Արակաժու
From Wikipedia, the free encyclopedia
From Wikipedia, the free encyclopedia
Արակաժու (պորտ.՝ Aracaju), քաղաք Բրազիլիայում, Ատլանտյան օվկիանոսի ափին, Սերժիպիի (պորտ.՝ Sergipe) և Պոշիմի (պորտ.՝ Poxim) գետաբերանի մերձակայքում։ Սերժիպի նահանգի վարչական կենտրոնն է։ «Սերժիպի նահանգի արևելք» անվանումը կրող մեզոտարածաշրջանի և Արակաժուի տնտեսա-վիճակագրական միկրոտարածաշրջանի բաղկացուցիչ մասն է։ Զբաղեցնում է 181,801 քառակուսի կիլոմետր տարածք։ Բնակչության թվաքանակը 2007 թվականի տվյալներով եղել է 520 303 (ագլոմերացիայում՝ մոտավորապես 900 հազար)։ 2019-ին բուն քաղաքում ապրողների թիվը հասել է 657.013-ի[2]։
Բնակավայր | |||||
---|---|---|---|---|---|
Արակաժու | |||||
| |||||
Երկիր | Բրազիլիա | ||||
Համայնք | Սերժիպի | ||||
Հիմնադրված է | մարտի 17, 1855 թ. | ||||
Մակերես | 181,857 կմ² | ||||
ԲԾՄ | 4±1 մետր | ||||
Բնակչություն | ▲664 908 մարդ (հուլիսի 1, 2020)[1] | ||||
Ժամային գոտի | UTC−3 | ||||
Հեռախոսային կոդ | 79 | ||||
Փոստային դասիչ | 49000-000 | ||||
Պաշտոնական կայք | aracaju.se.gov.br | ||||
| |||||
Արակաժուն համարվում է բնակչության նվազագույն անհավասարություն ունեցողը Բրազիլիայի հյուսիսարևելյան նահանգների վարչական կենտրոնների շարքում[3], առողջ ապրելակերպի լավագույն ավանդույթներ ունեցող բնակավայրը ամբողջ երկրում (ծխողների նվազագույն թվաքանակ ունեցող բրազիլական բնակավայրերի ցանկում գրավում է երկրորդ տեղը)[4]։ Նահանգային վարչական կենտրոնների շարքում առաջնային տեղ է գրավում նաև ապրուստի վրա կատարվող նվազագույն ծախսերի տեսակետից[5]։ Զբոսաշրջությունը զարգացնելու նպատակով վերջին շրջանում քաղաքում ուշադրության կենտրոնում է պահվում հոսթելների զանգվածաբար կառուցման գործը[6]։
Բնակավայրի անվանումն առաջացել է «ará acaiú» բառակապակցությունից, որը հնդկացիական տուպի և գուարանի ցեղերի լեզվով նշանակում է «(արա) թութակի կեյշու» (կեյշուն բրազիլական ընկուզենու մի տարատեսակն է)[7][8]։
Քաղաքը հիմնադրվել է 1592 թվականին, համայնքը կազմավորվել է 1855 թվականի մարտի 17-ին, այդ նույն տարվանից դարձել է նահանգի վարչական կենտրոն։ Արակաժուի պատմությունը[9] սերորեն կապված է Սերժիպու կապիտանության (ներկայիս Սերժիպու նահանգի) նախկին վարչական կենտրոն Սան Կրիստովանոյի պատմության հետ։ Վճռորոշ դեր է խաղացել նահանգի վարչական կենտրոնը փոխելու վերաբերյալ 1855 թվականին ընդունված որոշումը։ Այսպիսով՝ Արակաժուն դարձել է բրազիլական բնակավայրերից երկրորդը, որը պլանավորված կերպով վերածվել է նահանգային վարչական կենտրոնի (առաջինը եղել է Տերեզինան, 1852 թվականին)[10][11]։
Արակաժուի մերձակայքում՝ Սան Ֆրանսիսկու գետի ափերին ապրել են տեղաբնիկ հնդկացիական ցեղեր, որոնք խոսել են ներկայումս արդեն մեռած համարվող բոյմե (անվանվում է նաև պոյմե) լեզվով[12]։
Քաղաքի տնտեսությունը հիմնված է զանազան ծառայությունների մատուցման և արդյունաբերության վրա։ Արակաժուում ստեղծվող համախառն ներքին արդյունքի ծավալը 2013 թվականի տվյալներով կազմել է 13.918.124 ռեալ[13]։
