AMD

Advanced Micro Devices, Inc. (eða AMD; NYSE: AMD) er bandarískt fyrirtæki sem framleiðir örgjörva og myndgjörva (GPU), FPGA og áður hálfleiðara. Öll framleiðslan er byggð á hálfleiðurum, og áður átti AMD eigin verksmiðjur líkt og helsti samkeppnisaðilinn, Intel. Seinna urðu verksmiðjur fyrirtækisins að fyrirtækinu GlobalFoundries sem framleiðir hálfleiðara fyrir ýmis fyrirtæki.

Advanced Micro Devices, Inc.
Rekstrarform	Almenningshlutafélag
Stofnað	Kaliforníu (1969)
Staðsetning	Sunnyvale, Kaliforníu
Lykilpersónur	Lisa Su forstjóri, Mark Papermaster (tækniþróunarstjóri), Jerry Sanders stofnandi
Starfsemi	Örgjörvar, hálfleiðarar
Vefsíða	www.amd.com

AMD var stofnað af Jerry Sanders og fleiri tæknimönnum árið 1969. Aðalframleiðsluvörur fyrirtækisins voru í fyrstu minnisrásir og aðrir íhlutir fyrir tölvur. Árið 1975 hóf AMD innreið sína á örgjörvamarkaðinn í samkeppni við Intel. Snemma á 21. öld óx fyrirtækið hratt. Það naut sterkrar stöðu á einkatölvumarkaðnum með örgjörva á borð við Athlon og Opteron. Síðar lenti fyrirtækið í erfiðleikum þar sem því gekk illa að halda í við hraða þróun á markaðnum. Það rétti úr kútnum seint á 2. áratug 21. aldar með innrásarverðlagningu og velgengni Ryzen-örgjörvanna.^[1] Árið 2022 tók AMD í fyrsta sinn fram úr Intel í markaðsvirði.^[2][3]