Fidenae

Fidenae (en la Latina) (en la Greka: Fidenai) esis urbo en Latium (antiqua Roma), cirkume 7,5 kilometri norde de hodiala Roma.

Fidenae apartenis la Latina urbi qui, komence la Romana Republiko, rivalesis di Roma. Pro la povo en la regiono, ol freque esis en manui di la Veyiani. Fidenae funcionis quale preposteno di ca urbo ed esis importanta en la kombato inter amba superpovi. En 426 a.K. l'urbo definitive submisesis da Roma. Pos la spolio di Roma da la Galiani (387 a.K.) Fidenae revoltis, ma pardestruktesis da la Romani.

Krulo dil amfiteatro

En 27 p.K. l'amfiteato di Fidenae krulis dum turniro de gladiatori. Segun testi dil epoko adminime 20.000 homi^[1] mortis pro la krulo, segun Tacitus mem 50.000 homi^[2].

La liberigita Atilius komisesis konstruktar l'amfiteatro da imperiestro Tiberius, kontre la minim multa kusti. Atilius abstenis ferma fundamento por la ligna konstrukturo. Ja dum l'apertigo-ceremonio la kolosala edifici krulis e kuntiris la spektanti.

Pos la dizastro venís lego qua interdiktis konstruktar sur neferma sulo ed a singla persono qua posedis min kam 4000.000 "sestercii" organizar ludi^[3].