Ekonomio di Ruanda

Ruanda esas rurala lando ube agrokultivo reprezentas cirkume 63% del exportaci. Ol anke havas kelka extraktado di minerali ed industrii qui transformas agrokultivala produkturi. La demografiala denseso di la lando esas alta, tamen, ecepte en la chef-urbo Kigali, la cetera urbi ne esas tante populizita. Turismo, mineral extraktado, kafeo e teo esas la precipua fonti di extera monetaro. Malgre la fertileso di lua suli, agrokultivala produktado kelkafoye ne kreskas tante kam la habitantaro, e Ruanda mustas importacar nutrivi.

Ekonomio di Ruanda
Pekunio	Ruandana franko
Internaciona organizuri	MOK, Afrikana Uniono, AfCFTA,  ECCAS, EAC, COMESA
Statistiki [1]
Totala nacionala produkturo (TNP)	US$ 42 701 milioni (2023)
Rango TNP	136ma[2] maxim granda
Kresko di TNP	8,24% (2023)
TNP po persono	US$ 3 100,00 (2023)
TNP segun sektoro	agrokultivo 27,1%, industrio 21,5%, servadi 44,3% (2023)
Inflaciono	1,8% (2024)
Habitantaro sub la povreso-lineo	38,20% (2016)
Laboro-povo	5 671 000 (2024)
Laboro-povo segun okupo	agrokultivo 90%, industrio e servadi 10%
Chomeso	12% (2024)
Komercala parteneri [1]
Exportaci (US$)	3 509 milioni (2023)
Precipua parteneri	Unionita Araba Emirii 66%, Popul-Republiko Chinia 10%, Usa 3%, Kenia 3%, Tailando 2% (2023)
Importaci (US$)	5 783 milioni (2023)
Precipua parteneri	Popul-Republiko Chinia 19%, Kenia 14%, Uganda 13%, Tanzania 9%, Unionita Araba Emirii 7% (2023)
Publika financi [1]
Extera debo	5 531 milioni (2023)
Revenuo totala (US$)	2 676 milioni (2020)
Spenso totala (US$)	2 191 milioni (2020)
Noto: Ecepte kande kontree mencionata, valori en ca tabelo esas en Usana dolari

Kultivo di kafeo en Ruanda.

La gentocido di 1994 domajis multe la frajila ekonomio di la lando, povrigis la habitantaro - nome mulieri, e fugigis tempale exterlanda kolokeri. Tamen, la guvernerio esforcis pri rekuperar l'ekonomio a niveli plu granda kam olta di ante 1994. Ol adoptis ekonomiala politiko kun skopo diminutar povreso, plubonigar docado e substrukturi, ed augmentar exterlanda ed interna kolokado. En 2006, komencis periodo di rapida kresko ekonomiala, e la lando sucesis enrejistrar kresko di 8%, rekordo qua transformis la lando en un ek la maxim rapida kreski ekonomiala di Afrika. Ta kresko diminutis la povreso en la lando ed anke helpis diminutar la procento di fertileso di sua habitantaro. Recente, Ruanda rangizabas bone, segun facileso por facar aferi e klareso normala e legala.