Loire-regiono

Loire-regiono esas un ek la 18 regioni di Francia, jacanta weste de la lando. Ol konsistas ek 5 departmenti: Loire-Atlantique, Maine-et-Loire, la Mayenne, la Sarthe e Vendée. Kreita dum la yari 1950a, sua surfaco ne modifikesis per l'administrala reformo di 2015.

Loire-regiono Pays de la Loire (Franca) Broioù al Liger (Bretona) Regiono di Francia Urbeto Montsoreau e sua famoza kastelo. Chefurbo Nantes Maxim granda urbo Nantes Oficala linguo o lingui: Franca Surfaco 32 082 km² Habitanti Denseso di habitantaro 3 873 100 (2022) 121 hab./km² Regionala prezidanto Christelle Morançais Horala zono UTC+1 (UTC+2 dum somero) TNP (yaro) € 127 189 milioni (2022) Reto paysdelaloire.fr

Historio

Dum neolitiko, homala habitado en Anjou developesis, nome sude de fluvio Loire, en Doué-la-Fontaine, Le Fief-Sauvin, e Mazières-en-Mauges. Cirkume 2000 yari aK ta populi komencis uzar metali. Multa hakili de Bronz-epoko trovesis en Saumurois. Kande Anjou konkestesis dal Romani ol habitesis dal Andekavi populo Galiana. Romani nomesis lua precipua urbo Andegavum (la nuna Angers).

Pokope, Romana povo dekadis en la regiono. Samatempe, kristanismo expansesis, e l'unesma episkopio kreesis en la regiono en 372. En 464, Adovacrius (Eadwacer) navigis tra Loire e rivero Maine, e kaptis Angers. Paulus, komandinto Romana en la regiono, mortis dum batalio. La lasta komandinto galo-romana en la regiono, vinkesis da Klodovecho l'1ma e mortigesis.

Komtii e dukii di Francia en 1030

Kande Klodovecho l'1ma mortis, la regiono enkorpigesis ad Austrazia, ed en 613 a Neustria. En 753, Pepin la Basa-statura kaptis Vannes ed establisis markezio por protektar ol kontre invado da Bretoni. Pos diversa konflikti en la regiono, Foulques la 1ma divenis komtio, ed originis tale nomizita "dinastio Anjou" o "dinastio Angevina". La komtii di Anjou dominacis Meine-et-Loire ed Anjou, e luktis kontre vikingi. En 1127, dinastio Plantagenet kreesis, kande Geoffroy la 5ma de Anjou mariajis Mathilda, filiino de Henri la 5ma, duko de Normandia.

La region propre kreesis en 1955, e lua 5 departamenti grupigesis nur segun kriterii ekonomiala ed administrala.

Geografio

La reliefo di ca regiono konsistas ek la kolini Vendée sude, e norde da kolini che Sarthe e Mayenne, da kolinoza regioni Coëvrons, Alpes mancelles, foresto di Perseigne, e la naturala regiono Perche. Lua maxim alta punto esas mont des Avaloirs, havanta 417 metri di altitudo.

Fluvio Loire, qua donacas lua nomo a la regiono, trairas du ek lua 5 departmenti. Loire-regiono havas 368 kilometri di litoro, e havas du importanta insuli: Noirmoutier (49 km² e 9 438 habitanti), ed Yeu (23,32 km² e 4 636 habitanti en 2013).

Ekonomio

Regioni di Metropolala Francia

Grand Esto · Arvernia-Rodano-Alpi · Supra Francia · Burgundia-Libera Komtio · Bretonia · Centro-Valo di Loire · Loire-regiono · Korsika · Francilia · Nov Aquitania · Ocitania · Normandia · Provenco-Alpi-Azur-Rivo