Daya a Java

Ti Daya a Java (Indones: Jawa Timur, naipangyababa a kas Jatim, Habanes: Jåwå Wétan)^[1] ket maysa a probinsia ti Indonesia. Daytoy ket mabirukan idiay akindaya a Java, daytoy ket mangiraman iti isla ti Madura, a maikapet iti Java babaen ti kaatiddogan a rangtay idiay Indonesia, ti Rangtay Suramadu, ken ti pay Kangean ken purpuro Masalembu a mabirukan iti ad-adayo a daya ken amianan. Ti kapitoliona ket ti Surabaya, ti maikadua a kadakkelan a siudad idiay Indonesia ken maysa a nangruna a sentro ti industria. Ti Banyuwangi ket ti kadakkelan a rehensia idiay Daya a Java ken ti kadakkelan iti isla ti Java.

Daya a Java
Probinsia ti Indonesia
someja satełitar in otobre
Wagayway Eskudo
Ipakita ti mapa ti Daya a Java Ipakita ti ladawan a mapa ti Daya a Java Daya a Java Ipakita ti mapa ti Indonesia
Nagsasabtan:
Pagilian	Indonesia
Napundar	Pebrero 25, 1950
Kapitolio	Surabaya
Gobierno
• Daulo	Adhy Karyono
Kalawa
• Dagup	48,033.00 km2 (18,545.64 sq mi)
Kangato	1,554 m (5,098 ft)
Populasion  (2022)
• Dagup	41,144,067
• Densidad	860/km2 (2,200/sq mi)
Kodigo ti koreo	60111 - 69493
Website	www.jatimprov.go.id

Daytoy ket sakupenna ti kalawa iti 47,800 km². Segun ti karkulo iti senso idi 2010, adda dagiti 37,476,757 a tattao nga agtataeng idiay Daya a Java, a mangaramid daytoy iti maikadua a kaaduan ti populasion a probinsia ti Indonesia; ti kaudian nga opisial a karkulo (para iti Enero 2014) ket 41,529,481.

Daytoy ket addaan iti daga a pagbeddengan iti probinsia ti Tengnga a Java iti laud; ti Baybay Java ken beddengan ti Taaw Indiano dagiti akin-amianan ken akin-abagatan nga aplyana, bayat a ti akikid a Lingsat Bali iti daya ket mangisina ti Java manipud iti Bali.