Ekonomio di Uganda

Uganda havas importanta naturala resursi, inkluzite fertila suli, regulala pluvo-quanto, multa jaceyi di petrolo e minerali. De la yari 1990a til 2015, l'ekonomio kreskis mezavalore 6,7% omnayare, kontre ke TNP po pesono kreskis mezavalore 3,3% dum la sama periodo. Dum ca periodo, l'ekonomio di la lando modifikesis: agrokultivo reprezentis 56% de TNP en 1990, ed en 2015 ol reprezentis nur 24%. Samatempe, la partopreno di industrio en la TNP kreskis de 11% til 20%, e la partopreno di servadi augmentis de 32% til 55%. L'ekonomio subisis l'efekti de la interna milito di Sud-Sudan, ma duris kreskar pos ke ol finis, nome pro la kresko dil exportaci di kafeo, qua reprezentas 16% del exportaci. Kresko ekonomiala e diminutado di povreso ank afektesis dum la pandemio di KOVID-19^[1].

Ekonomio di Uganda
Pekunio	Shilling di Uganda
Internaciona organizuri	OMC, Afrikana Uniono, Komunitato di Estal Afrika, COMESA
Statistiki [1]
Totala nacionala produkturo (TNP)	US$ 135 803 milioni (2023)
Rango TNP	88ma[2] maxim granda
Kresko di TNP	5,34% (2023)
TNP po persono	US$ 2 800,00 (2023)
TNP segun sektoro	agrokultivo 24,1%, industrio 25,8%, servadi 42,5% (2023)
Inflaciono	3,3% (2024)
Habitantaro sub la povreso-lineo	20,30% (2019)
Laboro-povo	22 829 000 (2024)
Laboro-povo segun okupo	agrokultivo 71%, industrio 7%, servadi 22% (2013)
Chomeso	2,9% (2024)
Komercala parteneri [1]
Exportaci (US$)	9 084 milioni (2023)
Exportaci - precipua produkturi	oro, kafeo, fisho, rafinita petrolo, tabako (2023)
Precipua parteneri	India 21%, Unionita Araba Emirii 16%, Hong Kong 10%, Sud-Sudan 8%, Kenia 6% (2023)
Importaci (US$)	13 853 milioni (2023)
Importaci - precipua produkturi	rafinita petrolo, oro, plastiki, medikamenti, palm-oleo (2023)
Precipua parteneri	Popul-Republiko Chinia 19%, Unionita Araba Emirii 12%, Tanzania 11%, India 10%, Kenia 7% (2023)
Publika financi [1]
Extera debo	10 469 milioni (2023)
Revenuo totala (US$)	6 895 milioni (2022)
Spenso totala (US$)	7 473 milioni (2022)
Noto: Ecepte kande kontree mencionata, valori en ca tabelo esas en Usana dolari

Edifici en Kampala.

Uganda havas mikra industriala sektoro, qua dependas del importaco di mashinaro, kompozanti e produkturi de petrolo por funcionar. Tamen, la manko di bona substrukturo, la manko di moderna teknologio ed agroultivo, e l'endemika korupto impedas granda kresko ekonomiala.^[1] En 2018, la lando signatis pakto kun konsortaro Albertine Graben Refinery Consortium por konstrukto di petrolo-rafinerio che distrikto Hoima, weste de la lando. On kredas ke la rafinerio inauguresos en 2027.