2018
yaro From Wikipedia, the free encyclopedia
La yaro 2018 (MMXVIII per Romala algarismi) esis ordinara yaro komencinta en lundio segun Gregoriala kalendario. Ol esis la 18ma yaro di la triesma yarmilo, la 18ma yaro di la 21ma yarcento, e la 9ma yaro di la yari 2010a.
| Historio > yarcento |
| Yarcenti: |
| 20ma21ma22ma
|
| Yardeki: 2000a • 2010a • 2020a • 2030a • 2040a |
| Yari: 2001 • 2002 • 2003 • 2004 • 2005 |
Eventi
Violentoza incendii devastis multa regioni di Kalifornia, Usa, ca yaro. De la 1ma di januaro til la 12ma di novembro entote 5.798 incendii destruktis plu kam 340 mil hektari[1] di foresti, plantacerii e habitata zoni e produktis plu kam 70 morti nur en novembro.[2] En Grekia anke eventas violentoza incendii de la 23ma til la 26ma di julio, qui produktis 100 morti e destruktis plu kam 1.000 imobli.
En estal Afrika, inundadi qui komencis en marto koaktis mili di personi abandonar lia domi, destruktis plantacerii e produktis adminime 500 morti til la fino di mayo. Ol esis la maxim mala inundado enrejistrata dum 60 yari de la historio di la regiono.[3] En la Nord-estala regiono di Brazilia la sikeso ja duras dum 7 yari, e la ciencisti alertas pri la risko di dezertigo en la regiono.[4]
Januaro
- 1ma di januaro - En Kalifornia, Usa, komprar ed uzar marihuano divenas legala.
- 1ma di januaro - Segun judiciala decido, transsexuala personi povas engajar Usan armeo.[5]
- 3ma di januaro - Tempesto Eleanor frapas Europana landi kun ventegi di preske 160 km/h che l'Unionita Rejio, e pluvegi en multa landi. En multa loki l'elektro mankas ed aeroportui klozesas. Tri personi mortas, di qui du tranata per forta ondi en Baskia.[6]
- 6ma di januaro - Panamana petrolonavo MV Sanchi kolizionas che la maro di Estal Chinia kontre la kargonavo CF Crystal e brulas. Omna 32 kruani de la petrolonavo mortas.[7]
- La 8ma di januaro komencas pluvegi qui efektigos inundadi en Kalifornia, note en la regiono Montecitos, e produktos, til la 14ma di januaro, adminime 20 morti.[8]
- 9ma di januaro - Italiana e Germana polici arestas 169 membri de la reto mafioza 'Ndrangheta.[9]
- 9ma di januaro - Suocidint atako kontre policala kamiono en Quetta, Pakistan, produktas adminime 7 morti e 15 plusa homi vundita. La terorista grupo Tehrik-i-Taliban Pakistan, qua havas ligili kun Talibanani, asumas l'autoreso dil atako.[10]
- 15ma di januaro - Du suocidint ataki per bombi che la centro di Baghdad produktas plu kam 30 morti.[11]
- 15ma di januaro - Papo Franciskus komencas vizitar Chili meze atenti kontre kirki e protesti kontre l'indiko, l'antea yaro, di Juan Barros kom kardinalo. Barros akuzabas pri celar denunci kontre diversa sacerdoti pri pedofilio dum multa yari, kande il esabis episkopo.[12]
- 15ma di januaro - En Kolumbia, ponto konstruktinda che la choseo inter Bogota e Villavicencio krulas, e produktas 10 morti.[13]
- 18ma di januaro - Fairo che autobuso en Aktoe, Kazakstan, produktas adminime 52 morti.[14]
- 20ma di januaro - Turka milital avioni atakas Kurda pozicioni en Afrin, proxim la frontiero inter la du landi.[15]
- 25ma di januaro - Incendio en hospitalo che urbo Miryang, Sud-Korea, produktas adminime 37 morti e plu kam 70 plusa homi vundita.[16]
- 27ma di januaro - Teroristi explozas ambulanco plenigita per bombi en strado di Kabul, Afganistan. La suocidint atako produktas plu kam 100 morti e plu kam 200 plusa homi vundita.[17]
Februaro
- 3ma di februaro - Suocidint atako per bombo kontre militala bazo en Swat, Pakistan, produktas adminime 11 morti e 13 plusa homi vundita.[18]
- 6ma di februaro - Privata Usana kompanio SpaceX lansas fuzeo Falcon Heavy de Kennedy Space Center, en Florida. La fuzeo povas transportar 64 tuni di kargajo til l'orbito terala.[19]
- 9ma til la 25ma di februaro - Eventas la Vintrala Olimpiala Ludi en Pyeongchang, Sud-Korea. Nord-Korea e Sud-Korea konkursas kune, per unionita esquadi.
