Myriam Spiteri Debono
Forseti Möltu From Wikipedia, the free encyclopedia
Remove ads
Myriam Spiteri Debono eða Miriam Spiteri Debono (f. 25. október 1952)[1] er maltnesk stjórnmálakona sem er 11. og núverandi forseti Möltu. Hún er fyrsta konan frá Gozo sem hefur verið kjörin til forsetaembættisins. Hún var jafnframt forseti maltneska þingsins[2][3] frá 1996 til 1998 og var fyrst kvenna til að gegna því embætti.[4]
.jpg)
Remove ads
Menntun og starfsferill
Spiteri Debono fæddist í Victoria á Gozo. Hún gekk í grunnskóla á Gozo og gekk síðar í Möltuháskóla, þar sem hún nam enskar bókmenntir og málvísindi, og útskrifaðist árið 1973.[5] Hún nam einnig lögfræði og útskrifaðist sem lögbókandi árið 1980.[6][5]
Snemma á embættisferli sínum gegndi Spiteri Denobo formennsku í stjórn samvinnufélaga og var stofnmeðlimur í kynjajafnréttisnefnd.[6]
Hún var frambjóðandi í fimm þingkosningum (1981, 1987, 1992, 1996, 2003) fyrir maltneska Verkamannaflokkinn en náði aldrei kjöri.[7] Hún var hins vegar kjörin í framkvæmdastjórn flokksins árið 1982.[5]
Spiteri Debono var forseti kvennahreyfingar Verkamannaflokksins frá 1993 til 1996.[8][9]
Í september 1996 var hún útnefnd forseti maltneska þingsins af Alfred Sant forsætisráðherra.[10] Hún var fyrst kvenna til að gegna þessu embætti á Möltu. Anton Tabone leysti hana af hólmi í október 1998.[4][10]
Í janúar 2023 stakk maltneski Þjóðernisflokkurinn upp á Myriam Spiteri Debono sem nýjum framkvæmdastjóra siðanefndar en hún neitaði að gefa kost á sér og sagðist hvorki hafa áhuga á stöðunni né teldi hún sig hæfa til að gegna henni.[11]
Remove ads
Forseti
Þann 21. mars 2024 var Myriam Spiteri Debono talin líklegust til að vera kjörin nýr forseti Möltu.[12][13] Þetta var staðfest viku síðar í sameiginlegri yfirlýsingu forsætisráðherra og leiðtoga stjórnarandstöðunnar.[14] Maltneska þingið kaus Spiteri Debono einróma 11. forseta lýðveldisins þann 27. mars 2024. Hún er fyrsti forseti Möltu sem er kjörinn eftir stjórnarskrárbreytingar sem kveða á um að atkvæði tveggja þriðjunga þingmanna þurfi til að samþykkja nýjan forseta.[6]
Spiteri Debono er þriðji kvenforseti Möltu, á eftir Agöthu Barbara og Marie Louise Coleiro Preca.[15] Hún er jafnframt þriðja manneskjan frá Gozo sem gegnir embættinu, á eftir Anton Buttigieg og Ċensu Tabone.[6]
Myriam Spiteri Debono tók við forsetaembættinu þann 4. apríl 2024.[16]
Remove ads
Einkahagir
Spiteri Debono hefur búið mestalla ævi sína í Birkirkara á Möltu. Hún er gift lögbókandanum Anthony Spiteri Debono og þau eiga þrjú börn.[9]
Tilvísanir
Wikiwand - on
Seamless Wikipedia browsing. On steroids.
Remove ads