Կինն ու թռչունը
From Wikipedia, the free encyclopedia
From Wikipedia, the free encyclopedia
Կինն ու թռչունը (կատ.՝ Dona i Ocell), Խոան Միրոյի հեղինակած քսաներկու մետր բարձրությամբ արձանն է, որը 1983 թվականին տեղադրվել է Բարսելոնայի Խոան Միրոյի զբոսայգում։ Համահեղինակ Խոան Գարդի Արդիգասը արձանը պատել է խճանկարով[1]։
Կինն ու թռչունը | |
---|---|
տեսակ | քանդակ |
քանդակագործ | Խոան Միրո |
տարի | 1983 |
բարձրություն | 2200 |
լայնություն | 300 |
ուղղություն | ժամանակակից արվեստ |
ժանր | հանրային արվեստ |
նյութ | բետոն |
գտնվելու վայր | Բարսելոնա |
քաղաք | La Nova Esquerra de l'Eixample? |
մասն է | public art in Barcelona? |
կայք | |
Dona i Ocell Վիքիպահեստում |
Բետոնե արձանը պաշտոնապես բացվել է 1982 կամ 1983 թվականին (համաձայն տարբեր աղբյուրների), և Միրոյի Արտիգասի հետ համագործակցած վերջին աշխատանքներից մեկն է[2]։ Արտիգասը բետոնի վրա խճանկար է արել, ինչը, որ առաջ արել էր Միրոյի պատի վրա Ռեյնի Լյուդվիգսհաֆենում։ Այս գործը Միրոյին պատվիրված երեք գործերից վերջինն էր, որոնք պետք է դիմավորեին Բարսելոնայի հյուրերին՝ երկնքում, ջրում և ցամաքում[3]։
Միրոն չի կարողացել մասնակցել բացմանը, քանի որ ծանր հիվանդ էր։ Նա մահացել է քանդակի բացումից մոտ մեկ տարի անց։
Ստեղծագործությունում օգտագործված է Միրոյի շատ աշխատանքներում տարածված՝ կնոջ և թռչնի թեման։ Կատալոներեն «թռչուն» բառը ծածկալեզվով օգտագործում են առնանդամը հիշատակելու համար։ Դա հետքն է թողել քանդակի արտաքին տեսքի վրա[4], որի գլխում անցք կա։ Քանդակը պատող խճանկարը կատարված է հիմնական գույներով, քանդակի վրա մուգ սալիկներով ճեղք է պատկերված, որը խորհրդանշում է կանացի սեռական օրգանը[5]։ Այդ գաղափարը նոր չէ, և նմանատիպ քանդակներ շատ են հանդիպում 2—3-րդ դարերի հռոմեական քանդակում[4]։
Զբոսայգին, որտեղ տեղադրված է քանդակը, գտնվում է Բարսելոնայի Իսպանիայի հրապարակում։ Զբոսայգին ժողովրդականություն վայելող հանգստի վայր է[6]։
Զբոսայգին բաժանված է երկու տարածքի; Ցածրադիր գոտում բուսականությամբ հարուստ այգի է, իսկ ավելի բարձր գոտում արհեստական լիճ է, որի անկյուններից մեկում էլ տեղադրված է քանդակը[7]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.