- 11ma di februaro - Aviono Antonov An-148 de la kompanio Rusa Saratov Airlines falas pos departar del aeroportuo Domodedovo, en Moskva. L'acidento produktas 71 morti.[20]
- 14ma di februaro - Jacob Zuma renuncas la prezidanteso di Sudafrika, pos presi de lua propra partiso CNA.[21]
- 14ma di februaro - Viro evante 19 yari eniras pafante en skolo di Parkland, Florida, e mortigas 17 personi.[22]
- 15ma di februaro - Cyril Ramaphosa asumas la prezidanteso di Sudafrika pos selektesar da la Nacional Asemblitaro di la lando.[23]
- 18ma di februaro - Aviono ATR-72 de Iranana kompanio Aseman kolizionas kontre la montaro Zagros ante arivar l'urbo Yasuj. Omna 66 personi ennave mortas.[24]
- 26ma di februaro - Ye 3:45 kloki (lokala horo) Ter-tremo kun forteso 7,5 che skalo di Richter frapas Papua-Nova-Guinea.[25] Altra sismi sequas, e produktas entote 125 morti, precipue pro avalanchi.[26]
Marto
- 2ma di marto - Ataki kontre kazerno e kontre Franca ambasadeyo en Ouagadougou, Burkina Faso produktas adminime 30 morti e 85 plusa homi vundita. Inter la mortinti, adminime 6 esis atakeri, e la maxim multa de la cetera esis militisti de Burkina Faso.[27]
- 5ma di marto - Reprezenteri de Sud-Korea renkontras Kim Jong-un en Pyongyang.[28]
- 9ma di marto - Usana prezidanto Donald Trump aceptas renkontror Kim Jong-un en mayo che Pyongyang, por diskutar pri la nukleara programo Nord-Koreana.[29]
- 9ma til la 18ma di marto - Vintrala Paralimpiala Ludi eventas en Pyeongchang, Sud-Korea.
- 11ma di marto - Cirkume 45 mil personi demonstras en Barcelona pri la nedependo di Katalunia.[30]
- 11ma di marto - Popul-Republiko Chinia aprobas modifiko en lua konstituco qua posibligos Xi Jinping divenor "prezidanto dumvive".[31]
- 12ma di marto - Aviono Bombardier Dash 8 de Us-Bangla Airlines flugante de Dhaka en Bangladesh til Katmandu en Nepal kun 71 personi en nave kolizionas dum la teroveno e brulas. L'acidento produktas 49 morti.[32]
- 17ma di marto - Batelo kun refujinti naufrajas proxim l'insulo Agathonisi, en Grekia. Adminime 16 personi mortas pro droneso.[33]
- 18ma di marto - Vladimir Putin vinkas prezidantal elekto en Rusia per cirkume 75% ek la voti.[34]
- 19ma di marto - La lasta maskula rinocero blanka dil nordo mortas en Kenia.[35][36]
- 21ma di marto - Pedro Pablo Kuczynski renuncas la prezidanteso di Peru.[37]
- 24ma di marto - Mili di personi, di qui la maxim multa yuni, protestas en Washington DC e mult altra Usana demandante kontrolo pri la vendo di paf-armi.[38]
- 25ma di marto - Adminime 64 personi mortas dum incendio che komercala centro en Kemerovo, Rusia.[39]
- 28ma di marto - Kim Jong-un renkontras Chiniana chefo Xi Jinping unesmafoye pos asumir la povo en Nord-Korea.[40]
Aprilo
- 1ma di aprilo - Carlos Alvarado Quesada, de la partiso Acción Ciudadana, vinkas baloto en Kosta Rika, per 60,79% ek la voti.[41]
- 7ma di aprilo - Luiz Inácio Lula da Silva, ex-prezidanto de Brazilia, arestesas.[42]
- 14ma di aprilo - Usa e lua federiti Unionita Rejio e Francia lansas ataki per jetaji kontre alegata "depozeyi di kemial armi" en Homs e Damaskus, en Siria.[43]
- 19ma di aprilo - Miguel Díaz-Canel divenas prezidanto di Kuba, pos la renunco di Raúl Castro.[44]
- 22ma di aprilo - Suocidint atakero explozas bombo proxim centro por registro di elekteri en Kabul, Afganistan, e mortigas adminime 57 personi. Plu kam 100 plusa homi vundesas.[45]
- 27ma di aprilo - Unesmafoye pos 65 yari, Nord-Koreana chefo Kim Jong-un vizitas oficale Sud-Korea e renkontras la prezidanto Moon Jae-in.[46]
Mayo
