Wals

Wals esas ne-suverena stato qua esas parto dil Unionita Rejio e di Britania. Ol havas kom vicini Anglia este, maro di Irlando norde e weste, e la kanalo di Bristol sude. Lua chef-urbo esas Cardiff.

Wals Wales (Angla) Cymru (Walsana) Naciono konstitucanta di Unionita Rejio Kastelo di Cardiff e stadio Millenium. Chefurbo Cardiff Maxim granda urbo Cardiff Oficala linguo o lingui: Angla e Walsana Surfaco 21 218 km² Habitanti Denseso di habitantaro 3 131 640 (2022) 151 hab./km² Monarko Chefa ministro Charles la 3ma di Unionita Rejio Eluned Morgan Fondita o kreita 1057 Horala zono UTC+0 (UTC+1 dum somero) TNP (yaro) £85.4 miliardi (2022) Reto https://senedd.wales/en/Pages/Home.aspx/

Historio

Homala habitaddo en la nuna Wals komencis kun Homo neanderthalensis, cirkume 230 mil yari ante nun. La maxim anciena restaji pri arivo di Homo sapiens en la regiono esas de 31 mil yari aK. Tamen, permananta habitado di homi komencis pos finir la lasta glacial epoko cirkume 9 mil yari aK, quale montras restaji de Mezolitiko, Neolitiko e Bronz-epoko.

Ora manteleto de 1900 til 1700 yari aK.

Dum fer-epoko la regiono habitesis da Kelti, qui parolis Britona linguo. En 43, Romani komencis konquestar la regiono, e lua okupo finis en 79, kande li vinkis le Ordovici. Romani departis de Britania dum la 5ma yarcento, e posibligis Anglo-Saxona koloniigo. Pos l'epoko Romana existis diversa mikra rejii en la regiono, inkluzinte Gwynedd, Powys, Ceredigion, Dyfed, Brycheiniog, Ergyng, Morgannwg, e Gwent. Malgre ke kelka suvereni expansis lia kontrolo en la regiono e mem en kelk arei di Anglia, nulu kontrolis la regiono komplete. Pos diversa mortigiva lukti interna, ed extera preso komence da Angli e pose da Normandia, Wals enkorpigesis da rejio Anglia en 1282, kande Edward la 1ma di Anglia vinkis Llywelyn, la lasta Walsana princo. Depos ca epoko, omna aparanta heredanti di Angla krono recevas la titulo "princo di Wals".

Dum la historio, Walsani lansis diversa revolti kontre Angla dominaco, la lasta komandesis da Owain Glyndŵr dum la komenco dil 15ma yarcento.

Politiko

Wals ed Anglia guvernesas komune dal Angla parlamento en London. Wals ed Anglia anke havas komuna judiciala sistemo. En 1999, pos referovoto en Wals, establisesis lokala parlamento en la regiono. L'unesma elekti a la parlamento di Wals eventis en la yaro 1999. Delore, la Laborista Partiso ( Labour Party) guvernas la regiono.

Geografio

Wals jacas ye peninsulo en centrala parto de ocidental Anglia. Wals kovras surfaco ye 20 779 quadrata kilometri. Anglia jacas este de Wals ed en la altra kardinala punti jacas la maro. La mar-litoro de Wals esas longa de 1200 kilometri. La maxim granda urbi de Wals esas Cardiff, Swansea e Newport.

Ekonomio

Ica seciono esas vakua, nesuficante detaloza o nekompleta. Vua helpo esas bonvenanta!

Demografio

Kulturo

Sporto

En Wals, rugbio esas la maxim populara sporto. Wals esas propra membro di kelka internaciona sporto-uniono kom en la internaciona futbalo-asociuri UEFA e FIFA.