Բելգարդ սյուր Վալսերին

Բելգարդ սյուր Վալսերին (ֆր.՝ Bellegarde-sur-Valserine), համայնք Ֆրանսիայի Էնի գավառում՝ Նանտյուա շրջանի Բելգարդ սյուր Վալսերին կանտոնում։

Անվան այլ կիրառումների համար տե՛ս՝ Բելգարդ սյուր Վալսերին (այլ կիրառումներ)

Համայնք
Բելգարդ սյուր Վալսերին
Bellegarde-sur-Valserine
Զինանշան
Երկիր	Ֆրանսիա
Գավառ	[[Էն]]Էն
Շրջան	[[Նանտյուա]]
Համայնք	Էն և Նանտյուա
Այլ անվանումներ	Բելգարդ
Մակերես	15,25 կմ²
ԲԾՄ	356 м մ
Բնակչություն	11 679 մարդ (2009)
Խտություն	766 մարդ/կմ²
Ժամային գոտի	UTC+1 և UTC+2
Փոստային ինդեքս	01200
Փոստային դասիչ	01200[1]
Պաշտոնական կայք	bellegarde01.fr
Բելգարդ սյուր Վալսերին (Ֆրանսիա)
Բելգարդ սյուր Վալսերին Վիքիպահեստում

Աշխարհագրական դիրք

Բելգարդ սյուր Վալսերինը տեղակայված է ծովի մակարդակից 350 մետր բարձրության վրա, գտնվում է Ժնև քաղաքից 30 կմ դեպի հարավ-արևմուտք՝ Յուրա լեռան լանջին։ Համայնքը տեղակայված է հովտում՝ այն վայրում, որտեղ Վալսերոն գետը միախառնվում է Ռոնա գետին, որն այդ վայրում կտրուկ շրջադարձ է կատարում դեպի հարավ։ Համայնքից ոչ հեռու տեղակայված է հիդրոէլեկտրակայան։

Քաղաքին են պատկանում նաև մի շարք գյուղեր և այլ փոքր բնակավայրեր։

Պատմություն

Հռոմեական տիրապետության ժամանակ Ռոնա գետի հովտում տեղակայված քաղաքն ուներ ռազմավարական կարևոր նշանակաություն։ Հավանաբար այդտեղ գոյություն է ունեցել ոչ մեծ բնակավայր։

Միջին դարերում գոյություն են ունեցել մի քանի գյուղեր, սակայն Բելգարդը շարունակել է մնալ փոքր գյուղ։ Իրադրությունը կտրուկ փոխվեց, երբ 1853-1858 թվականներին այդ տեղով անցկացվեց Լիոն-Ժնև երկաթուղագծի մի ճյուղը։ Նապոլեոն III-ի 1858 թվականի դեկտեմբերի 6-ի դեկրետով բնակավայրը վերանվանվեց Բելգարդ։ Սկսած 19-րդ դարի կեսերից Ռոնա գետի ափին կառուցվել են բազմաթիվ գործարաններ, օրինակ՝ մանարաններ թղթի ֆաբրիկաներ ու փայտասղոցարաններ, որոնք օգտագործել են գետի ջուրը։ 1883 թվականին Վելսարին գետի վրա կառուցվում է Հիդրոէլեկտրակայան ինչի շնորհիվ Բելգարդը դառնում է Ֆրանսիայի առաջին բնակավայրերից մեկը, որ ապահովվում է էլեկտրական լույսով։ Այդպիսով՝ գյուղն արագորեն վերածվում է արդյունաբերական քաղաքի որի զարգացումը շարունակվում է մինչև Երկրորդ համաշխարհային պատերազմը։ 1815 թվականից Բելգարդը նաև սահմանամերձ բնակավայր էր։ 1948 թվականին Ռոնա գետի վրա կառուցվում է ամբարտակ, ինչից հետո զբոսաշրջիկները դադարում են այցելել հովիտ։

1956 թվականի հոկտեմբերի 18-ին Բելգարդը վերանվանվեց Բելգարդ սյուր Վալսերին։

Տեսարժան վայրեր

Բելգարդ սյուր Վալսերինն արդյունաբերական քաղաք է, այդ պատճառով էլ այնտեղ քիչ են տեսարժան վայրերը։ Դրանց թվին են պատկանում մի քանի եկեղեցիներն ու ամրոցը։ Քաղաքի հյուսիսային կողմում Վալսերին գետը, անցնելով նեղ կիրճով առաջացնում է ջրվեժ։

Տնտեսություն և արդյունաբերություն

Բելգարդ սյուր Վալսերինը խոշոր արդյունաբերական կենտրոն է։ Քաղաքում իրականացվում է պլաստիկի արտադրություն և վերամշակում, գործում է տեքստիլ և սննդի արդյունաբերություններ, տպագրատներ, արտադրվում են փաթեթներ։

Բնակչություն

Բնակչության թվաքանակը

1793	1800	1806	1821	1831	1836	1841	1846	1851	1856	1861	1866	1872	1876	1881	1886	1891	1896	1901	1906	1911	1921	1926	1931	1936	1946	1954	1962	1968	1975	1982	1990	1999	2008
162	148	172	211	360	390	443	445	461	574	643	624	829	1054	1463	1725	2222	2494	3183	3276	3953	4135	4664	5293	5071	5407	5743	6588	9249	11593	11097	11153	10878	11404

Մշակույթ

1995 թվականից քաղաքում ամեն տարի անցկացվում է Կոմիկ-փառատոն։ Քաղաքում գործում է Ժաննա դ'ԱրկԻ թանգարանը։

Քույր քաղաքներ

• Բրետեն, Գերմանիա
• Սեն Քրիստով, Իտալիա

Ծանոթագրություններ

1. Base officielle des codes postaux — La Poste, 2018.

Արտաքին հղումներ

• Բնակավայրի պաշտոնական կայքը Արխիվացված 2006-10-06 Wayback Machine

Վիքիպահեստն ունի նյութեր, որոնք վերաբերում են «Բելգարդ սյուր Վալսերին» հոդվածին։