- 1ma di mayo - Incendio che la 24-etaja edifico Wilton Paes de Almeida an la centro di São Paulo, Brazilia, efektigas lua krulo e produktas 7 morti.[47]
- 3ma di mayo - En Baskia, gerilera* grupo ETA anuncas dua dissolvo.[48]
- 5ma di mayo - NASA lansas kosmoprobilo InSight vers Marso, ube ol arivas en novembro, por explorar la subsulo di la planeto.[49]
- 8ma di mayo - Donald Trump anuncas l'ekiro di Usa de la konkordo kun Iran pri lua nukleara programo. Tamen, l'Europana landi anuncas ke mantenos la konkordo.[50]
- 13ma di mayo - Suocidint atenti kontre 3 kristana kirki en Surabaya, Indonezia, mortigas adminime 13 personi e vundas dozeni. L'Islamana Stato asumas l'autoreso dil atenti.[51]
- 16ma di mayo - Rusia inauguras la maxim longa ponto di Europa, unionanta lua teritorio a Krimea.
- 18ma di mayo - Aviono Boeing 737 de la kompanio Cubana de Aviación kun 110 personi en nave falas poke pos departar de Habana vers Holguín, Kuba. Nur 3 personi transvivas.[52]
- 25ma di mayo - Juan Manuel Santos Calderón anuncas ke Kolumbia aceptabis kom membro di NATO e di OKED.[53]
- 25ma di mayo - Rezulto di plebicito che Republiko Irlando abrogas, per 66,4% ek la voti, la 8ma Emendo Konstitucala, qua proskriptabis aborto ecepte se existus risko a la vivo di la matro.[54]
Junio
- 3ma di junio - Adminime 109 personi mortas pro l'erupto dil volkano Volcán de Fuego.[55]
- 14ma di junio til la 15ma di julio - Eventas la Mondala Kupo di Futbalo en Rusia.
- 14ma di junio - FIFA selektas tri landi - Usa, Kanada e Mexikia - por gastigar la Mondala Kupo di Futbalo di 2026.[56]
- 19ma di junio - Kanada legaligas l'uzo distraktiva di marihuano.[57]
- 24ma di junio - Mulieri darfas vehar automobili en Saudi-Arabia.
Julio
- 5ma di julio - Lituania divenas la 36ma membro di OKED.[58]
- 6ma di julio - Shoko Asahara, chefo di la sekto Aum Shinrikyo mortigesas per jibeto pro la gasal atako en la metroo di Tokyo en 1995.[59]
- 9ma di julio - Eritrea ed Etiopia deklaras ke lia frontierala konflikto finis.[60][61]
- 9ma di julio - Japonia informas ke plu kam 100 personi mortabis pro inundadi e terglitadi dum la pluvoza sezono.[62]
- 10ma di julio - En Tailando finas sucesoza salvo di 12 pueri de futbalo-esquado e lia entrenisto qui eniris la kaverno Tham Luang e ne povis ekirar pro inundado.[63][64]
- 16ma di julio - Komencas renkontro inter Donald Trump e Vladimir Putin en Helsinki.[65]
- 17ma di julio - Europana Uniono e Japonia signatas kontrato pri ekonomial asociuro, qua kreos la maxim larja areo di libera komerco del mondo.[66][67]
- 23ma di julio til la 26ma di julio - Grandega forestala incendii en la regiono Atika, Grekia, efektigas granda destruktado di foresti, domi ed altra proprieti,[68] e mortigas entote 96 personi.[69]
- 25ma di julio - Ciencisti informas la deskovro di lago sub la glaciala krusto dil suda polo di Marso. To esas l'unesma konfirmata informo pri l'existo di liquida aquo en la planeto.[70]
- julio til agosto - Severa inundadi che Kerala, India, produktas plu kam 500 morti. To esis la maxim mala dizastro naturala en la regiono pos la granda inundadi di la 1920a yari.[71]
Agosto
- 2ma di agosto - Apple Inc. divenas l'unesma entraprezo del mondo qua atingis marketala kapitaligo di US$ 1 biliono.[72]
- 12ma di agosto - Rusia, Kazakstan, Azerbaijan, Iran e Turkmenistan signatas konvenciono pri Kaspia, qua finas 20-yara konkurso pri lua stando.[73]
- 14ma di agosto - Dum violentoza tempesto, parto ek la ponto Morandi, en Genova, Italia, krulas.[74] Entote 43 personi mortas.[75]
- 24ma di agosto - Scott Morrison divenas chefministro di Australia, sucedante Malcolm Turnbull.
