Senegal

Ti Senegal (Pranses: le Sénégal), opisial a ti Republika ti Senegal (République du Sénégal, IPA: [ʁepyblik dy seneɡal]), ket maysa a pagilian idiay akinlaudnga Aprika. Ti naganna ket naggapu iti Karayan Senegal a nakabeddenganna iti daya ken amianan. Ti Senegal ket nabeddengan ti ruar babaen ti Taaw Atlantiko iti laud, ti Mauritania iti amianan, ti Mali iti daya, ti Guinea ken Guinea-Bissau iti abagatan; ti uneg ket ganganina a napalikmutan Ti Gambia, iti amianan, daya ken abagatan, malaksid ti ababa nga aplaya ti Taaw Atlatiko ti Gambia. Ti Senegal ket sakupenna ti kalawa ti daga iti gangani a 197,000 kuadrado kilometro (76,000 sq mi), ket adda ti nakarkulo a populasion iti agarup a 13 a riwriw. Ti klima ket tropiko nga addaan iti dua a tiempo: ti namaga a tiempo ken ti panagtutudo a tiempo.

Republika ti Senegal République du Sénégal (iti Pranses)
Wagayway Eskudo
Napili a pagsasao: "Un Peuple, Un But, Une Foi"  (Pranses) "Maysa a Tattao, Maysa a Pagtungpalan, Maysa a Pammati"
Nailian a kanta: Pincez Tous vos Koras, Frappez les Balafons Agkutengtengkayo kadagiti koras, pang-urenyo dagiti balafon
Lokasion ti Senegal ti uneg ti Kappon ti Aprika
Kapitolio ken kadakkelan a siudad	Dakar 14°40′N 17°25′W
Opisial a sasao	Pranses
Mabigbig a rehional a sasao	Wolof, Soninke, Pagsasao a Serer, Fula, Maninka, Diola,[1]
Grupgrupo ti etniko	Wolof 30.3% Pular 36.8% Serer 14.7% Jola 3.7% Mandinka 3% Soninke 1.1% Europeano/Libanes 1% other 9.4%
Nagan dagiti umili	Senegales, Taga-Senegal
Gobierno	Semi-presidensial a republika
• Presidente	Bassirou Diomaye Faye
• Kangrunaan a Ministro	Ousmane Sonko
Lehislatura	Parlamento
• Akinngato a kamara	Senado
• Akinbaba a kamara	Nailian a Gimong
Wayawaya
• manipud iti Pransia a kaduana ti Pranses a Sudan a kas ti Pederasion ti Mali	20 Hunio 1960
• manipud iti Pederasion ti Mali	20 Agosto 1960
Kalawa
• Dagup	196,723 km2 (75,955 sq mi) (Maika-87)
• Danum (%)	2.1
Populasion
• Karkulo idi 2011	12,855,153[2] (Maika-67)
• Senso idi 2002	9,967,299
• Densidad	65.3/km2 (169.1/sq mi) (Maika-134)
GDP (PPP)	Karkulo idi 2011
• Dagup	$25.152 billion[3]
• Tunggal maysa a tao	$1,871[3]
GDP (nominal)	Karkulo idi 2011
• Dagup	$14.461 bilion[3]
• Tunggal maysa a tao	$1,075[3]
Gini (2011)	40.3[4] kalalainganna
HDI (2013)	0.485[5] ababa · Maika-163
Kuarta	CFA a pranko (XOF)
Sona ti oras	UTC
Pagmanehuan	kanawan
Kodigo ti panagtawag	221
Kodigo ti ISO 3166	SN
TLD ti internet	.sn

Ti Dakar, ket isu ti kapitolio a siudad iti Senegal, mabirukan daytoy idiay akinlaud unay nga ungto ti pagilian idiay peninsula Cap-Vert. Ti agarup a 500 kilometro(300 mi) manipud iti aplaya, idiay Taaw Atlantiko, ket naisanglad ti Is-isla ti Cape Verde. Idi agdama ti maika-17 a siglo ken maika-18 a siglo, adun dagiti nadumadumama a puerto ti komersio, a tagikua dagiti nadumaduma nga imperio, ti naipatakder kadgiti igid ti pantar. Ti ili ti St. Louis ket nagbalin a kapitolio iti Pranses a Laud nga Aprika (Afrique occidentale française, wenno AOF) sakbay a naiyakar idiay Dakar idi 1902. Ti Dakar ti kalpasan daytoy ket nagbalin a kapitolio idi 1960 iti panawen iti panagwaywayas manipud iti Pransia.