Gin

Gin er brennt vín sem er bragðbætt með einiberjum og fleiri kryddjurtum. Það á rætur sínar að rekja til miðalda, úr heimi grasalækninga, en er núna framleitt sem áfengi. Í upphafi var gin selt í apótekum og var notað til lækninga. Gin er byggt á eldra brenndu víni sem nefnist sénever og var fundið upp í Hollandi.

Bee's Knees kokteill gerður með gini, hunangi og sítrónusafa.

Gin varð vinsælt í Bretlandi þegar Vilhjálmur 3., leiðtogi Hollenska lýðveldisins, varð Englandskonungur árið 1689.^[1] Orðið gin á uppruna sinn í franska orðinu genièvre, hollenska orðinu jenever og ítalska orðinu ginepro, sem þýða öll „einiber“.

Oftast er gin drukkið með tónik og skreytt með límónu eða agúrku.