Pagsasao a Masedonio

Ti Masedonio (македонски јазик, makedonski jazik) ket pagsasao nga Abagatan nga Eslabo, a naisasao a kas umuna a pagsasao babaen ti agarup a dua riwriw a tattao, a naipangpangruna idiay Republika ti Amianan a Macedonia ken ti Masedonio a diaspora, nga addaan dagiti basbasit a bilang nga agsasao kadagiti transnasional a reghion ti Macedonia. Daytoy ket isu ti opisial a pagsasao ti Republika ti Amianan a Macedonia ken maysa nga opisial a minoridad a pagsasao kadagiti paset ti Albania, Romania ken Serbia.

Masedonio
македонски јазик makedonski jazik
Pannakabalikas	[maˈkɛdɔnski jazik]
Patubo iti	Republika ti Amianan a Macedonia, Albania, Bulgaria,[1][2] Gresia, Serbia, Diaspora a Masedonio
Rehion	Balkan
Etnisidad	Masedonio
Patubo a mangisasao	(2–2.5 a riwriw ti nadakamat idi 1986–1998)[3]
Pamilia	Indo-Europeano Balto-Eslabo Eslabo Abagatan nga Eslabo Akin-daya nga Abagatan nga Eslabo Masedonio
Dagiti dialekto	Dagiti dialekto ti Masedonio
Panagsurat	Siriliko (Masedonio nga abesedario) Masedonio a Braille
Opisial a kasasaad
Opisial a mangisasao	Amianan a Macedonia
Pakabigbigan a minoridad a pagsasao	Albania  Romania[4]  Serbia[5][6]
Nagalagad	Instituto ti Pagsasao a Masedonio "Krste Misirkov" idiay Ss. Cyril ken Methodius nga Unibersidad ti Skopje
Kodkodigo ti pagsasao
ISO 639-1	mk
ISO 639-2	mac (B) mkd (T)
ISO 639-3	mkd
Linguaesperio	53-AAA-ha (paset ti 53-AAA-h)
Aglaon daytoy nga artikulo kadagiti simbolo ti ponetiko ti IPA. No awan ti maitunos a suporta ti panangipaay, mabalin a makitam dagiti marka-ti-saludsod, kahon, wenno sabali pay a simbolo imbes a dagiti karakter ti Unicode.

Ti alagaden a Masedonio ken naiyaramat idi a kas opisial a pagsasao iti Sosialista a Republika ti Macedonia idi 1945^[7] ken manipud idin daytoy ket napardur-asen a kas ti agrangrang-ay a literario a tradison. Kaaduan ti kodipikasion ket naipormalisado idi las-ud ti isu met laeng a paset ti panawen.^[8][9][9]

Dagiti dialekto ti Masedonio ket mangporma ti lugar kadagiti Bulgaro a dialekto; ken isuda met ti mangporma ti dakdakkel a lugar iti Serbo-Kroata babaen kadagiti transisional a dialekto ti Torlak.