Pinyin
isbangan ti romanisasion ti Insik From Wikipedia, the free encyclopedia
Remove ads
Ti Pinyin, wenno Hanyu Pinyin, ket ti opisial a sistema ti ponetiko para iti panangisurat kadagiti panangibalikas ti Mandarin iti karkarakter nga Insik iti alpabeto a Latin idiay Tsina, Taiwan,[1] ken Singapur. Daytoy ket masansan a maus-usar iti panangisuro ti Pagalagadan nga Insik ken ti pinyin a saan a mangiraman kadagiti pangmarka a diakritiko ket masansan a maus-usar kadagiti gangganaet a pablaak tapno mailetra dagiti nagan nga Insik a pamiliar kadagiti saan nga Insik ken mabalin a mausar a kas maysa a maikabil a pamay-an tapno maikabil ti karkarakter nga Insik kadagiti kompiuter.
Ti sistema ti Hanyu Pinyin ket naparang-ay kadagidi tawen ti 1950 a naibatay kadagiti nasapsapa a porma ti romanisasion. Impablaak idi daytoy babaen ti gobierno ti Insik idi 1958 ken nabaliwan kadagiti nadumaduma a beses.[2] Ti Gunglo ti Sangalubongan para iti Panagalagad (ISO) ket inamponna ti pinyin a kas maysa a sangalubongan a pagalagadan idi 1982.[3] Inampon idi ti sistema a kas opisial a pagalagadan idiay Taiwan idi 2009, nga idiay ket inus-usar a romanisasion laeng imbes a para kadagiti panggep ti edukasion ken maikabil iti kompiuter.[4][5]
Ti kayat a sawen ti balikas a Hànyǔ (napalaka nga Insik: 汉语; tradisional nga Insik: 漢語) ket ti naisasao a pagsasao ti tattao a Han ken ti pīnyīn (Insik: 拼音) literal a kayatna a sawen ket ti "mailetra nga un-uni".[6]
Remove ads
Dagiti nagibasaran
Adu pay a mabasbasa
Dagiti akinruar a silpo
Wikiwand - on
Seamless Wikipedia browsing. On steroids.
Remove ads