Aceh

Ti Aceh ((Acehnes: Acèh ([ʔaˈtɕɛh]); Jawoë: اچيه‎; Olandes: Atjeh wenn Aceh) ket ti probinsia ti Indonesia. Ti teritorio ket mabirukan iti akin-amianan a patingga ti Sumatra. Ti kapitoliona a ket ti Banda Aceh. Daytoy ket asideg iti Is-isla Andaman ken Nicobar ti India ken naisina kaniada babaen ti Baybay Andaman. Ti populasionna ket addaan iti kangatuan a porsiento dagiti Muslim idiay Indonesia, a kaaduanda nga agbibiag segun dagiti ugali ken dagiti linteg ti Sharia.^[2]

Aceh
Probinsia ti Indonesia
Ti pannakailadawan ti Aceh
Wagayway Eskudo
Ipakita ti mapa ti Aceh Ipakita ti ladawan a mapa ti Aceh Aceh Ipakita ti mapa ti Indonesia
Nagsasabtan:
Pagilian	Indonesia
Napundar	Disiembre 7, 1956
Kapitolio	Banda Aceh
Gobierno
• Daulo	Nova Iriansyah
Kalawa [1]
• Dagup	57,956.00 km2 (22,376.94 sq mi)
Kangato	125 m (410 ft)
Populasion  (2022)
• Dagup	5,407,855
• Densidad	93/km2 (240/sq mi)
Sona ti oras	UTC+07:00
Kodigo ti koreo	23xxx, 24xxx
Website	acehprov.go.id

Adda dagiti 10 indihenio nga etniko a grupo iti daytoy a rehion, ti kadakkelan ket ti tattao nga Acehnes, a mangbukel iti agarup a 80% aginggana iti 90% iti populasion ti rehion. Ti Aceh ket naipagpagarup nga isu ti lugar a nangrugian iti pannakaiwarwaras ti Islam idiay Indonesia, ken ti kangrunaan a banag iti pannakaiwarwaras ti Islam iti Abagatan a daya nga Asia. Naabutan ti Islam ti Aceh (Dagiti pagarian ti Fansur ken Lamuri) idi agarup a 1250 AD. Idi nasapa a maikasangapulo ket pito a siglo ti Sultanato ti Aceh ket isu idi ti kabaknangan, nabileg ken ti kaaduan a naimuyongan nga estado iti rehion ti Linglingsat Malaka. Ti Aceh ket addaan iti pakasaritaan iti politikal a wayawaya ken ti resistansia iti panagtengngel babaen dagiti gangganaet, mairaman dagiti dati nga Olandes a kolonista ken ti gobierno ti Indonesia.