Septembro
- 2ma di septembro - En Rio de Janeiro, Brazilia, incendio destruktas cirkume 97% ek la la kolekturo de la Nacionala Muzeo, e parto ek la strukturo de la 200-yar evanta edifico.[76]
- 4ma di septembro - Tifono Jebi frapas Japonia per ventegi di 160 km/h til 220 kmm/h, e produktas 11 morti, plu kam 300 plusa homi vundita, e granda destruktadi.[77]
- 5ma di septembro - Ter-tremo kun forteso 6,7 che skalo di Richter frapas Hokkaido, Japonia, proxim l'urbi Tomakomai e Sapporo.[78]
- 6ma di septembro - En Brazilia, prezidantala kandidato de dextra Jair Bolsonaro subisas atento per kultelo. Lua atakero dicis agar "sub l'ordeno de Deo".[79]
- 6ma di septembro - Supra Korto di India deskriminaligas homeosexualeso.[80]
- 14ma til la 15ma di septembro - Uragano Florence frapas l'esto di Usa (precipue Nordal e Sudal Karolina) e produktas adminime 12 morti.[81]
- 15ma di septembro - Tifono Mangkut (konocita lokale kom Ompong) frapas Filipini per ventegi til 325 km/h,[82] e produktas adminime 28 morti.[83]
- 20ma di septembro - Paromo MV Nyerere sinkas che la lago Viktoria en Tanzania e produktas 207 morti.[84]
- 26ma di septembro - Ido-konfero komencas en Provins, Francia
- 28ma di septembro - Ter-tremo kun forteso 7,5 che skalo di Richter frapas l'insulo Sulawesi en Indonezia ed efektigas la destrukto di edifici ed ondego. Altra ter-tremi min intensa sequas.[85][86] La ter-tremi e l'ondego produktas 1 407 morti[87] ed adminime 540 plusa homi vundita.[88]
- 30ma di septembro til la 1ma di oktobro - Tifono Trami frapas Okinawa[89], ube produktas 40 vunditi,[90] e Japonia du dii pose, ube produktas adminime 2 morti e 120 plusa homi vundita.[90]
- 30ma di septembro - Ido-konfero finas en Provins, Francia
Oktobro
- 3ma di oktobro - Volkano Soputan eruptas en Sulawesi, Indonezia, 6 dii pos forta ter-tremo.[87]
- 10ma di oktobro - Uragano Michael, qua formacabis super Atlantiko ye la 7ma di oktobro terovenas en Florida, Usa, destruktas l'urbo Mexico Beach preske komplete, e produktas adminime 6 morti.[91][92]
- 11ma di oktobro - Terglitado pro la pluvegi che Marquetalia, Kolumbia, produktas 11 morti.[93]
- 17ma di oktobro - Kanada divenas la duesma lando en la mondo qua posibligas amuzala uzo di marihuano.[94]
- 19ma di oktobro - Europana-Japoniana kosmoprobilo BepiColombo lansesas por 7-yara inquesto-misiono en Merkuro.[95]
- 19ma di oktobro - Per 2/3 yes-voti, parlamento di Norda Macedonia aprobas chanjar la nomo di la lando a "Republiko Norda Macedonia".[96]
- 20ma di oktobro - En London, 700 000 personi marchas por demandar nova plebicito pri Brekiro.[97]
- 23ma di oktobro - Prezidanto Xi Jinping inauguras ponto longa de 39 km liganta Hong-Kong, Makau e Zhuhai, en la Popul-Republiko Chinia.[98]
- 28ma di oktobro - Jair Bolsonaro elektesas prezidanto di Brazilia, per 55% ek la valida voti.[99]
- 28ma di oktobro - Pafado en sinagogo che Pittsburgh, Usa, produktas 11 morti.[100]
- 29ma di oktobro - Aviono Boeing 737 de la kompanio Lion Air falas che l'oceano pos departar de Jakarta, Indonezia kun 189 personi ennave.[101]
- 30ma di oktobro - La misiono Kepler da NASA finas, pos ke la fuelo de la kosmonavo finas.[102]
Novembro
