Ekonomio di Maroko

From Wikipedia, the free encyclopedia

Ekonomio di Maroko
Remove ads

Maroko profitas de lua proximeso kun Europa e lua basa kusti laborala, e developis forta e diversa ekonomio di merkato. La lando havas la 6ma maxim granda ekonomio di Afrika, e la 58ma maxim granda de la mondo[2]. Mondal Ekonomiala Forumo situis Maroko kom la maxim konkurenciva ekonomio di Nordal Afrika. Dum la komenco dil yari 1990a Maroko privatigis multa kompanii, ma to ne diminutis chomeso en la lando, nome en urbi. L'ekonomio di la lando sucesis rezistar problemi klimatala, pri preci di vari e pri la pandemio di KOVID-19 dum la komenco dil yari 2020a.

Plusa informi Pekunio, Internaciona organizuri ...
Thumb
Centrala Banko di Maroko.
Thumb
Bankobilieto di 50 dirham.

Nun, servadi reprezentas plua kam 50% de la TNP. L'industriala sektoro - inkluzite manufakturo, minado e konstrukto - reprezentas cirkume 1/4 de la TNP. La produktado di texaro e vestaro esas parto di kreskanta sektoro industriala, qua produktis 34% de la vari exportacita da la lando en 2022, ed employas 40% del industriala laboro-povo. Maroko ank esas la 3ma maxim granda produktero di fosfato de la mondo, dop Usa e Popul-Republiko Chinia.

L'alta kusto di vari importacata - nome petrolo - esas serioza problemo. Maroko anke havas tale nomizita "strukturala chomeso", e granda extera debo. La chomeso inter yuni esis 27,2% en 2021. Cirkume 80% del employi esas neformala, e salariala diferi esas multe granda. Pri indexo pri homala developeso, en 2022 Maroko esis en la 120ma poziciono inter 191 landi, dop Aljeria (93ma poziciono) e Tunizia (101ma poziciono).

Remove ads

Referi

Loading related searches...

Wikiwand - on

Seamless Wikipedia browsing. On steroids.

Remove ads