Morocco

Ti Morocco (Arabiko: المغرب‎ al-Maghrib; sasao a Bereberes: ⴰⵎⵕⵕⵓⴽ or ⵍⵎⴰⵖⵔⵉⴱ^[8] Ameṛṛuk wenno Lmaġrib); opisial a ti Pagarian ti Morocco.^[2] ket isu ti akin-laud unay kadagiti pagilian ti Amianan nga Aprika. Daytoy ket maysa kadagiti tallo a pagilian (Espania, Pransia) nga addan ti aplaya iti Atlantiko ken Mediteraneo, ket addaan pay kadagiti lasonlasongan akaunegan ti bambantay. Ti Arabiko a nagan ti al-Mamlakat al-Maghribiyyah (Arabiko: المملكة المغربية‎), ket maipatarus iti "Ti umaud a Pagilian, ken ti Al-Maghrib (Arabiko: المغرب‎), wenno Maghreb, a ti kaibuksilanna ket "Ti Laud", dagitoy ket naus-usar a kas dagiti sabali a nagan.

Pagarian ti Morocco المملكة المغربية  (Arabiko) al-Mamlakat al-Maġribiyah ⵜⴰⴳⵍⴷⵉⵜ ⵏ ⵍⵎⵖⵔⵉⴱ  (Berber) Tagldit N Lmaġrib
Wagayway Eskudo
Napili a pagsasao:  الله، الوطن، الملك  (Arabiko) Allāh, al-Waṭan, al-Malik ⴰⴽⵓⵛ, ⴰⵎⵓⵔ, ⴰⴳⵍⵍⵉⴷ  (Tamazight) Akuc, Amur, Agllid "Dios, Pagilian, Ari"
Nailian a kanta:  النشيد الوطني المغربي  (Arabiko) Nailian a kanta ti Cherifian
Nangisit a nalabbasit: Sangalubongan a mabigbigan a teritorio ti Morocco. Nakusnaw a nalabbasit: Lumaud a Sahara, ti di-dekolonisado a teritorio a tinunton babaen ti Morocco a kas dagiti bukodna Akin-abagatan a probinsia.
Kapitolio	Rabat 34°02′N 6°51′W
Kadakkelan a siudad	Casablanca 33°32′N 7°35′W
Opisial a sasao	Arabiko[1] Berber[1][a]
Dagiti patneng a pagsasao[c]	Dagiti Arabiko a dialekto[e] Dagiti Berber a dialekto[d]
Grupgrupo ti etniko (2012[2])	99% Arabo-Berber 1% dadduma pay
Nagan dagiti umili	Taga-Morocco
Gobierno	Unitario a parlamentario a batay-linteg a monarkia[3]
• Ari	Mahomad VI
• Kangrunaan a Ministro	Aziz Akhannouch
Lehislatura	Parlamento
• Akinngato a kamara	Kamara dagiti Konsehal
• Akinbaba a kamara	Kamara dagiti Pannakabagi
Pannakawayawaya
• manipud iti Pransia	Marso 2, 1956
• manipud ti Espania	Abril 7, 1956
Kalawa
• Dagup	710,850 km2 (274,460 sq mi)[f] wenno 710,850 km2 [f]  (Maika-58 wenno maika-40)
• Danum (%)	0.056 (250 km2)
Populasion
• Karkulo idi 2013	32,878,400 (Maika-38)
• Densidad	73.1/km2 (189.3/sq mi) (Maika-122)
GDP (PPP)	Karkulo idi 2013
• Dagup	$181.9 bilion[4] (Maika-56)
• Tunggal maysa a tao	$5,537[4] (Maika-114)
GDP (nominal)	Karkulo idi 2013
• Dagup	$107.1 bilion[4] (Maika-59)
• Tunggal maysa a tao	$3,260[4] (Maika-117)
Gini (2007)	40.9[5] kalalainganna
HDI (2013)	0.591 kalalainganna · Maika-130
Kuarta	Dirham ti Mprocco (MAD)
Sona ti oras	UTC+0 (WET)
• Kalgaw (DST)	UTC+1 (WEST)
Pagmanehuan	kanawan
Kodigo ti panagtawag	+212
Kodigo ti ISO 3166	MA
TLD ti internet	.ma, المغرب.
^ Ti Pranses ket inus-usar pay kadagiti opisial a dokumento ti gobierno ken babaen dagiti komunidad ti negosio, urayno daytoy ket awan ti opisial a kasasaad.[6] ^ 13.5% nalaing, 19.5% nalaing bassit.[7] ^ Kitaen Dagiti pagsasao ti Morocco. ^ Kangrunaan ti Riffian, Shilha ken Tengnga a Tamazight. ^ Kangrunaan ti Darija ken Hassaniya. ^ Ti kalawa ti 446,550 km2 (172,410 sq mi) ket mamngilaksid amin kadagiti sinuppiatan a teritorio, bayat a ti 710,850 km2 (274,460 sq mi) ket mangiraman ti naadmistro ti Morocco a paset iti Lumaud a Sahara (tinunton a kas ti Republika ti Sahrawi babaen ti Sanguanan ti Polisario).

Ti Morocco ket addaan ti populasion iti sumurok a 35 a riwriw iti kalawa iti 710,850 km² (274,460 sq mi). Ti politikal a kapitoliona ket ti Rabat, urayno ti kadakkelan a siudad ket ti Casablanca; dagiti dadduma pay a nangruna a siudad ket mairaman ti Marrakech, Tangier, Tetouan, Salé, Fes, Agadir, Meknes, Oujda, Kenitra, ken Nador. Ti Morocco ket addaan ti pakasaritaan ti pannakawayawaya a saan a biningbingayan babaen dagiti kaarubana. Ti nabaknang a kulturana ket naglalaokan dagiti Arabo, Berber (patneng nga Aprikano) ken dagiti dadduma pay nga impluensia ti Aprikano ken Europeano.

Ti Morocco ket mangtunton ti saan a bukod nga agturturay a teritorio iti Lumaud a Sahara a kas "Dagiti Akin-abagatan a Probinsia". Ti Morocco ketinsilpona ti teritorio idi 1975 ken ti gerila a gubat kadagiti patneng a puersa ket napasardeng ti panaglalaban idi 1991. Dagiti ganetget ti Nagkaykaysa a Pagpagilian ket napaay a nangpasayaat daytoy a panagsardeng.

Ti Morocco ket maysa a batay-linteg a monarkia ng aaddaan ti nabutosan a parlamento. Ti Ari ti Morocco ket agtengtengngel kadagiti adu nga ehekutibo ken lehislatibo a bileg, a mairaman ti bileg a mangrakrak ti palamento. Ti ehekutibo a bileg ket sinansanay babaen ti gobierno ngem ti keddeng ti ari ket sapasap a makabaliw kadagiti gobierno no adda iti suppiatan. Ti lehislatibo a bileg ket naited iti gobierno ken dagiti dua a kamara ti parlamento, ti Aseblia dagiti Pannakabagi ken ti Asemblia dagiti Konsehal. Ti ari ket mabalin pay a agirangarang kadagiti bilin a tinawtawagan kadagiti dahir nga adda ti kabilegan iti linteg.

Ti kangrunaan a relihion ti Morocco ket ti Islam. Ti opisial a pagsasao ket ti Literario nga Arabiko. Naisasao pay ti Arabiko ti Morocco a naibagbaga a kas ti Dareja, Berber ken ti Pranses.