- 4ma di novembro - En Nova-Kaledonia eventas plebicito pri lua nedependo, e 56,4% ek la votanti rejektas ta ideo, kontre 43.6% favorebla.[103]
- 8ma di novembro - L'incendio surnomizita Camp Fire komencas che komtio Butte, en Kalifornia. Ol destruktas plu kam 18.000 imobli, produktas adminime 85 morti e divenas la maxim mortigiva e destruktiva incendio de la historio dil stato. Ol kontrolesas nur ye la 26ma di novembro.[104]
- 14ma di novembro - En Campinas, Brazilia, inauguresas la partikul-acelerilo Sirius, qua posibligos studiar strukturi di molekuli ed atomi.[105]
- 19ma di novembro - Carlos Ghosn, prezidanto di la kompanio Nissan, chef-exekutivo di la kompanio Renault, ed administristo di Mitsubishi Motors, arestesas pro celir 17-milion-dolara revenuo de la fisko di Japonia. Altra exekutivo, Greg Kelly, ank arestesas pro konivenco.[106]
- 20ma di novembro - Suocidint atako en Kabul, Afganistan, dum renkontro di Mohamedana kleriki produktas adminime 40 morti e 60 plusa homi vundita.[107]
- 28ma di novembro - Chiniana ciencisto He Jiankui anuncas dum publika konfero en Hong Kong ke ilu modifikabis la DNA de du jemela puerini probante ke li divenos rezistanta al infekto da AIDS-viruso.[108]
- 30ma di novembro - La chefi di stato di Usa, Kanada e Mexikia signatas en Buenos Aires komercala pakto qua remplasas NAFTA.[109]
Decembro
- 1ma di decembro - Andrés Manuel López Obrador divenas prezidanto di Mexikia.
- 1ma di decembro - Meng Wanzhou, administristo di la kompanio Huawei, arestesas en [[Kanada].[110]
- 1ma til la 8ma di decembro - Eventas violentoza protesti da la surnomizita "flava jileti" en Paris, la maxim mala protesti en Francia pos mayo 1968. Plu kam 100 automobili brulesas e l'Arko dil Triumfo subisas vandalajo.
- 3ma di decembro - NASA informas l'arivo di la kosmoprobilo OSIRIS-REx a l'asteroido Bennu.[111]
- 7ma di decembro - Segun statistiki dil Internaciona Organizuro pri Telekomuniki del Unionita Nacioni, kande la yaro finos, cirkume 51,2% de la habitantaro di la Tero ja uzos l'interreto.[112]
- 11ma di decembro - Viro invadas pafante la katedralo di Campinas, Brazilia, mortigas 4 personi, vundas plusa 4 homi, e pose suocidas.[113]
- 11ma di decembro - Tri kirka kloshi kaptita da Usana trupi che la vilajo Balangiga en 1901, dum Usana-Filipinana milito, retrodonesas da Usa a Filipini.[114]
- 15ma di decembro - Dum la Konfero pri Klimatala Chanjo en Katowice, Polonia, cirkume 200 landi paktas pri realigar la Klimatala Pakto di Paris, de la yaro 2015.[115]
- 22ma di decembro - Ondego efektigita posible dal erupto dil volkano Anak Krakatoa frapas la stretajo di Sunda e produktas adminime 373 morti[116] e 745 plusa homi vundita.[117]
Naski
Morti
- 2ma di januaro - Thomas S. Monson, prezidanto dil Eklezio di Iesu Kristo di Lasta-Dia Santi (n. 1927)
- 5ma di januaro - Carlos Heitor Cony, Braziliana skriptisto e jurnalisto (n. 1926)[118][119]
- 7ma di januaro - France Gall, Franca kantistino[120] (n. 1947)
- 8ma di januaro - George Maxwell Richards, chefministro di Trinidad e Tobago (n. 1931)
- 9ma di januaro - Odvar Nordli, chefministro di Norvegia (n. 1927)[121]
- 10ma di januaro - Damdinjavin Bandi, Mongoliana boxisto (n. 1942)
