Simone Weil

Simone Weil (3ma di februaro 1909 til la 24ma di agosto 1943) esis Franca skriptistino, filozofino, mistikistino e politikal aktivistino. Por skribar pri singladia laboro en fabrikerii, el propra laboris por Renault, de 1934 til 1935. En 1936, dum l'interna milito di Hispania, el kombatis en la nomizita diviziono Durruti, kreita da anarkiisti por luktar kontre "Falangisti", komandita da Francisco Franco. Dum la duesma mondomilito el luktis ensemble kun la Franca Rezisto en London, ma maladeskis pro tuberkloso e mortis en 1943.

Simone Weil
Profesiono:	skriptisto e filozofo
Lando:	Francia
Naskodato:	3 di februaro 1909
Nasko-loko:	Paris, Francia
Mortodato:	24 di agosto 1943
Morto-loko:	Ashford, Anglia

Komence el esis pacifisto, pose divenis radikala sindikalisto e kontre Iosif Stalin. En 1932 el vizitis la Republiko di Weimar, e perceptis ke lokala komunisti ne esus kapabla konfrontar la kreskanta ideologio naziista ed, altralatere, social-demokrati ignoris la demandi de la laboristi. Kande el retroiris a Francia, elua amiki eskartis elua timi, kredinte ke Germania durus administrata da centrista partisi. Pos ke Hitler asumis la povo en Germania, Weil helpis multa komunisti fugir de lua rejimo.^[1]