Ben Affleck

Benjamin Géza Affleck-Boldt (fæddur 15. ágúst 1972^[1]) er bandarískur leikari, leikstjóri, framleiðandi og handritshöfundur. Hann vakti mikla athygli á síðari hluta 10. áratugarins eftir leik sinn í myndinni Good Will Hunting. Síðan þá hefur frægð hans aukist til muna.

Ben Affleck
Affleck árið 2017
Fæddur	Benjamin Géza Affleck-Bolt 15. ágúst 1972 (1972-08-15) (53 ára) Berkeley, Kaliforníu, Bandaríkin
Þjóðerni	Bandarískur
Störf	leikari, leikstjóri, framleiðandi, handritshöfundur
Ár virkur	1981–nú
Maki	Jennifer Garner (g. 1986; sk. 1999) Jennifer Lopez (g. 2022; sk. 2025)
Börn	3
Fjölskylda	Casey Affleck (bróðir)

Affleck tók við hlutverki leðurblökumannsins í kvikmyndaheimi DC útgáfunnar árið 2016 í kvikmyndinni Batman v Superman: Dawn of Justice.^[2]

Fjölskylda

Ben fæddist í bænum Berkeley í Kaliforníu en eyddi æskunni í Cambridge í Massachusetts. Móðir hans, Christine Affleck, var kennari. Faðir hans, Timothy Byers Affleck, var allra þjala smiður með ýmis störf að baki t.d. barþjónn, vélvirki og leikstjóri. Bróðir Ben er leikarinn Casey Affleck.

Frá árinu 2005 til 2018 var Ben giftur leikkonunni Jennifer Garner og eignuðust þau saman þrjú börn. Árið 2002 hóf hann samband með söngkonunni Jennifer Lopez, en þau hættu saman árið 2004. 17 árum síðar tóku þau hinsvegar aftur saman og trúlofuðu sig í annað sinn árið 2022. Brúðkaupið var haldið í Las Vegas 16. júlí 2022, en hjónabandið var stuttlíft og þau skildu í febrúar 2025.