Kerala

Kerala esas stato en sudal India, apud l'Indiana Oceano. Ol havas kom vicini stato Karnataka norde e nord-este, e Tamil Nadu este e sude. Weste jacas la maro di Lakshadweep (o maro di Lakadivi). Segun la demografiala kontado di 2011, la stato havis 33 387 677 habitanti.^[1]

Kerala കേരളം Stato di India Katarakti Athirappilly, che rivero Athirappilly. [[Arkivo:|border|140px]] Chefurbo Thiruvananthapuram Maxim granda urbo Thiruvananthapuram Oficala linguo o lingui: Malayalam, Angla Surfaco 38 863 km² Habitanti Denseso di habitantaro 33 387 677 (2011) 890 hab./km² Guvernisto Rajendra Arlekar Fondita o kreita 1ma di novembro 1956 (kreo) Horala zono UTC+05:30 TNP (yaro) US$ 150 miliardi (2024-25) Reto https://kerala.gov.in/

Historio

Neolitika dolmeno en Marayur, Kerala.

Dum anciena epoki, granda parto de la nuna Kerala jacis sub la maro. Marala fosili, qui suportas ca hipotezo, trovesis en regiono proxim la nuna Changanacherry. Prehistoriala restaji inkluzas dolmeni de Neolitiko.

Komercisti de westal Azia e sudal Europa establisis komercala avanposteni en Kerala. Judi komencis komercar en la regiono cirkume 573 aK. Arabi ja komercis en la regiono dum la 4ma yarcento aK. Kristani veninta de Persia arivis en la regiono dum la 4ma yarcento, e mem konstruktis kirki en la regiono. Dum la 7ma yarcento, la linguo parolita en Kerala komencis diferar de Tamil.

Voyajo da Vasco da Gama vers India (nigre).

Dum la 14ma yarcento la regiono vizitesis da Ibn Battuta, qua deskriptis urbo Kozhikode kom "un ek la precipua portui de distrikto Malabar". En 1498, Portugalano Vasco da Gama arivis en Calicut (Kozhikode). Komence, lokala rejulo (Samoothiri, Portugalane Samorim) permisis Portugalani komercar, ma kande Portugalani atakis Araba propraji en lua jurisdiciono, komencis konflikto. La chefo dil rejio Tanur, olim vasalo del Samorim, federis kun Portugalani en la lukto kontre Kozhikode. Konseque, Tanur divenis un ek l'unesma kolonii Portugalana en India. En 1503, Portugalani establisis fuorto en Cochin (nun Kochi), por plubonigar lia kontrolo sur voyi uzida por komerco di spici. Dum la sequanta yari

Depos ke la kroni Hispana e Portugalana unionesis en 1580, la Samorim sendis mesajo a Nederlandani en Aceh promisanta li komercar en Kozhikode. Floto komandita da admiralo Steven van der Hagen arivis en Kozhikode en 1604, ed ye la 11ma di novembro ta yaro Nederlandana Est-India-Kompanio signatis kontrato kun la Samorim de Kozhikode, qua establisis federo inter li kun skopo ekpulsar Portugalani de Malabar. Portugalani ekpulsesis, ed en 1664, Nederlandani kreis municipo Fort Kochi, l'unesma municipal autoritato Nederlandana en la regiono, qua dissolvesis dum la 18ma yarcento, kande Nederlandana povo en la regiono febleskis.

Geografio

Jacanta inter la latitudi 8°18' N e 12°48'N e longitudi 74°52'E e 77°22'E, la klimato di Kerala esas humida tropikala kun kelka cikloni. La stato havas bela naturo e pezajo.

Ekonomio

De 1998 til 2005, l'ekonomio di Kerala kreskis 8.93% omnayare, plu multa kam la mezavalora kresko di Indiana ekonomio dum la sama periodo: 4,8%. La stato dependas de pekunio sendata da ekmigranti qui rezidas en altra landi.