Departamento ti Cesar

Ti Departamento ti Cesar (Espaniol: Departamento del Cesar) wenno Cesar ket maysa a departamento ti Colombia a mabirukan idiay amianan ti pagilian idiay Karibe a rehion, a nabeddengan iti amianan babaen ti Departamento ti La Guajira, iti laud babaen ti Departamento ti Magdalena ken Departamento ti Bolivar, iti abagatan babaen ti Departamento ti Santander, iti laud babaen ti Departamento ti Amianan a Santander, ken iti daya babaen ti pagilian ti Venezuela (Estado ti Zulia). Ti kapitolio ti departamento ket ti siudad ti Valledupar.^[3]

Departamento ti Cesar Departamento del Cesar
Departamento
Wagayway
Kanta ti pagilian: Himno del Cesar
Ti Cesar ket nipakita iti nalabbasit
Nagsasabtan: 10°29′N 73°15′W
Pagilian	Colombia
Rehion	Rehion ti Karibe
Pannakabangon	Disiembre 1967
Kapitolio	Valledupar
Gobierno
• Gobernador	Cristian Moreno Panezo (Pagpilian a Sentro Partido Berde ti Colombia)
Kalawa [1]
• Dagup	22,905 km2 (8,844 sq mi)
• Ranggo	Maika-22
Populasion  (2013)[2]
• Dagup	1,004,064
• Ranggo	Maika-15
• Densidad	44/km2 (110/sq mi)
Sona ti oras	UTC-05
Kodigo ti ISO 3166	CO-CES
Website	www.gobcesar.gov.co

Daytoy a rehion ket immuna a natagtagitao babaen dagiti patneng a tattao a tinawtawagan a kas dagiti Euparíes idiay Ginget ti Upar ken Guatapuríes idiay Ginget ti karayan Cesar, ti mairaman kadagitoy ket ti Orejones a tagikua dagiti Tupe, Acanayutos a tagikua ti Motilones ken Alcoholados a tagikua ti Chimilas. Ti immuna a Europeano a nagsuksukimat idi ket ti Espaniol a Kapitan a ni Pedro de Vadillo, ngem ti Aleman a ni Ambrosio Alfínger ket naranggas a nagparukma iti rehion idi 1532.^[4] Idi 1550 ti purok ti Valle de Upar ket binagon idi babaen ni Hernando de Santana ken ni Juan de Castellanos.^[5]

Idi 1813, ni María de la Concepción Loperena ket nagirangarang ti panakawayawaya idiay Valledupar ken nangidaton ti 300 a kabkabalio kenni Simon Bolivar. Idi 1829 ti Valledupar ket nagbalin a maysa a kanton ti probinsia ti Santa Marta. Babaen ti linteg a 15 iti 1850, ti Valledupar ket naisina idi manipud iti Santa Marta ken nagbalin a probinsia ti Valledupar. Idi 1857 daytoy ket nagbalin a probinsia ti estado ti Magdalena ken babaen ti Linteg iti Disiembre 29, idi 1864 daytoy ket nagbalin a departamento ti Valledupar a tagikua ti estado ti Magdalena.Idi Disiembre 27, 1967 ti departamento ti Cesar ket opisial a napartuat.^[4]

Dagiti munisipalidad

Kitaen pay: Dagiti munisipalidad ti Colombia

Ti Departamento ti Cesar ket binukel babaen dagiti 25 a munisipalidad.

Dagiti munisipalidad	Mapa
Aguachica Astrea Becerril Bosconia Chimichagua Chiriguana Codazzi Curumani El Copey El Paso Gamarra González La Gloria La Jagua de Ibirico Manaure Pailitas Pelaya Pueblo Bello Rio de Oro Robles La Paz San Alberto San Diego San Martín Tamalameque Valledupar

Dagiti nagibasaran

1. "Departamento: Información general". Gobernación del Cesar. Naiyarkibo manipud iti kasisigud idi 2013-02-17. Naala idi 2013-12-11.
2. "DANE". Naiyarkibo manipud iti kasisigud idi 2009-11-13. Naala idi Pebrero 13, 2013.
3. (iti Espaniol) Valledupar opisial a website ti pagsaadan ti, Kapitolio ti Departamento ti Cesar^{[permanente a natay a silpo]}
4. "Heograpiko nga Instituto ni Agustin Codazzi: Pakasaritaan ni Cesar" (iti Espaniol). Naiyarkibo manipud iti kasisigud idi 2003-10-24. Naala idi 2012-09-05.
5. LABLAA: Departamento ti Cesar; Pakasaritaan

• Dangon Ovalle, Jaime (Nobiembre 1987), El Cesar, Hijo del Amor, Valledupar: Departamento del Cesar.

• Gutierrez Hinojosa, Tomas Dario (2000), Valledupar Musica de una Historia, Bogota: Editorial Grijalbo LTDA, ISBN 958-639-175-2

• Araujonoguera, Consuelo (2002), Trilogia Vallenata, Colombia: Proyecto Editorial Babilonia, ISBN 958-33-3360-3

• Castro Trespalacios, Pedro (1979), Culturas Aborigenes Cesarences e Independencia de Valle de Upar, Bogota: Casa de la Cultura de Valledupar

Dagiti akinruar a silpo

Dagiti midia a mainaig iti Departamento ti Cesar iti Wikimedia Commons

• Cesar 30 Años de Progreso – Gobernacion del Cesar (1997) polieto
• Opisial a website ti Departamento ti Cesar Naiyarkibo 2007-10-06 iti Wayback Machine