Վերջին տարիներին այստեղ տնտեսության մեջ խոշոր ներդրումներ են կատարել Արևելյան Եվրոպայի, հատկապես՝ Բելառուսի[14] և Ռուսաստանի, ինչպես նաև՝ Չինաստանի ներկայացուցիչներ[15]։ Արակաժուն աստիճանաբար վերածվել է առանցքային քաղաքի համաշխարհային այնպիսի նախագծերի շրջանակներում, ինչպիսիք են BRIC-ը և Mercocity-ին։
Քաղաքը համբավվել է որպես նվազագույն ծախսեր պահանջող զբոսաշրջության լավագույն ընտրության տարբերակներից մեկը[16]։
Արակաժուին սպասարկում է 12 կիլոմետր հեռավորության վրա գտնվող Սանտա Մարիա օդանավակայանը, որը գործում է 1952 թվականից[17]։
Արակաժուն որպես կեցավայր է ծառայել 2016 թվականի ամառային օլիմպիական խաղերին մասնակցող երկրների հավաքական թիմերից յոթի համար[18]։ Նրանք այստեղ են անցկացրել իրենց մարզումներն ու հանգիստը։ Այդ նույն նպատակով այստեղ հյուրընկալվել են նաև պարալիմպիկ խաղերի մասնակից Ղազախստանի, Բելառուսի և այլ երկրների մարզիկներ, որոնց մեջ էր չեմպիոն լողորդ Իհար Բոկին[19]։
Արակաժուն բարեկամական և գործընկերային սերտ հարաբերություններ է հաստատել հետևյալ քաղաքների հետ[20]
Արակաժու (1961–1990)ի կլիմայական տվյալները | |||||||||||||
---|---|---|---|---|---|---|---|---|---|---|---|---|---|
Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
Միջին բարձր °C (°F) | 29.6 (85.3) |
29.8 (85.6) |
29.8 (85.6) |
29.4 (84.9) |
28.5 (83.3) |
27.6 (81.7) |
27 (81) |
26.9 (80.4) |
27.4 (81.3) |
28.2 (82.8) |
28.6 (83.5) |
29.1 (84.4) |
28.5 (83.3) |
Միջին օրական °C (°F) | 27 (81) |
27.1 (80.8) |
27.1 (80.8) |
26.7 (80.1) |
26 (79) |
25.1 (77.2) |
24.4 (75.9) |
24.4 (75.9) |
25 (77) |
25.9 (78.6) |
26.3 (79.3) |
26.6 (79.9) |
26 (79) |
Միջին ցածր °C (°F) | 24.3 (75.7) |
24.2 (75.6) |
24.2 (75.6) |
23.6 (74.5) |
23.1 (73.6) |
22.3 (72.1) |
21.6 (70.9) |
21.6 (70.9) |
22.5 (72.5) |
23.3 (73.9) |
23.5 (74.3) |
23.8 (74.8) |
23.2 (73.8) |
Ռեկորդային ցածր °C (°F) | 20.5 (68.9) |
19.7 (67.5) |
19.8 (67.6) |
20 (68) |
19 (66) |
17.8 (64) |
17.6 (63.7) |
14.6 (58.3) |
18 (64) |
19 (66) |
18 (64) |
16 (61) |
14.6 (58.3) |
Անձրևի տեղումներ մմ (դյույմ) | 77.9 (3.067) |
85.1 (3.35) |
175.7 (6.917) |
261.2 (10.283) |
333.8 (13.142) |
207.2 (8.157) |
174.7 (6.878) |
113.9 (4.484) |
91.4 (3.598) |
65.8 (2.591) |
52.3 (2.059) |
56.3 (2.217) |
1695,3 (66,743) |
Միջ. անձրևոտ օրեր (≥ 1 mm) | 7 | 9 | 13 | 15 | 17 | 18 | 16 | 13 | 10 | 5 | 5 | 5 | 133 |
% խոնավություն | 78.1 | 76.6 | 78 | 79.6 | 77.6 | 77.3 | 78.2 | 78.2 | 78.1 | 78.7 | 78.8 | 79 | 78.2 |
Միջին ամսական արևային ժամ | 264.1 | 224.3 | 234.1 | 210.6 | 205 | 176.7 | 200.7 | 221.9 | 218.5 | 250.6 | 262.9 | 251.6 | 2721 |
աղբյուր: {{{աղբյուր 1}}} |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.