Ագոստա
From Wikipedia, the free encyclopedia
Ագոստա (իտալ. Agosta), քաղաք Իտալիայում, գտնվում է Լացիո մարզի Հռոմ գավառում[2]։
| Կոմունա | |||
|---|---|---|---|
| Ագոստա | |||
| իտալ.՝ Agosta | |||
 | |||
| Երկիր |  Իտալիա | ||
| Մարզ | Լացիո | ||
| Գավառ | Հռոմ | ||
| Համայնք | Metropolitan City of Rome? | ||
| Քաղաքապետ | Ջանֆրանկո Մասիմի | ||
| Մակերես | 9.5 քառ. կմ կմ² | ||
| ԲԾՄ | 392 մ | ||
| Պաշտոնական լեզու | իտալերեն | ||
| Բնակչություն | 1733[1] մարդ (2008 թ) | ||
| Ազգային կազմ | իտալացիներ | ||
| Ժամային գոտի | UTC+1 | ||
| Հեռախոսային կոդ | 0774 | ||
| Փոստային ինդեքս | 00020 | ||
| Փոստային դասիչ | 00020 | ||
| Ավտոմոբիլային կոդ | ROMA | ||
| Պաշտոնական կայք | comunediagosta.it | ||
| |||
Բնակչությունը 2001 թվականի դրությամբ 1683 մարդ է, բնակչության խտությունը՝ 178 մարդ/կմ2։ Տարածքը՝ 9.48 կմ2։ Փոստային ինդեքսը՝ 20։ Հեռախոսային կոդը՝ 00774։
Ագոստան գտնվում է Անյենե գետի հովտում՝ գետի աջ ափին, Մոնտի Սիմբրուինի (Monti Simbruini) լեռան ստորոտին՝ տուֆե բլրի վրա։ Հռոմից 67 կմ հեռավարության վրա է։ Բլրի ստորոտին աղբյուր կա, որը հռոմեական շրջանում հայտնի է եղել Ավգուստա անունով, որից էլ, հավանաբար, իր անունն է ստացել բնակավայրը։
Բնակավայրի տարածքում գտնված հնագիտական իրերը խոսում են այն մասին, որ մարդիկ այս վայրում ապրել են սկսած պալեոլիթի և բրոնզի դարաշրջանից։ Այս վայրը հիշատակվում է աղբյուրը Մարցիուսի ակվեդուկին միացնելու ջրաշինարարական աշխատանքների համատեքստում։ Այդ ժամանակ էլ աղբյուրը ստացել է իր անվանումը։
Նույն անվամբ աղբյուրը հանդիպում է 524 թվականին թվագրվող փաստաթղթում։ 858 թվականի մեկ այլ փաստաթղթում նշվում է, որ աղբյուրի մոտ գտնվող monk Augusta աղբյուրը բարենպաստ վայր է ամրոց կառուցելու համար, որի գոյությունը հաստատում են ավելի ուշ ժամանակների տվյալները։ Ամրոցի սեփականության համար վեճ է եղել տեղի սենյորի և աբբայի միջև։ Հայտնի է, որ 1189 թվականին այն պատկանել է Սուբիակոյի վանքին։ Ամրոցը պահպանվել է մինչև մեր օրերը։ Ջրի առատությունը թույլ է տվել լճակներ կառուցել իշխան աճեցնելու և ջրաղացներ կառուցել ցորեն աղալու համար։
1461 թվականին Պիոս 2-րդ պապը Սուբիակո վանք այցի ճանապարհին ճաշել է ջրաղացների մոտ, իսկ տեղացիները նրան մատուցել են թարմ որսացած իշխան։ 18-րդ դարում այստեղ արձանագրված հրաշք ապաքինումից հետո որոշվել է կառուցել Մադոննա դել Պասո փոքր եկեղեցին։
1900 թվականին բնակավայրը միացվել է Մանդելա-Սուբիակո երկաթգծին, որը քանդվել է 1933 թ.։ 1913 թ. կառուցվել է առաջին ջրատարը, որը ջուր է մատակարարել քաղաքային շատրվաններին, իսկ 1924 թ. էլեկտրականություն է անցկացվել։
Երկրորդ համաշխարհային պատերազմի ժամանակ Ագոստայում պարտիզանական ջոկատ է գործել։
Միջնադարյան ամրոց, որի շուրջ ձևավորվել է բնակավայրը։ Փաստաթղթերում հիշատակվում է 1051 թվականինց։ Դեպի ամրոց են տանում երեք դարպասներ՝ Եկեղեցական, Սուրբ Մարիամի և Կանչիլիտու։ Տեղական լեգենդի համաձայն՝ մի ժամանակ ամրոցում բանտարկված է եղել Ավգուստա անունով արքայադուստր, որի պատվին էլ կոչվել է բնակավայրը։
Կարդինալի կամար, ռոմանական ոճի քարե կամար։ Կառուցվել է 1503 թվականին գետի մոտ՝ ի պատիվ կարդինալ Ջովաննի Կոլոննայի։ 18-րդ դարում քանդվել է ջրհեղեղի պատճառով, վերականգնվել է նախկին տեղից 50 մ հեռավորության վրա։ Ավելի ուշ կամարը մեկ անգամ էլ են տեղափոխել
Մադոննա դել Պասո տաճար, նախկինում կոչվել է Հրեշտակների Մադոննայի տաճար
Սուրբ Նիկողայոսի հրապարակ, քաղաքի գլխավոր հրապարակը, իր անունը ստացել է սուրբ Նիկողայոսի եկեղեցուց, որը ներկայում չի գործում։
Քաղաքի տարածքում գտնվող հնագիտական օբյեկտներն են՝
- պաշտամունքային կառույցի հիմքերը
- հին ցիստերնը
- նախահռոմեական շրջանի շենքի մնացորդներ
- նախապատմական գոյության հետքերով քարանձավ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
