Departamento ti Vichada
departamento ti Colombia From Wikipedia, the free encyclopedia
departamento ti Colombia From Wikipedia, the free encyclopedia
Ti Departamento ti Vichada (Espaniol: Departamento del Vichada, Panangibalikas nga Espaniol: [biˈ tʃaða]) ket departamento ti Republika ti Colombia idiay Abagatan nga Amerika. Ti Vichada ket mabirukan idiay daya a tantanap ti Colombia, idiay Rehion ti Orinoquía iti kaunegan ti labneng ti karayan Orinoco a nagbeddengan ti Venezuela iti amianan ken daya, iti amianan ti departamento ket pagbeddenganna pay ti Departamento ti Arauca , iti amianan a laud ti Departamento ti Casanare , iti laud ti Departamento ti Meta , iti abagatan a laud ket akikid a pagbeddenganna ti Departamento ti Guaviare ken iti abagatan ti Departamento ti Guainía. Ti departamento ket isu ti maikadua a kadakkelan idiay Colombia ken bassit laeng ti populasionna no maipada kadagiti sabali a departamento.
Departamento ti Vichada
Departamento del Vichada | |
---|---|
Pasasao: Tierra de hombres para hombres sin tierra Daga ti tattao, para iti tattao nga awan daga [1] | |
Nagsasabtan: 6°11′N 67°28′W | |
Pagilian | Colombia |
Rehion | Rehion ti Orinoquía |
Pannakabangon | Hulio 5, 1991 |
Kapitolio | Puerto Carreño |
Kalawa | |
• Dagup | 100,242 km2 (38,704 sq mi) |
• Ranggo | Maika-2 |
Populasion (2013)[4] | |
• Dagup | 68,575 |
• Ranggo | Maika-31 |
• Densidad | 0.68/km2 (1.8/sq mi) |
Sona ti oras | UTC-05 |
Kodigo ti ISO 3166 | CO-VIC |
Munisipalidad | 4 |
Website | www.gobvichada.gov.co |
Ti departamento ket dati idi a komisaria a nabangon idi 1913.
Ti kadakkelan nga ili ken kapitoliona ket ti Puerto Carreño a mabirukan idiay patingga a paset ti amianan a daya ti departamento a pagbeddengan ti Venezuela. Ti departamento ket nabingbingay pay kadagiti uppat a munisipalidad; ti Puerto Carreño, La Primavera, Santa Rosalía ken Cumaribo. Daytoy ket aglaon pay kadagiti 46 a reserba dagiti indihenio ken dagiti 6 a komunidad.
Ti departamento ket mabirukan idiay daya a tantanap ti Colombia lokal a tinawtawagan a kas ti Llanos. Ti departamento ket maipatingga iti amianan babaen ti Departamento ti Arauca ken ti Venezuela; iti day babaen ti Venezuela; iti abagatan babaen ti Departamento ti Guainía ken Departamento ti Guaviare; ken iti laud babaen ti Departamento ti Meta ken Departamento ti Casanare.
Ti departamento ket mabirukan idiay kanawan a bangkag ti Karayan Orinoco ken idiay kanawan a bangkag ti Karayan Meta iti kaunegan dagiti tanap ti los Llanos. Ti paset ti departamento ket naisanglad idiay Kalasag ti Guiana.
Ti klima ti departamento ket kaaduan a napudot ken nadam-eg nga addaan iti natimbeng a temperatura iti 28 °C (82 °F) itiamina a paset ti tawen.
Idi 1913 ti gobierno ti Colombia ket pinartuatna ti komisaria ti Vichada ken ti kapitolio ket nabanon idiay lokalidad a naamammuan a kas ti El Picacho idiay nagbaetan dagiti karayan Meta ken Orinoco. Ti ili ket nanaganan idi ti Puerto Carreño a kas pammadayaw kenni Pedro María Carreño, ti agtigtignay idi a Ministro ti Gobierno.[5]
Idi Agosto 1974, ti Puerto Carreño ket naipangato idi iti kategoria ti munisipalidad babaen ti bilin 1594 iti isu met laeng a tawen.[5]
idi Hulio 5, 1991 ti Vichada ket naipangato idi iti kategoria ti departamento ken ti Puerto Carreño a kas ti kapitoliona.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.