Gráelri

Gráelri (Alnus incana) er meðalstórt tré af birkiætt. Það verður 15-20 metra hæst og vaxtalag er frá margstofna tré eða runna til einstofna trés með keilulaga krónu. Tréð hefur svepprót eins og önnur elri.

Gráelri
Blöð Alnus incana subsp. rugosa
Vísindaleg flokkun
Ríki: Jurtaríki (Plantae) Fylking: Dulfrævingar (Magnoliophyta) Flokkur: Tvíkímblöðungar (Magnoliopsida) Ættbálkur: Beykibálkur (Fagales) Ætt: Birkiætt (Betulaceae) Ættkvísl: Elri (Alnus) Tegund: A. incana
Tvínefni
Alnus incana (L.) Moench[1]
Heimsútbreiðsla gráelris Gráelris (A. incana)
Útbreiðsla A. incana subsp. incana
Útbreiðsla A. incana subsp. rugosa
Útbreiðsla A. incana subsp. tenuifolia

Undirtegundir

Undirtegundir eru 4-6 talsins. Sumir líta á einstakar undirtegundir sem sér tegund.

• Alnus incana subsp. incana: Gráelri. — Norður-Evrópa, í fjöllum mið- og suður-Evrópu og norðaustur-Asíu.
• Alnus incana subsp. hirsuta: Hæruölur - Í fjöllum mið- og norðaustur Asíu.
• Alnus incana subsp. kolaensis — Norðaustur-Evrópa.
• Alnus incana subsp. oblongifolia - Suðvestur-Bandaríkin og norður-Mexíkó.
• Alnus incana subsp. rugosa: Vætuölur - Kanada og norðausturhluti Bandaríkjanna.
• Alnus incana subsp. tenuifolia: Blæelri - Vesturhluti Norður-Ameríku.

Á Íslandi

Gráelri verður allt að 15 metrar á Íslandi. Það blómstrar reklum snemma vors og blóm skemmast oft í vorfrostum sem dregur úr frætekju. Þrátt fyrir það er kal á sprotum sjaldgæft. Norsk og finnsk kvæmi eru vel aðlöguð íslenskum aðstæðum. Blæelri hefur einnig verið reynt á Íslandi. Reynsla er lítil en blæelri er hraðvaxnara en evrópska systurtegund sín. ^[2]

• 
  Lauf gráelris
• 
  Stofn.
• 
  Könglar.
• 
  Reklar.
• 
  Á Austurvelli eru stæðileg gráelri( til hægri).