- 14ma di januaro - Dolores O'Riordan, Irlandana kantistino (n. 1971)
- 19ma di januaro - Dorothy Malone, Usana cinem-aktorino (n. 1924)[122]
- 20ma di januaro - Paul Bocuse, Franca chef-koquisto (n. 1926)
- 21ma di januaro - Connie Sawyer, Usan aktorino (n. 1912)
- 22ma di januaro - Ursula Le Guin, Usana skriptisto (n. 1929)
- 23ma di januaro - Nicanor Parra, Chiliana poeto, matematikisto e fizikisto (n. 1914)[123]
- 24ma di januaro - Mark Edward Smith, Britaniana kantisto (The Fall) (n. 1957)
- 25ma di januaro - Claribel Alegría, Nikaraguana poetino (n. 1924)[124]
- 29ma di januaro - Ion Ciubuc, chefministro di Moldova (n. 1943)
- 1ma di februaro - Dennis Edwards, Usana kantisto (The Temptations) (n. 1943)
- 11ma di februaro - Vic Damone, Usana kantisto, kompozisto e prizentisto di televiziono[125] (n. 1928)
- 12ma di februaro - Leo Falcam, prezidanto di la Federata Stati di Mikronezia (n. 1935)[126]
- 14ma di februaro - Ruud Lubbers, chefministro di Nederlando (n. 1939)[127]
- 14ma di februaro - Morgan Tsvangirai, chefa ministro di Zimbabwe (n. 1952)
- 18ma di februaro- Günter Blobel, German-Usana biologiisto, Nobel-laureato[128] (n. 1936)
- 21ma di februaro - Billy Graham, Usana predikisto[129] (n. 1918)
- 21ma di februaro - Ján Kuciak, Slovaka jurnalisto (n. 1990)
- 22ma di februaro - Richard Edward Taylor, Kanadana fizikisto, Nobel-laureato (n. 1929)[130]
- 24ma di februaro - Sridevi, Indian aktorino (n. 1963)
- 3ma di marto - Tônia Carrero, Brazilian aktorino (n. 1922)[131]
- 6ma di marto - John Edward Sulston, Britaniana biologiisto, Nobel-laureato (n. 1942)
- 7ma di marto - Reynaldo Bignone, prezidanto di Arjentinia (n. 1928)
- 12ma di marto - Oleg Tabakov, Rusa-Sovietiana teatr-aktoro (n. 1935)
- 14ma di marto - Stephen Hawking, Britaniana fizikisto[132] (n. 1942)
- 14ma di marto - Marielle Franco, Braziliana politikistino (n. 1979)
- 15ma di marto - Phan Văn Khải, chefministro di Vietnam (n. 1933)[133]
- 18ma di marto - Barkat Gourad Hamadou, chefa ministro di Djibuti (n. 1930)
- 24ma di marto - Lys Assia, Suisa kantistino (n. 1924)
- 30ma di marto - André Bo-Boliko Lokonga, chefa ministro di la Demokratial Republiko Kongo (n. 1934)
- 1ma di aprilo - Efraín Ríos Montt, diktatoro di Guatemala[134] (n. 1926)
- 2ma di aprilo - Winnie Mandela, Sudafrikana politikistino, vidvo di Nelson Mandela (n. 1936)
- 2ma di aprilo - Morris Halle, Latvian-Usana linguistikisto (n. 1923)
- 7ma di aprilo - Peter Andreas Grünberg, Germana fizikisto, Nobel-laureato (n. 1939)[135]
- 9ma di aprilo - Jigjidiyn Mönhbat, Mongoliana luktisto (n. 1941)
- 13ma di aprilo - Art Bell, usana radio-hosto (n. 1945)
- 13ma di aprilo - Miloš Forman, Cheka filmifisto (n. 1932)[136][137]
- 15ma di aprilo - Tüvdiyn Cerendondov, Mongoliana sport-pafisto (n. 1934)
- 20ma di aprilo - Avicii, Sueda disk-jokeo[138] (n. 1989)
- 21ma di aprilo - Verne Troyer, Usan aktoro (n. 1969)
- 27ma di aprilo - Álvaro Arzú Irigoyen, prezidanto di Guatemala (n. 1946)[139]
- 28ma di aprilo - Agildo Ribeiro, Braziliana humuristo (n. 1932)[140]
- 29ma di aprilo - Luis García Meza, diktatoro di Bolivia[141] (n. 1929)
