Բարսելոնա

Բարսելոնա(իսպաներեն՝ Բարսելոնա), քաղաք Իսպանիայում, հանդիսանում է երկրի երկրորդ մեծագույն քաղաքը և Կատալոնիայի մայրաքաղաքը^[3]։ Ամենամեծ տուրիստական կենտրոններից է Եվրոպայում։ Բնակչությունը կազմում է 1 615 908 մարդ։ Բարսելոնան երկրորդ քաղաքն է բնակչության թվով Մադրիդից հետո, և 10-րդն է Եվրոպական Միությունում։ 2010 թվականի մարտին դարձել է Միջերկրական միության մայրաքաղաքը. այդ միության անդամ են 43 երկիր։ Բարսելոնան համարվում է Կատալոնիա ինքնավար մարզի մայրաքաղաքը։ Բարսելոնայի քաղաքային տարածքը ձգվում է քաղաքի վարչական շրջանի սահմաններից դուրս, քաղաքային տարածքի բնակչությունը կազմում է 4.5 միլիոն բնակիչ, համարվում է 6-րդ ամենախիտ բնակեցված քաղաքային տարածքը Եվրոպայում։ Տեղակայված է Միջերկրական ծովի ափին՝ Լոբրեգատ և Բեսոս գետերի միջև, արևմտյան հատվածում սահմանակից է Սերրա դե Կոլլսերոլա լեռնաշղթային։

Քաղաք
Բարսելոնա
Barcelona
Դրոշ Զինանշան
Քաղաքի համայնապատկերը
Երկիր	Իսպանիա
Ինքնավար մարզ	ԿատալոնիաԿատալոնիա
Համայնք	Բարսելոնես[1]
Ներքին բաժանում	Հին քաղաք, Էշամպլե, Սանտս Մոնտժուիկ, Լես Կորտս, Sarrià-Sant Gervasi?, Gràcia?, Horta-Guinardó?, Nou Barris?, Sant Andreu? և Sant Martí?
Քաղաքապետ	Ժորդի Հերեու
Առաջին հիշատակում	մ. թ. ա. 3-րդ դար
Մակերես	101,30 կմ²
ԲԾՄ	>12 մ
Պաշտոնական լեզու	Կատալոներեն
Բնակչություն	1 620 943 մարդ (2008)
Խտություն	15991[2] մարդ/կմ²
Ազգային կազմ	Կատալոնացիներ, իսպանացիներ
Կրոնական կազմ	Կաթոլիկություն
Ժամային գոտի	UTC+1, ամառը UTC+2
Հեռախոսային կոդ	+34 93
Փոստային դասիչ	08001-08080
Ավտոմոբիլային կոդ	B
Պաշտոնական կայք	barcelona.cat
Բարսելոնա (Իսպանիա) Բարսելոնա (Կատալոնիա)
Բարսելոնա Վիքիպահեստում

Հիմնադրվելով որպես հռոմեական քաղաք՝ հետո այն դարձել է Բարսելոնա նահանգի մայրաքաղաքը։ Արագոնի թագավորությանը միանալուց հետո այն դարձել է Արագոնի թագավորության կարևորագույն քաղաքը։ Պատմության ընթացքում բազմաթիվ անգամներ նվաճվել է, սակայն Բարսելոնան ունի հարուստ մշակութային ժառանգություն և այժմ շարունակում է մնալ կարևոր մշակութային և զբոսաշրջային կենտրոն^[4]։ Հատկապես հռչակավոր են Անտոնիո Գաուդիի և Լուիս Դոմենեկ-ի-Մոնտաների ճարտարապետական աշխատանքները, որոնք ներառված են ՄԱԿ-ի համաշխարհային ժառանգության վայրերի ցանկում։

Բարսելոնան հայտնի է նաև ֆուտբոլային համանուն թիմով, որը բազմիցս հռչակվել է Իսպանիայի առաջնության չեմպիոն։

Բարսելոնայում զարգացած է նաև կրթական համակարգը։ Ամենահայտնին Բարսելոնայի պետական համալսարանն է (հիմնադրվել է 1450թ.)։

