Pagsasao nga Asames

Ti Asames wenno Asamiya (অসমীয়া Ôxômiya) ket maysa nga akin-daya a pagsasao nga Indo-Aryan a kangrunaan a naus-usar idiay estado ti Assam. Daytoy ket isu ti opisial a pagsasao ti Assam. Ti akin-daya unay kadagiti pagsasao nga Indo-Aryan; daytoy ket insasao babaen ti sumurok a 13 a riwriw a patneng nga agsasao.^[3] Daytoy naisasao pay kadagiti paset ti Arunachal Pradesh ken dagiti dadduma pay nga estado ti amianan a daya Inga India. Ti Nagames, ti naibatay ti Asames a pagsasao a Kreol ket adu a naus-usar idiay Nagaland ken dagiti paset ti Assam. Ti Nefamese ket isu ti naibatay ti Asames a pidgin a naus-usar idiay Arunachal Pradesh. Adda met dagiti bassit a lugar dagiti agsasao ti Asames a mabirukan idiay Banglades.

Asames
অসমীয়া Ôxômiya
Patubo iti	India ken Banglades
Rehion	Assam, Arunachal Pradesh, Nagaland - (Asames wenno dialogo a karuay ti Asames) ken dagiti sabali apaset ti Amianan-Daya nga India ken dagiti basbassit a paset dagiti agsasao idiay Pune - Maharashtra, Uttar Pradesh, Delhi ken Bangalore, Karnataka, Kolkata - Laud a Bengal ken daddumapay[1]
Patubo a mangisasao	16 a riwriw (2007)[2]
Pamilia	Indo-Europeano Indo-Irani Indo-Aryan Akin-daya Bengali–Asames Asames
Dagiti dialekto	Kamrupi, Goalpariya
Panagsurat	Asames nga abesedario Asames a Braille
Opisial a kasasaad
Opisial a mangisasao	India (Assam)
Nagalagad	Asam Sahitya Sabha (literatura/retorikal a kongreso iti Assam)
Kodkodigo ti pagsasao
ISO 639-1	as
ISO 639-2	asm
ISO 639-3	asm
Linguaesperio	59-AAF-w

No kakauyog dagiti sabali a sasao nga Akin-daya nga Indo-Aryan, ti Asames ket nagbalbaliw sakbay idi maika-17 a siglo A.D^[4] manipud ti Magadhi Prakrit, a napadur-as met manipud ti dialekto wenno grupo dagiti dialekto nga asideg iti daytoy, ngem maigiddiat met manipud ti, Vedic ken Klasiko a Sanskrito. Dagiti kabsatna pagsasao ket mairaman ti Bengali, Oriya, Maithili, Chittagonian, Sylheti (Cilôţi), Angika ken sasao a Bihari. Daytoy ket naisurat iti Asames nga eskritu. Ti Asames ket naisursurat manipud ti kanigid nga agpakanawan ken ngato nga agpababa, a kasla met laeng iti Ingglesh. Ti adu a bilang dagiti ligatura ket mabalinmet gaputa mabalin amin a konsonante a mailaok iti sabsabali. Dagiti bokal ket mabalin a nawaya iti konsonante wenno ti rimpuook ti konsonante.