Encyclopædia Britannica Eleventh Edition
maika-11 nga edision ti Encyclopædia Britannica From Wikipedia, the free encyclopedia
Remove ads
Ti Encyclopædia Britannica, Eleventh Edition (1910–11), ket ti maysa a 29 a tomo ti obra a reperensia, iti maysa nga edision ti Encyclopædia Britannica. Napadur-as daytoy idi las-ud ti transision ti ensiklopedia manipud iti pablaak a Britaniko iti maysa nga Amerikano. Sumagmamano kadagiti artikulona ket sinurat idi babaen dagiti kaaduan nga ammo nga eskolar iti dayta a panawen. Daytoy nga edision ti ensiklopedia, nga aglaon kadagiti 40,000 a naikabkabil, ket mabirukan itan iti dominio a publiko, ken adu kadagiti artikulona ket naus-usaren a kas maysa a batayan para kadagiti artikulo iti Wikipedia.[1] Nupay kasta, ti saanen a baro a kasasaad dagiti sumagmamano a linaon ket problematiko a panagusar a kas taudan para iti moderno nga panag-eskolar. Sumagmamano kadagiti artikulo ket addaan iti nangruna a pateg ken interesado kadagiti moderno nga eskolar a kas dagiti kultural nga artipakto iti maika-19 ken nasapa a maika-20 a siglo.
Remove ads
Pakaammo
Ti maikasangapulo ket maysa nga edision idi 1911 ket naumnong iti panangimaton ti Amerikano a nga agipabpablaak a ni Horace Everett Hooper. Ni Hugh Chisholm, nga isu ti nagurnos iti dati nga edision, ken isu idi ti naidutok nga editor in chief, ken kakuyogna ni Walter Alison Phillips a kas kangrunaan a katakunaynay nga editor.[2]
Iti kasisigud, ginatang ni Hooper ti karbengan dagiti 25-tomo nga maika-9 nga edision ken inaw-awisna ti diario ti Britaniko iti The Times a mangipablaak iti naimaldit manen, nga agraman kadagiti sangapulo ket maysa a maipatinayon a tomo (dagup a 35 a tomo) a kas ti maikasangapulo nga edision, a naipablaak idi 1902. Nagsardeng ti pannakaikadua ni Hooper iti The Times idi 1909, ken nakitulag isuna iti Cambridge University Press a mangipablaak kadagiti 29-tomo a maikasangapulo ket maysa nga edision. Ngem kadawyan a naipampanunotan a pudno a Britaniko nga obra daytoy, ti maikasangapulo ket maysa nga edision ket addaan iti adu nga impluensia iti Amerikano, iti saan laeng a naipaadu a gatad iti linaon nga Amerikano ken Kanadiano, ngem dagiti pay naaramid a ganetget a mangaramid daytoy a popular.[3] Dagiti pamay-an pay iti panagtagilako nga Amerikano ket nalatulong kadagiti lako. Sumagmamano a 14% kadagiti kontributor (214 kadagiti 1507) ket nagtaud manipud iti Amianan nga Amerika, ken naipatakder ti opisina iti New York tapno agtutumpong dagiti obrada.[4]
Dagiti pangyababaan dagiti kontributor ti ensiklopedia ket agparang iti patingga dagiti napili nga artikulo wenno iti patingga ti maysa a seksion iti kaso dagiti at-atiddog nga artikulo, a kas iti Tsina, ken ti maysa a tulbek ket naited iti tunggal maysa a tomo kadagita a pangyababaan. Sumagmamano kadagiti artikulo ket sinurat babaen dagiti kaaduan nga ammo nga eskolar iti dayta a panawene, kas da Edmund Gosse, J. B. Bury, Algernon Charles Swinburne, John Muir, Peter Kropotkin, T. H. Huxley, James Hopwood Jeans ken William Michael Rossetti. Kadagiti saan unay nga ammo a kontributor ket dagitinto kanungpalan a mabigbig, kas da Ernest Rutherford ken Bertrand Russell. Adu kadagiti artikulo ket naal amanipud iti maika-9 nga edision, sumagmamano ti napabaro bassit. Sumagmamano kadagiti agatiddog iti libro nga artikulo ket nabingbingay kadagiti babbabassit a parte para iti nalaklaka a reperensia , ken dagiti dadduma met ket naipabassit. Dagiti kaaduan nga ammo a mannurat ket kadawyanda a nagkontribusion laeng iti bugbugtong nga artikulo wenno parte iti maysa nga artikulo. Kaaduan dagiti obra ket inaramid babaen dagiti agiwarwarnak, dagiti eskolar ti Museo Ti Britaniko ken dagiti dadduma nga eskolar. Ti edision ti 1911 ket isu idi ti immuna nga ensiklopedia a mangiraman iti ad-adu ngem bassit laeng a babbai a kontributor, ken adda dagiti 34 a babbai a nagparawad iti edision.[5]
Remove ads
Dagiti nagibasaran
Adu pay a mabasbasa
Dagiti akinruar a silpo
Wikiwand - on
Seamless Wikipedia browsing. On steroids.
Remove ads