Բաթերսթ
From Wikipedia, the free encyclopedia
From Wikipedia, the free encyclopedia
Բաթերսթ (անգլ.՝ Bathurst), քաղաք Նոր Հարավային Ուելս նահանգում, որը գտնվում է Մեծ Ջրբաժան լեռնաշղթայի արևմուտքում՝ Մաքվարի գետի հարավային ափին՝ Կապույտ լեռներից արևմուտք։ Ավստրալիայի ամենահին բնակավայրն է[3]։ 2019 թվականի հունվարի դրությամբ բնակիչների թիվը 37,191 է[4]։
Քաղաք | |||
---|---|---|---|
Բաթերսթ | |||
անգլ.՝ Bathurst | |||
| |||
Երկիր | Ավստրալիա | ||
Համայնք | Նոր Հարավային Ուելս[1] և Bathurst Regional Council? | ||
Հիմնադրված է | 1815 թ. | ||
ԲԾՄ | 650 մետր | ||
Բնակչություն | ▲36 230 մարդ (օգոստոսի 10, 2021)[2] | ||
Ժամային գոտի | UTC+10 | ||
Փոստային դասիչ | 2795 | ||
Պաշտոնական կայք | bathurst.nsw.au | ||
| |||
Քաղաքը հիմնվել է 1815 թվականին և մի քանի այլ գաղութային քաղաքների հետ միասին անվանվել է այն ժամանակվա գաղութների գործերով քարտուղար Հենրի Բաթերսթի անունով։ Քաղաքի (town) կարգավիճակ է ձեռք բերել 1833 թվականին։ Քաղաքի զարգացումը խթանել է մայրցամաքի առաջին «ոսկու տենդը» 1851 թվականին[5]։ Տարածքում կան բազմաթիվ հիշեցումներ ոսկի փնտրողների մասին, որոնք 19-րդ դարի կեսերին եկել էին Բաթերսթ։
Ժամանակակից Բաթերսթը զարգացած գյուղատնտեսական տարածաշրջանի տնտեսական կենտրոնն է։ Քաղաքի միջով անցնում է Սիդնեյի երկաթուղային մայրուղին։ Կան կաթոլիկ և անգլիկան տաճարներ, զանգակատուն, դատական ներկայության շենք (1880), հնէաբանական թանգարանի վերածված դպրոց (1874), 19-րդ դարի կեսերի մի շարք առանձնատներ։
Բաթերսթը գտնվում է Մեծ Ջրբաժան լեռնաշղթայի արևմտյան եզրին՝ Մաքվարի գետի հարթավայրում (հայտնի է նաև որպես Բաթերսթյան հարթավայրեր[6]):
Մաքվարի գետը, որը Ավստրալիայի ամենամեծ գետային համակարգի՝ Մյուրեյ-Դարլինգ ավազանի մի մասն է, հոսում է քաղաքի կենտրոնով։ Բաթերսթում մի քանի ամբարտակներ են կառուցվել՝ տարածաշրջանը պատահական ջրհեղեղներից պաշտպանելու համար[7]։
Բաթերսթն ունի օվկիանոսային կլիմա (Cfb)՝ ըստ Կյոպպենի կլիմայի դասակարգման։ Բաթերսթը գտնվում է Ավստրալիայի զով չափավոր կլիմայական գոտում[8][9]։ Բաթերսթում տարվա 106,9 օրը պարզ, արևային է։
Ձմռանը Բաթերսթի շրջակայքում գտնվող բարձրադիր վայրերում ամեն տարի լինում են փոքր և չափավոր ձյան տեղումներ, մինչդեռ բուն քաղաքում համեմատաբար հազվադեպ է ձյուն գալիս։ 1900 թվականի հուլիսի 5-ին 68 սանտիմետր բարձրությամբ անսովոր ձյուն է տեղացել Բաթերսթի գլխավոր փողոցում[10]։
2021 թվականի տվյալներով Բաթերսթ քաղաքում բնակվում էր 37 396 մարդ։
1938 թվականից Բաթերսթում է գտնվում «Պանորամա» ավտոմայրուղին, որտեղ անցկացվում են Ավստրալիայի ամենահայտնի «Բաթերսթ-1000» ավտոմրցարշավները։ Բաթերսթում մոտոսպորտի պատմությունը սկսվում է 1911 թվականից։ Մայրուղուն կից գործում է ավտոմրցարշավների ազգային թանգարան։
2023 թվականի փետրվարի 18-ին քաղաքում տեղի է ունեցել Աթլետիկ կրոսի աշխարհի առաջնությունը[13]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.