Ekonomio di Equatorala Guinea

Equatorala Guinea esas mikra lando an la westala rivo di Afrika. Lua ekonomio dependas forte de l'exportaco di petrolo. Extraktado di ligno ed agrokultivo esas minora fonti di revenui. Malgre lua alta TNP po persono, en 2015 la lando rangizesis 138ma loko inter 188 landi segun l'Indexo pri homala developeso dal Unionita Nacioni.

Ekonomio di Equatorala Guinea
Pekunio	Franko CFA di Central Afrika
Internaciona organizuri	Afrikana Uniono, AfCFTA, ECCAS, UDEAC, MOK (observanto)
Statistiki [1]
Totala nacionala produkturo (TNP)	US$ 23 924 milioni (2021)
Rango TNP	148ma[2] maxim granda
Kresko di TNP	-0,95% (2021)
TNP po persono	US$ 14 600 (2021)
TNP segun sektoro	agrokultivo 2,5%, industrio 54,6%, servadi 42,9% (2017)
Inflaciono	4,77% (2020)
Habitantaro sub la povreso-lineo	44% (2011)
Laboro-povo	549 800 (2021)
Laboro-povo segun okupo	netrovebla
Chomeso	9,24% (2021)
Komercala parteneri [1]
Exportaci (US$)	8 776 milioni (2019)
Precipua parteneri	Popul-Republiko Chinia 34%, India 19%, Hispania 11%, Usa 7% (2019)
Importaci (US$)	6 245 milioni (2019)
Precipua parteneri	Usa 22%, Hispania 19%, Popul-Republiko Chinia 12%, Unionita Rejio 6%, Unionita Araba Emirii 5% (2019)
Publika financi [1]
Extera debo	1 211 milioni (2017)
Revenuo totala (US$)	2 114 milioni (2017)
Spenso totala (US$)	2 523 milioni (2017)
Noto: Ecepte kande kontree mencionata, valori en ca tabelo esas en Usana dolari

Sideyo di kompanio GEPetrol en Malabo.

Ante la nedependo, kakao esas la precipua ekonomiala produkturo di la lando. En 1959, la regiono havis la maxim alta TNP po persono di Afrika. Pos la nedependo, la neglijo di rurala ekonomio diminutis la potencialo di kresko suportata dal agrokultivo.

La deskovro di granda jaceyi di petrolo en 1996 kontributis por dramatala chanjo en la revenui di lua guvernerio. En 2004^[3] la lando divenis la 3ma maxim granda produktero di petrolo en Sub-Saharan Afrika, e la diala produktado kreskis de 35.000 bareli omnadie en 2002 a 220.000 bareli omnadie en 2004. Pos ke l'internaciona preci dil petrolo krulis en 2014, l'ekonomio deskreskis 9,1% en 2015, 8,6% en 2016, 3,2% en 2017, 5,48% en 2019, 4,24% en 2020 e 0,95% en 2021. En 2017, la lando membreskis ONEP^[4].