Dio

Dio var bandarísk þungarokkshljómsveit stofnuð árið 1982 af söngvaranum Ronnie James Dio eftir að hann hafði yfirgefið Black Sabbath. Frumburður hljómsveitarinnar var platan Holy Diver sem er þekktasta verk sveitarinnar og hefur að geyma tvær smáskífur sem urðu vinsælar; Holy Diver og Rainbow in the dark. Árið 1985 var norður-írski gítarleikarinn Vivian Campbell rekinn úr bandinu eftir ósætti við Ronnie James Dio. ^[1] Í kjölfarið varð meira um breytingar á liðskipan bandsins en trommarinn Vinny Appice (sem var með Dio í Black Sabbath) var með bandinu um langa hríð. Gítarleikarinn Craig Goldy tók við árið 1986 en dvaldi skamma stund. Árið 1989 gekk 18 ára, enskur gítarleikari, Rowan Robertsson, til liðs við hljómsveitina eftir að hafa sent demo-upptöku sem Dio hlustaði á.

Einkennismerki sveitarinnar.

Dio á tónleikum árið 2005 á Ítalíu.

Bandið tók sér hlé árið 1991-1993 þegar Dio vék sér aftur í Black Sabbath en sneri svo aftur með plötuna Strange Highways þar sem mikil stílbreyting varð með nýjum gítarleikara Tracy G. Tónlistin varð hrárri og hraðari og viðfangsefnin hurfu frá fantasíum yfir í samfélagsleg mál. Stílbreytingin var umdeild meðal aðdáenda og vinsældir bandsins dvínuðu.

Afturhvarf til fyrri stíls kom með plötunni Magica, árið 2000 og gítarleikarinn Craig Goldy sneri aftur. Árið 2007 fór Ronnie James Dio í tónleikaferðalag með Black Sabbath ( sem túruðu undir nafninu Heaven & Hell) og hljómsveitin Dio lá í dvala mestmegnis eftir það. Dio vann að framhaldsplötum Magica áður en hann lést árið 2010 en auðnaðist aðeins að gefa út smáskífuna Electra haustið 2009.

Frá 2011-2012 voru stofnaðar hljómsveitirnar Dio Disciples og Last in Line með fyrrum meðlimum hljómsveitar Dio sem héldu áfram að spila lög Dios á tónleikum.

Breiðskífur

• Holy Diver (1983)
• The Last in Line (1984)
• Sacred Heart (1985)
• Dream Evil (1987)
• Lock Up the Wolves (1990)
• Strange Highways (1994)
• Angry Machines (1996)
• Magica (2000)
• Killing the Dragon (2002)
• Master of the Moon (2004)

Tónleikaplötur

• Intermission (1986)
• Inferno: Last in Live (1998)
• Evil or Divine – Live in New York City (2003)
• Holy Diver – Live (2006)
• At Donington UK: Live 1983 & 1987 (2010)
• Finding The Sacred Heart: Live In Philly 1986 (2013)
• Live in London, Hammersmith Apollo 1993 (2014)

Síðasta liðskipan

• Ronnie James Dio: Söngur (1982-2010)
• Craig Goldy: Gítar (1987-1989, 1999-2001, 2004-2005, 2006-2010)
• Rudy Sarzo: Bassi (2004-2010)
• Simon Wright: Trommur (1989-1991, 1998-2010)
• Scott Warren: Hljómborð (1993-2010)

Fyrrum meðlimir

• Vinny Appice – trommur (1982–1989, 1993–1999)
• Jake E. Lee - gítar (1982)
• Jimmy Bain – bassi (1982–1989, 1999–2004)
• Vivian Campbell – gítar (1982–1986)
• Claude Schnell – hljómborð (1984–1989)
• Rowan Robertson – gítar (1989–1991)
• Teddy Cook – bassi (1989–1991)
• Jens Johansson – hljómborð (1989–1991)
• Tracy G – gítar (1993–1999)
• Jeff Pilson – bassi (1993–1997, 2004–2005)
• Larry Dennison – bassi (1997–1999)
• Doug Aldrich – gítar (2001–2004, 2005–2006)

Tenglar

• Dio á Allmusic