- 3ma di mayo - Afonso Dhlakama, Mozambikana politikisto (n. 1953)
- 5ma di mayo - Ermanno Olmi, Italiana filmifisto (n. 1931)
- 7ma di mayo - Maurane, Belga kantistino ed aktorino (n. 1960)
.jpg)
- 14ma di mayo - Tom Wolfe, Usana skriptisto e jurnalisto (n. 1930)
- 21ma di mayo - Anna Maria Ferrero, Italian aktorino (n. 1934)
- 22ma di mayo - Júlio Pomar, Portugalana piktisto (n. 1926)
- 22ma di mayo - Philip Roth, Usana skriptisto[142] (n. 1933)
- 27ma di mayo - Aly Lotfy Mahmoud, chefa ministro di Egiptia (n. 1935)
- 28ma di mayo - Jens Christian Skou, Dana mediko, Nobel-laureato (n. 1918)
- 28ma di mayo - Ola Ullsten, chefministro di Suedia (n. 1931)[143]
- 2ma di junio - Paul Delos Boyer, Usana biokemiisto e profesoro, Nobel-laureato pri kemio[144] (n. 1918)
.jpg)
- 8ma di junio - Maria Esther Bueno, Braziliana tenisistino[145] (n. 1939)
- 8ma di junio - Anthony Bourdain, Usana koqueyestro e skriptisto[146] (n. 1956)
- 13ma di junio - Anne Donovan, Usana basketbalistino (n. 1961)
- 23ma di junio - Kim Jong-pil, chefministro di Sud-Korea[147] (n. 1926)
- 26ma di junio - Henri Namphy, prezidanto di Haiti (n. 1932)
- 6ma di julio - Shoko Asahara, chefo di la sekto Japoniana Aum Shinrikyo (n. 1955)
- 11ma di julio - Lindy Remigino, Usan atleto (n. 1931)
- 14ma di julio - Theo-Ben Gurirab, chefministro di Namibia (n. 1938)
- 18ma di julio - Burton Richter, Usana fizikisto, Nobel-laureato (n. 1931)
- 29ma di julio - Oliver Dragojević, Kroata kantisto e kompozisto (n. 1947)
- 1ma di agosto - Mary Carlisle, Usan aktorino (n. 1914)
- 7ma di agosto - Anton Lehmden, Austriana piktisto (m. 1929)
- 11ma di agosto - Vidiadhar Surajprasad Naipaul, Trinidadana skriptisto, Nobel-laureato (n. 1935)
- 16ma di agosto - Aretha Franklin, Usana kantistino[148] (n. 1942)
- 16ma di agosto - Atal Bihari Vajpayee, chefministro di India (n. 1924)
- 17ma di agosto - Ezzatolah Entezami, Iranana cinem-aktoro (n. 1924)
- 18ma di agosto - Kofi Annan, generala-sekretario dil Unionita Nacioni[149] (n. 1938)
- 25ma di agosto - John McCain, Usana militisto e politikisto (n. 1936)[150]
- 29ma di agosto - James Mirrlees, Skota ekonomikisto, Nobel-laureato (n. 1936)
- 1ma di septembro - Randy Weston, Usana jazo-pianisto (n. 1926)
- 5ma di septembro - Beatriz Segall, Brazilian aktorino (n. 1926)[151]
.jpg)
- 6ma di septembro - Burt Reynolds, Usan aktoro (n. 1936)
- 6ma di septembro - Oleg Ivanovich Lobov, Sovietiana politikisto (n. 1937)
- 8ma di septembro - Gennadi Gagulia, chefministro di Abhazia (n. 1948)
- 20ma di septembro - Mohammed Karim Lamrani, chefministro di Maroko (n. 1919)
- 21ma di septembro - Trần Đại Quang, 8ma prezidanto di Vietnam (n. 1956)
- 21ma di septembro - Vitaliy Masol, chefministro di Ukraina (n. 1928)
.jpg)
- 23ma di septembro - Charles Kuen Kao, Chiniana-Britaniana injenioro e fizikisto, Nobel-laureato (n. 1933)
- 27ma di septembro - Martin Balin, Usana muzikisto (Jefferson Airplane, Jefferson Starship) (n. 1942)
- 28ma di septembro - Barnabas Sibusiso Dlamini, chefministro di Swazilando (m. 1942)
- 1ma di oktobro - Charles Aznavour, Franca kantisto e kompozisto[152] (n. 1924)
- 1ma di oktobro - Đỗ Mười, chefministro di Vietnam (n. 1917)
