Pagsasao a Bulgaro

Ti Bulgaro^[3] (български език, panangibalikas [ˈbɤ̞ɫɡɐrski ɛˈzik]) ket pagsasao nga Indo-Europeano, a kameng ti Akin-abagatan a sanga ti pamilia ti pagsasao ti Eslabo.

Bulgaro
български език bălgarski ezik
Patubo iti	Bulgaria, Turkia, Serbia, Gresia, Ukrania, Moldova, Romania, Albania, Kosovo, Republika ti Amianan a Macedonia ken dagiti emigrante a komunidad iti sangalubongan
Rehion	Balkan
Patubo a mangisasao	6.8 riwriw (2011 census)[1]
Pamilia	Indo-Europeano Balto-Eslabo Eslabo Abagatan nga Eslabo Akin-daya nga Abagatan nga Eslabo Bulgaro
Dagiti dialekto	Dagiti dialekto ti Bulgaria
Panagsurat	Siriliko (Bulgaro nga abesedario) Bulgaro a Braille
Opisial a kasasaad
Opisial a mangisasao	Bulgaria  Kappon ti Europa Bantay Athos
Pakabigbigan a minoridad a pagsasao	Serbia  Romania (Banatiano karuay)  Ukrania[2]  Moldova
Nagalagad	Instituto para iti Pagsasao a Bulgaro iti Akademia dagiti Siensia ti Bulgaria (Институт за български език към Българската академия на науките (БАН))
Kodkodigo ti pagsasao
ISO 639-1	bg
ISO 639-2	bul
ISO 639-3	bul
Linguaesperio	53-AAA-hb < 53-AAA-h
Aglaon daytoy nga artikulo kadagiti simbolo ti ponetiko ti IPA. No awan ti maitunos a suporta ti panangipaay, mabalin a makitam dagiti marka-ti-saludsod, kahon, wenno sabali pay a simbolo imbes a dagiti karakter ti Unicode.

Ti Bulgaro, a kakuyogna ti asideg a kabagianna a pagsasao a Macedonio (naurnong a mangporma iti sasao ti Akin-daya nga Abagatan nga Eslabo), ket addaan kadagiti nadumaduma a pannakailasin a mangigiddiat daytoy kadagiti sabali a Sassao nga Eslabo: dagiti panagbalbaliw ket mairaman ti pannakaikkat ti gramatikal a kaso, ti panagdur-as iti suldong a depinitibo nga artikulo (kitaen ti pagsasao a lugar ti Balkan), ken ti kaawan ti berbo nga inpinitibo, ngem mangitalinaay ken addaan ti ad-adu a panagdur-as ti Proto-Eslabo a sistema ti berbo. Dagiti nadumaduma nga ebidensial a berbo ket adda tapno mangiyebkas ti saan a nasaksian, maibaga manen, ken ti madudua a tignay.

Idi naibatay ti 2011 senso, ti Ethnologue ket kinarkulona a ti Bulgaro ket insasao a kas patneng a pagsasao babaen dagiti 6.8 a riwriw a tattao.^[1] Idi 1999, ti World Almanac ket kinarkulona iti 9 a riwriw.^[4]