Bris

Briskirtill eða bris er líffæri í hryggdýrum, sem framleiðir hormón og brissafa. Brisið telst því bæði vera út- og innkirtill og er hluti af meltingarkerfinu. Það myndar brissafa sem hefur að geyma m.a. meltingarensím sem brjóta niður mjölva, fitu og prótein. Sem innkirtill seytir brisið glúkagoni og insúlíni í sykurstjórnun. ^[1] Í manni er brisið um 15-25 cm á lengd og vegur um 65-75 g.