- 2ma di oktobro - Jamal Kashogji, Araba jurnalisto (n. 1958)
- 3ma di oktobro - Leon Max Lederman, Usana fizikisto, Nobel-laureato (n. 1922)
.jpg)
- 6ma di oktobro - Montserrat Caballé, Kataluniana kantistino[153] (n. 1933)
- 9ma di oktobro - Thomas Steitz, Usana biokemiisto, Nobel-laureato pri kemio[154] (n. 1940)
- 15ma di oktobro - Paul Allen, Usan entraprezisto, un ek la fondinti di Microsoft[155] (n. 1953)
- 18ma di oktobro - Abdel Rahman Swar al-Dahab, prezidanto di Sudan (n. 1934)
- 19ma di oktobro - Osamu Shimomura, Japoniana kemiisto, Nobel-laureato (n. 1928)
- 20ma di oktobro - Wim Kok, sindikatano e chefministro di Nederlando[156] (n. 1938)
.jpg)
- 22ma di oktobro - Boris Kokorev, Sovietiana e Rusiana sporta pafistulo (n. 1959)
- 12ma di novembro - Stan Lee, Usana skriptisto, editisto ed aktoro[157] (n. 1922)
- 13ma di novembro - Lucho Gatica, Chiliana kantisto[158]
- 15ma di novembro - Roy Clark, Usana kantisto di country (n. 1933)
- 16ma di novembro - William Goldman, Usana novelisto e skriptisto por cinemo e teatro (n. 1931)
- 19ma di novembro - Apisai Ielemia, chefministro di Tuvalu[159] (n. 1955)
- 20ma di novembro - Aaron Klug, Lituana-Britaniana kemiisto e biofizikisto, Nobel-laureato pri Kemio (n. 1926)[160]
- 26ma di novembro - Bernardo Bertolucci, Italiana filmifisto (n. 1941)[161]
- 26ma di novembro - Stephen Hillenburg, Usan animero, kartunisto e docisto pri marala biologio, kreinto di SpongeBob SquarePants (n. 1961)
- 30ma di novembro - George H. W. Bush, prezidanto di Usa (n. 1924)[162]
- 6ma di decembro - Karel Heim, Chekoslovakiana hokeisto (n. 1939)
- 7ma di decembro - Belisario Betancur Cuartas, prezidanto di Kolumbia[163] (n. 1923)
- 9ma di decembro - Riccardo Giacconi, Italian-Usana astrofizikisto, Nobel-laureato (n. 1931)
- 13ma di decembro - Nancy Sue Wilson, Usana kantistino di jazo (n. 1937)
.jpg)
- 15ma di decembro - Girma Wolde-Giorgis, prezidanto di Etiopia (n. 1924)
- 17ma di decembro - Penny Marshall, Usan aktorino (n. 1943)
- 18ma di decembro - Tulsi Giri, chefministro di Nepal (n. 1926)
- 18ma di decembro - Kazimierz Kutz, Polona filmifisto e politikisto (n. 1929)
- 18ma di decembro - Shinobu Sekine, Japoniana judoisto (n. 1943)
- 22ma di decembro - Roberto Suazo Córdova, prezidanto di Honduras (n. 1927)[164]
- 25ma di decembro - Baldur Ragnarsson, Islandana poeto qua skribis en Esperanto (n. 1930)
- 26ma di decembro - Roy Jay Glauber, Usana fizikisto, Nobel-laureato (n. 1925)
- 28ma di decembro - Amos Oz, Israelana skriptisto e jurnalisto (n. 1939)[165]
- 28ma di decembro - Shehu Shagari, prezidanto di Nigeria[166] (n. 1925)
- 28ma di decembro - Abdelmalek Benhabyles, provizora prezidanto di Aljeria (n. 1921)
- 30ma di decembro - Edgar Hilsenrath, Germana skriptisto (n. 1926)
Nobel-premiiziti
- Fiziko: Arthur Ashkin, Gérard Mourou, Donna Strickland
- Kemio: Frances Arnold, George Pearson Smith, Gregory Paul Winter
- Fiziologio o Medicino: James Patrick Allison, Tasuku Honjo
- Literaturo: Olga Tokarczuk[167] (recevis la premio en 2019)[168]
- Paco: Denis Mukwege e Nadia Murad[169]
- Ekonomiko: William Nordhaus e Paul Romer[170]
Referi
Wikiwand - on
Seamless Wikipedia browsing. On steroids.