավագույն երիտասարդ դերասան	Ամեն ինչ լավ է, սա սեր է	Հաղթանակ
	APAN Star 3-րդ մրցանակաբաշխություն	Լավագույն նոր դերասան