Itali

Itali resminé Républik Itali (basa Italia: Repubblica Italiana) iku nagara ing Bawana Éropa lan pulo gedhé loro ing Sagara Tengah, yaiku Sisili lan Sardinia. Kang ndunungi cacahé kira-kira ana wong 60 yuta. Kutha krajané iku Roma. Itali wewatesan ing sisih lor karo Pagunungan Alpen, sarta duwé tapel wates karo nagara-nagara Prancis, Switserlan, Ostenrik, lan Slovénia. Nagara mardhika San Marino lan Kutha Vatikan iku minangka enclave ing sajeroning Ujung Italia, déné Campione d'Italia minangka siji exclave Itali ing nagara Switserlan.

Repubblica Italiana
Gendéra Aditamèng
Motto: "L'Italia è una Repubblica democratica, fondata sul lavoro" — "Italia iku republik sing dhémokratis, dibangun ing dhuwuré kasil karyané"
Gunagita: Il Canto degli Italiani
Kuthagara lan Kutha paling gedhé	Roma
Jawatbasa	Italia 1
Papréntahan	Républik
• Présidhèn	Sergio Mattarella
• Nayakotama	Mario Draghi
Kamanunggalan
• Banyu (%)	2,4%
Population
• Pikira-kira 2017	60.507.590 (23)
• Cacahjiwa -	-
GKK  (ITK)	Pikira-kira 2005
• Gunggung	US$1.620 milyar (8)
• Saben wong	US$27.984 (20)
Artacihna	Euro 2 (EUR)
Laladan wektu	UTC+1
• Mangsa ketiga (AKK)	UTC+2
Kodhé bèl	39
TLD internèt	.it
1. Basa Prancis uga minangka basa resmi ing Valle d'Aosta; basa Jerman uga minangka basa resmi ing Trentino-Alto Adige. 2. Valuta sadurungé 1999 iku Lira.

Itali dadi papan tumrap manéka kabudayan Éropa, kaya déné kabudayan Ètruska lan Rum, lan uga panggonan lairing obahan Renaissance, kang diwiwiti ing Toscano lan sumebar ing saindenging Éropa. Kutha krajan Itali aran Rum tau dadi punjering kabudayan Kulonan lan punjering Gréja Katulik.

Dina iki, Itali minangka nagara républik dhémokratik, lan nagara maju mawa GDP urut 7 ing sadonya, urut 8 ing Indhèks Mutu Urip,^[1] lan urut 20 ing sadonya bab Indhèks Yasaning Manungsa. Itali uga minangka salah siji pangadeg Uni Éropa (kang nandha tangani prajanjèn Treaty of Rome ing taun 1957), lan uga minangka warganing nagara G8, Paheman Éropa, Uni Éropa Kulon, lan Inisiatif Éropa Tengah. Wiwit tanggal 1 Januari 2007, Itali dadi warganing Paheman Kamanan PBB kang ora panggah.

Laladan

Itali dipérang dadi 20 laladan (akèh: regioni, tunggal: regione); lima ing antarané ndarbèni setatus otonomi mirunggan, tinengeran*:

• Abruzzo
• Basilicata
• Calabria
• Campania
• Emilia-Romagna
• Friuli-Venezia Giulia *
• Lazio
• Liguria
• Lombardia
• Marche
• Molise
• Piemonte
• Puglia
• Sardinia (Sardegna) *
• Sisilia (Sicilia) *
• Toscana
• Trentino-Alto Adige *
• Umbria
• Lembah Aosta *
• Veneto

Kabèh laladan, saliyané Valle d'Aosta, dipérang manèh dadi provinsi cacah loro utawa luwih.

Kutha gedhé

Roma.

Kutha-kutha ing Itali mawa cacah kang ndunungi 300,000 jiwa utawa luwih (data ISTAT, Dhésèmber 2006):

Pos.	Common	Region	Prov.	Kang ndunungi
1	Roma	Lazio	RM	2,705,603
2	Milan	Lombardia	MI	1,303,437
3	Napoli	Campania	NA	1,005,139
4	Turin	Piemonte	TO	975,139
5	Palermo	Sisilia	PA	666,552
6	Genoa	Liguria	GE	615,686
7	Bologna	Emilia-Romagna	BO	373,026
8	Firenze	Toscana	FI	365,966
9	Bari	Apulia	BA	325,052
10	Catania	Sisilia	CT	301,564

Milan.

Laladan métropilis

Miturut OECD^[2], laladan métropilis baku ing Itali ana:

Laladan métropolis	Kang ndunungi
Milan	7.4 yuta
Roma	3.8 yuta
Napoli	3.1 yuta
Turin	2.4 yuta