Kópasker

Kópasker er kauptún á vestanverðri Melrakkasléttu við Öxarfjörð. Þann 1. janúar 2024 voru íbúar Kópaskers 117 talsins.

Kópasker
Þorp
Kópasker Staðsetning Kópaskers
Hnit: 66°18′N 16°27′V
Land	Ísland
Landshluti	Norðurland eystra
Kjördæmi	Norðaustur
Sveitarfélag	Norðurþing
Mannfjöldi  (2025)[1]
• Samtals	121
Póstnúmer	670
Vefsíða	nordurthing.is

Kópasker var löggildur verslunarstaður um 1880 en kauptúnið fór að byggjast eftir 1910. Aðalatvinnuvegurinn er þjónusta við íbúa sveitanna í kring og stærsti vinnuveitandinn er sláturhúsið og kjötvinnslan Fjallalamb hf. Um nokkurt árabil var mikil rækjuvinnsla á Kópaskeri en hún lagðist af 2003 eftir hrun rækjustofnsins í Öxarfirði. Nokkur útgerð var frá Kópaskeri fyrr á árum en nú eru aðeins gerðar út þaðan nokkrar trillur.

Íþróttafélag Kópaskers heitir Snörtur og var í knattspyrnu, körfubolta og blaki um sinn tíma. Nú er félagið orðið fámennt og keppir nánast aðeins í blaki á öldungamótum.