Deimos

Deimos er ytra tungl Mars, hitt verandi Fóbos. Deimos er að mestu úr kolefni og ís og hefur mestu endurskinshæfni allra fyrirbæra í sólkerfinu. Þvermál Deimosar er innan við 20 km og er lögun hnattarins nokkuð óregluleg. Eins og tungl jarðarinnar snýr Deimos alltaf sömu hlið að Mars.^[1] Hæð Deimos frá yfirborði Mars er um 23 500 km sem gerir innan við 1/15 af fjarlægð tunglsins frá jörðinni.

Mynd af Deimos tekin af Mars Reconnaissance Orbiter í febrúar 2009.

Bandaríski stjörnufræðingurinn Asaph Hall uppgötvaði Deimos árið 1877 þegar Mars var í gagnstöðu og sólnánd.^[1] Yfirborð Deimosar er þakið þykku lagi ryks svo smáatriði yfirborðsins sjást illa.^[2] Ólíkt Fóbos kemur Deimos upp í austri og sest í vestri.^[1] Mikið af því sem vitað er um Deimos er afrakstur Mariner- og Viking geimferðaáætlunar Geimferðastofnunar Bandaríkjanna.^[3]

Deimos og Fóbos eru nefnd eftir sonum Aresar í grískri goðafræði.^[1]

Tenglar

• Upplýsingar um Deimos á Stjörnufræðivefnum