Northern-leið
From Wikipedia, the free encyclopedia
Northern-leið er leið neðanjarðarlestakerfis Lundúnaborgar. Hún er svört á litinn á korti neðanjarðarlestakerfis Lundúnaborgar. Leiðin er að mestu leyti svokölluð „djúp“ leið, það er að segja að hún var byggð með því að bora göng neðanjarðar og ekki með „grafa og þekja“ aðferðinni. Um það bil 207.000.000 farþegar nota Northern-leiðina á hverju ári og þess vegna er hún fjölfarnasta leið kerfisins. Þó að hún heitir Northern-leið („norðurleið“) þjónar hún ekki nyrstu lestarstöðvum kerfisins en hún þjónar syðstu lestarstöðinni í kerfinu, Morden, auk 16 stöðva sem liggja sunnan við Thames-ána. Samtals eru 50 lestarstöðvar á Northern-leiðinni en aðeins 36 þeirra liggja neðanjarðar.
Northern | |||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Yfirlit | |||||||||||||||||||||||||||||||||||
Stöðvar | 50 | ||||||||||||||||||||||||||||||||||
Þjónusta | |||||||||||||||||||||||||||||||||||
Tegund | Djúp | ||||||||||||||||||||||||||||||||||
Endastöð | Edgware, Golders Green, Morden, Highgate | ||||||||||||||||||||||||||||||||||
Vagnakostur | Vagnakostur neðanjarðarlestakerfis Lundúnaborgar 1995 6 vagnar í röð | ||||||||||||||||||||||||||||||||||
Árlegir farþegar | 206.734.000 | ||||||||||||||||||||||||||||||||||
Saga | |||||||||||||||||||||||||||||||||||
Opnun | 1890 | ||||||||||||||||||||||||||||||||||
Tæknileg atriði | |||||||||||||||||||||||||||||||||||
Lengd línu | 58 km | ||||||||||||||||||||||||||||||||||
|
Saga leiðarinnar er flókin þar sem hún varð til við sameiningu þriggja eldri leiða. Leiðin skiptist í tvær greinar í norðri, tvær í miðborginni og eina í suðri. Fyrirtækin sem áttu gömlu leiðirnar sameinuðust á þriðja og fjórða áratugnum. Framlenging á leiðinni sem byggð var á þriðja áratugnum var grundvölluð á annarri leið sem fjórða fyrirtæki ætlaði að byggja. Á sama tímabili ætluðu fimmta og sjötta fyrirtæki að framlengja leiðina norður og suður. Milli fjórða og áttunda áratugarins voru járnbrautarteinar í eigu sjöunda fyrirtækis reknar sem hluti Northern-leiðarinnar.