Santa Pierre e Mikelon

Santa Pierre e Mikelon esas arkipelago e transmara teritorio di Francia en Nord-Amerika. Ol distas 3 819 km de Brest, la maxim proxima Franca urbo en Europana kontinento, ma nur 20 km de la peninsulo Bunin, en Kanada, Nord-Amerika. Segun demografiala kontado de 2022, ol havis 5 819 habitanti. Lua tota surfaco esas 242 km²^[1]

Santa Pierre e Mikelon Saint-Pierre-et-Miquelon (Franca) Transmara ensemblo di Francia Sant-Pierre, chef-urbo dil teritorio. Chefurbo Sant-Pierre Maxim granda urbo Sant-Pierre Oficala linguo o lingui: Franca Surfaco 242 km² Habitanti Denseso di habitantaro 5 819 (2022) 24 hab./km² Prezidanto Prezidanto regionala Emmanuel Macron Stéphane Artano Horala zono UTC-3 (UTC-2 dum somero) TNP (yaro) € 240 milioni (2015) Reto http://www.spm-ct975.fr/

Historio

Extrakturo di mapo de 1744 montras Newfoundland, e Santa Pierre e Mikelon.

Existas arkeologial evidentaji ke aborijena populi, exemple le Beothuk, vizitis l'insuli. Tamen, on kredas ke li ne habitesis permanante. Deskovrita dal Portugalano João Álvares Fagundes en 1520, l'insuli unesme nomesis "Dekedun Mil Virgini", nam li deskovresis ye la festo-dio di Santo Ursula e la 11 000 virga martiri, 21ma di oktobro. En 1536, Jacques Cartier reklamacis l'insuli por Francia, en nomo dil rejo Franciskus la 1ma. Malgre ke l'insuli vizitesis da aborijeni Mi'kmaq e da Bretona e Baska maristi, erste en 1670 Francia anexis li, e quar permananta habitanti establisesis ibe. En 1691 ja esis 22 habitanti.

En 1713, kontrato di Utrecht finis la milito pri Hispana sucedo, e l'insuli cedesis ad Unionita Rejio. Britaniani rinomizis Santa Pierre kom Saint Peter, e l'insuli recevis kelka koloniigisti Angla e de Britaniana kolonii en Amerika. En 1763, pos sep-yara milito Francia cedis ad Unionita Rejio la tota sua teritorii en kontinentala Nord-Amerika, tamen retrorecevis Santa Pierre e Mikelon.

De 1919 til 1933 dum l'interdiktado di alkoholo en Usa l'insuli konocis granda prosperado pro kontrabando.

Geografio

Santa Pierre e Mikelon distas 25 kilometri weste de Newfoundland e Labrador, Kanada. Mikelon separesas de Santa Pierre per 4-kma stretajo.

Ekonomio

Precipua artiklo: Ekonomio di Santa Pierre e Mikelon

Peskado esas la precipua ekonomial agado dil insuli.