Danaw Danao (Leyte)
danaw iti Isla ti Leyte, Filipinas / From Wikipedia, the free encyclopedia
Ti Danaw Danao ket ti maysa nga agsukog iti gitara a danaw iti isla ti Leyte iti Filipinas.
Danaw Danao | |
---|---|
Lokasion | Leyte |
Nagsasabtan | 11°4′16″N 124°41′38″E |
Pagpagilian ti labneng | Filipinas |
Kalawa ti rabaw | 148 ha (370 acre) |
Agpakatengnga a kaadalem | 80 m (260 ft) |
Kangato ti rabaw | 650 m (2,130 ft) |
Dagiti pagtaengan | Ormoc |
Ti danaw ket sakupenna ti kalawa iti 148 ektaria (370 acre). Daytoy ket mabirukan iti 2,193 ektaria (5,420 acre) a Masna a Parke ti Danaw Danao, a mangiraman pay ti kabambantayan ti Amandiwin. Ti danaw ket 18 kilometro (11 mi) iti amianan a daya ti Siudad ti Ormoc, kagudua nga oras a panagmaneho iti igid dagiti kalsada ti San Pablo – Tongonan ken Milagro – Danaw Danao.
Daytoy ket kasisigud a nanaganan iti Danaw Imelda ken nairangarang a kas nailian a parke idi Hunio 2, 1972 babaen ti birtud ti presidensial a memorandum nga impaay babaen ni Presidente Ferdinand Marcos. Kalpasanna nanaganan manen daytoy ken nairangarang a kas Nailian a Parke ti Danaw Danao idi Penrero 3, 1998 babaen ti Proklamasion Blng. 1155 ken nasalakniban itan babaen ti Tignay ti Republika Blng. 7586 nga ammo kas ti National Integrated Protected Area System (NIPAS) Act of 1992.[1] Mangipaay ti danaw iti mainum a danum kadagtii saan a basbassit ngem pito nga ili iti Akindaya a Leyte a mairaman ti Siudad ti Tacloban[2] ken kas taudan pay a panagsibog para kadagiti talon ti bagas kadagiti ili a kas ti Dagami, Burauen, Pastrana ken Tabontabon.
Iti 650 metro (2,130 ft) a ngato ti pantar ti baybay, ti Danaw Danao ket mabirukan iti kangato a kapada ti Tagaytay, a makaaramid daytoy a nalamlamiis a lugar ngem ti agpakatengnga a temperatura iti Filipinas.