Vancouver

Fyrir borgina í Bandaríkjunum, sjá Vancouver (Washington).

Vancouver er borg í Bresku-Kólumbíu á vesturströnd Kanada. Íbúafjöldi er rúm 662 þúsund (2021) en yfir 2,6 milljónir manna búa á öllu borgarsvæðinu.^[1] Borgin er í héraðinu Lower Mainland. Stutt er í fjallendi og náttúru. Skóglendið og útivistarsvæðið í Stanley Park er við miðja borgina. Íbúar borgarinnar eru með fjölbreyttan bakgrunn en um 50% eru ekki með ensku að móðurmáli. Stærsti Chinatown Kanada er í Vancouver. Timburiðnaður og ferðaþjónusta eru mikilvægustu atvinnugreinarnar. Vancouverhöfn er stærsta höfn landsins.

Vancouver
Borg
Vancouver skýjakljúfar
Fáni
Vancouver Staðsetning í Kanada
Hnit: 49°15′39″N 123°6′50″V
Land	Kanada
Fylki	Breska-Kólumbía
Nefnd eftir	George Vancouver
Stjórnarfar
• Borgarstjóri	Ken Sim
Flatarmál
• Samtals	123,63 km2
Mannfjöldi  (2021)[1]
• Samtals	662.248
• Þéttleiki	5.400/km2
Tímabelti	UTC−08:00 (PST)
• Sumartími	UTC−07:00 (PDT)
Vefsíða	vancouver.ca

West end, Vancouver

Vancouver séð frá Grouse mountain

Gervihnattarmynd.

Heimssýningin 1986 var haldin í borginni. Vetrarólympíuleikarnir 2010 voru haldnir í Whistler, nálægum skíðabæ.

Veður í Vancouver er milt og er kaldasti mánuðurinn janúar með 4,1 C°. Snjó festir sjaldan og í stuttan tíma.

Heiti

Borgin er nefnd eftir George Vancouver sem kannaði svæðið fyrir hinn konunglega breska sjóher árið 1792. Nafnið Vancouver má rekja til Hollands; „Van Coevorden“, sem þýðir frá Coevorden eða Koevern í hollenska neðra-Saxlandi. Koevern merkir kúavað.

Íþróttalið

• Vancouver Whitecaps FC - Knattspyrna
• Vancouver Giants - Hafnarbolti
• Vancouver Canucks- Íshokkí