Meyhumar

Meyhumar (fræðiheiti: Procambarus virginalis) einnig þekktur sem bláhumar eða marmarahumar, er vatnakrabbi sem fjölgar sér með geldæxlun og var uppgötvaður í fiskabúrarækt í Þýskalandi um 1990.^[5] Procambarus fallax forma virginalis er óformleg skráning í undirtegund fyrir hann, en aðrir dýrafræðingar vilja setja hann í eigin tegund; Procambarus virginalis.^[4] Að minnsta kosti eru hann náskyldur tegundinni Procambarus fallax.^[1] P. fallax er útbreiddur um Flórída,^[6] en hvergi hefur fundist náttúrulegur útbreiðslustaður meyhumars. Upplýsingar frá einum af upprunalegu gæludýraverslunum um uppruna meyhumarsins voru metnar "totally confusing and unreliable".^[7] Marmorkrebs þýðir marmarakrabbi á þýsku. Hann virðist harðgerðari en P. fallax.

Meyhumar, bláhumar, marmarahumar
Fullorðinn humar
Vísindaleg flokkun
Ríki: Dýraríki (Animalia) Fylking: Liðdýr (Arthropoda) Undirfylking: Krabbadýr (Crustacea) Flokkur: Stórkrabbar (Malacostraca) Ættbálkur: Skjaldkrabbar (Decapoda) Ætt: Cambaridae Ættkvísl: Procambarus Tegund: P. fallax
Þrínefni
Procambarus fallax f. virginalis Martin et al., 2010 [1]
Evrópsk lönd þar sem tegundin hefur fundist villt. Tegundin finnst einnig í Madagaskar og Japan.[2][3]
Samheiti
Procambarus virginalis[4]

Fjölgun og erfðir

Meyhumar eru einu þekktu dýrin af skjaldkrabbaætt sem fjölga sér með geldæxlun.^[5] Allir einstaklingar eru kvenkyns, og afkvæmin erfðafræðilega eins og foreldrið.^[4][8] Meyhumrar eru þrílitna dýr,^[4][9] sem gæti verið meginástæða geldæxlunarinnar.

Vegna þess að meyhumar er erfðafræðilega eins, auðveldur í meðförum,^[10] og fjölgar sér ört, er þetta hugsanleg "model organism", sérstaklega til að rannsaka þróunarlíffræði.^[11] Verulegur galli er hins vegar hvað hann er lengi að ná fullum þroska (nokkra mánuði) miðað við aðrar tilraunalífverur (ávaxtafluga er 7 daga).^[12]

Erfðamengi meyhumars var raðgreint 2018, og gefur það góða undirstöðu fyrir áframhaldandi rannsóknir.^[13]

Ágeng tegund

Meyhumar hefur valdið áhyggjum vegna möguleika á að vera ágeng tegund^[5] vegna þess að aðeins einn einstakling þarf til að hefja dreifingu, og þeir fjölga sér mjög ört. Þeir hafa síðan sloppið í náttúruleg vistkerfi í þremur heimsálfum. Þeir hafa fundist villtir í eftirfarandi löndum:

Króatía[2] Tékkland[14][2] Þýskaland[7][15][16][2]

Ungverjaland[17][2] Ítalía[18][2] Japan[19][2]

Madagaskar[20][2] Niðurlönd[3] Rúmenía[2]

Slóvakía[21][2] Svíþjóð[22][2] Úkraína[23][2]

líklega vegna sleppinga eða við að hafa sloppið úr fiskabúrum. Meyhumar er ein algengasta tegund vatnakrabba í heiminum í gæludýramarkaðinum.^[24]

Á meðan tilkynningar um meyhumar í Evrópu eru um stök dýr,^[15] þá er fjöldi landa í evrópu þar sem tilkynningar eru, að aukast.^[16] Evrópusambandið hefur sett algert bann á eign, verslun, flutningi og sleppingu tegundarinnar í náttúrunni ("a total ban on the possession, trade, transport, production and release of these species [including the marbled crayfish] in the wild").^{[25][26][27][28]}

Í Madagaskar fjölgar honum hratt,^[20] sem veldur yfirvöldum þar áhyggjum.^[29]

Þó að ekki hafi verið tilkynnt um villtan meyhumar í Norður Ameríku, er hann algengur sem gæludýr þar.^[30][31] Vegna áhyggna af hugsanlegum skaða af útbreiðslu hans, er hann bannaður í Missouri ^[32] og Tennessee.^[33][34]