Քաղաքի կենտրոն

Կատալոնիայի հրապարակ

Իզաբելա II թագուհու իշխանության օրոք քաղաքի պարիսպները փլուզվեցին, ընդունվեց ուրբանիզացիայի պլան,որի արդյունքում առաջացավ, այսպես կոչված, «Նոր քաղաք» - Էշամպլե։ Կենտրոնը սկսվում է Պալաս Կատալոնիայից և ներառում է քաղաքի կենտրոնական մասը։ Իրար նկատմամբ ուղղահայաց, ուղիղ փողոցների հատումից առաջացել են քառակուսաձև թաղամասեր։ Կատալոնիայի հրապարակը համարվում է Գոթական թաղամասի և Էշամպլեի սահմանների միջնամասը։ Հրապարակի հիմնական փողոցները ձգվում են դեպի Ռոնդա Սան Պերե (Ronda Sant Pere) և Ռոնդա Ունիվերսիտատ (Ronda Universitat): Ronda Universitat- ի և Gran Via խաչմերուկում հին համալսարանի մասնաշենքն է, որը կառուցվել է XIX դարի կեսերին։ Կենտրոնի հիմնական մայրուղիներից մեկը Պասեչ Դե Գրասիան (Pacech de Gracia-) է։

Ամալիեի տունը և Բալոյի տունը

Բարսելոնայի ակվարիումը  համարվում է ամենամեծը Եվրոպայում, նրա ստորջրյա ապակե թունելը ամենաերկարն է աշխարհում։

Աշխարհագրական դիրք

Բարսելոնան գտնվում է Պիրենինյան թերակղզու հյուսիս-արևելքում՝ Միջերկրական ծովի ափին։ Կալսեռոլի ափամերձ սարերը ստեղծում են քաղաքի փոքր-ինչ կլոր ֆոնը։ Ամենաբարձր կետի՝ Տիբիդաբոյի սարերի բարձրությունն է 512 մ։ Բարսելոնան փռված է բլուրների վրա։

Կլիմա

Բարսելոնայի կլիման միջերկրական ծովի կլիման է։ Ձմեռը մեղմ և չոր է, իսկ ամառը տաք և խոնավ։ Ամենացուրտ ամիսներն են հունվարը և փետրվարը (միջին ջերմաստիճանը 10 °C), իսկ ամենատաքը՝ հուլիսը և օգոստոսը (միջին ջերմաստիճանը 25 °C)։ Ամենաշատ տեղումները լինում են հոկտեմբերին (մոտ 90 մմ), ամենաքիչը՝ հուլիսին (մոտ 20 մմ)։

Քույր քաղաքներ

•  Perpignan Méditerranée Métropole?, Ֆրանսիա (1994)
•  Աթենք, Հունաստան
•  Ալժիր, Ալժիր
•  Անտվերպեն, Բելգիա (1997)
•  Բարչելոնա Պոցո դի Գոտո, Իտալիա
•  Բոստոն, ԱՄՆ
•  Բուենոս Այրես, Արգենտինա
•  Բուսան, Հարավային Կորեա
•  Գազա, Պաղեստին
•  Գդանսկ, Լեհաստան (1990)
•  Դուբայ, ԱՄԷ (2006)
•  Դուբլին, Իռլանդիա
•  Թել Ավիվ, Իսրայել (1998)
•  Կահիրե, Եգիպտոս
•  Կիև, Ուկրաինա (սեպտեմբերի 24, 2022)^[5]
•  Կոբե, Ճապոնիա (1993)
•  Հավանա, Կուբա
•  Հոշիմին, Վիետնամ
•  Մեդելյին, Կոլումբիա
•  Մոնպելիե, Ֆրանսիա
•  Մոնսոն, Իսպանիա
•  Մոնտեռեյ, Մեքսիկայի Միացյալ Նահանգներ (հոկտեմբերի 15, 2001)^[6]
•  Մոնտեվիդեո, Ուրուգվայ
•  Մոնրեալ, Կանադա
•  Նիժնի Նովգորոդ, Ռուսաստան (2009)
•  Շանհայ, Չինաստան (2001)
•  Պերպինյան, Ֆրանսիա (1994)
•  Ռիո դե Ժանեյրո, Բրազիլիա (1972)
•  Ռոսարիո, Արգենտինա
•  Սան Պաուլո, Բրազիլիա
•  Սան Ֆրանցիսկո, ԱՄՆ (2010)^[7]
•  Սանկտ Պետերբուրգ, Ռուսաստան (1984)^[8]
•  Սանտո Դոմինգո, Դոմինիկյան Հանրապետություն
•  Սարաևո, Բոսնիա և Հերցեգովինա
•  Սպահան, Իրան
•  Ստամբուլ, Թուրքիա
•  Սևիլյա, Իսպանիա
•  Վալպարաիսո, Չիլի
•  Վառնա, Բուլղարիա
•  Վենչժոու, Չինաստան (հունվար 2011)^[9][10]
•  Տիրանա, Ալբանիա (1999)^[11][12]
•  Տրուխիլիո, Պերու (փետրվարի 20, 1991)^[13]
•  Քյոլն, Գերմանիա
•  Ֆես, Մարոկկո (2009)

Պատկերասրահ

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•