Pagsasao a Sama

Ti pagsasao a Sama, Sinama (ammo pay a kas Siyamal ken Bajau), ket ti pagsasao ti tattao a Sama ti Purpuro ti Sulu ken ti tattao a Bajau ti Sabah, Malaysia. Dagiti Sama ket maysa kadagiti kaaduan a naiwarwaras a tattao iti Abagatan a daya nga Asia.

Sama
Bajau
Sinama
Patubo iti	Filipinas, Malaysia
Rehion	Tawi-Tawi ken dagiti kaarruba nga isla ti n Purpuro ti Sulu (Sibutu, Siasi), Luek Darvel ken amianan nga aplaya ti Sabah
Etnisidad	Sama, Sama Banguingui
Patubo a mangisasao	(410,000 ti nadakamat idi 2000–2007)[1]
Pamilia	Austronesio Malayo-Polinesio Sama–Bajaw Sama
Kodkodigo ti pagsasao
ISO 639-3	Agdumaduma: ssb – Akin-abagatan a Sama sml – Tengnga a Sama sse – Balangingi Sama slm – Pangutaran Sama
Glottolog	inne1244

Pannakaidasig

Bingbingayen ti Ethnologue ti Sama kadagiti 4 a pagsasao babaen ti pannakaibatay iti panagsinnaranay a pannakaawat. Dagiti 4 pagsasao a Sama ket ti Akin-amianan a Sama, Tengnga a Sama, Akin-abagatan a Sama, ken Sinama Pangutaran manipud ti isla ti Pangutaran iti isla ti Jolo. Ti Jama Mapun, ti pagsasao manipud iti isla ti Mapun, dati nga ammo a kas Cagayan de Sulu, ket kabagian a pagsasao ken sagpaminsan pay a naibagbaga a kas Sinama. Dagitoy a pannakaidasig ket manmano a bigbigen babaen dagiti tattao a Sama a nagidasdasigda met ti Sama babaen ti purok wenno isla a nagtaudanna.