Nicolas Roeg

Nicolas Jack Roeg (pron.: niklas-rog; n. London, la 15ma di agosto 1928 – m. London, la 23ma di novembro 2018) esis Britaniana rejisisto, konocata pro ilua bizara psikologiala cinematografiala fremisigili.

Nicolas Roeg che la 43ma Internaciona Film-festo di Karlovy Vary

Roeg komencis sua kariero kom (sucesoza) kameristo e film-registragis Lawrence di Arabia (David Lean, 1961), la Maskilo di la Reda Morto (Roger Corman, 1964), Kazino Rejala (plura rejiseri, 1967).

En 1970 aparis "Performance" (exekuto), psikologiala fremisigilo kun Mick Jagger por la chefa rolo, rejisita da Roeg e Donald Cammel. La filmo esis granda stil-suceso, ma anke kontroversala pro l'abundanta uzo di narkotigivi, violenteso, ed explicita sexuala ceni. Anke ilua sequanta filmi La March-inicio (1972), Ne Regardez Nun (1974), La Viro qua falis adtere (1976), Ne-konvenanta Tempo (1979) esis granda stil-sucesi e livris granda kult-admirantaro a Roeg.

Pos ta periodo sequis yari de poka suceso, ilua filmi esis poke sucesoza o mem male kritikita ("Eureka", 1983; Relo 29, 1985; Naufrajinto, 1987; e Regenero, 1989).

Nur un foyo Roeg produktis ordinara ne-psikologiala filmo: Sorcisti (1990), segun rakonto da Roald Dahl, produktita da Disney. Ol esis ilua maxim sucesoza filmo.