Samir Nasri

Samir Nasri (lair ing Marseille, Prancis, 26 Juni 1987; umur 38 taun) inggih punika salah satunggalipun juru main bal-balan saking Prancis ingkang posisinipun minangka glandhang serang. Sapunika piyambakipun main ing Arsenal ing Inggris lan tim nasional Prancis.^[1] Samparipun Nasri naté tugel lan mbetahaken wekdal ingkang dangu ing mangsa 2009-2010.^[2] Nanging Nasri tetep saged ngedalaken kualitasipun sasampunipun cidera.^[2] piyambakipun tetep dados juru main sentral ing lini tengah lan asring ugi main ing posisi wingkingipun striker. Nasri gadhah akselerasi, visi, lan imajinasi ingkang angèl dipuntebak déning mengsah-mengsahipun.^[2] Nanging piyambakipun awon wonten ing posisi bèg lan grafik main bal ingkang boten stabil.^[2]

Samir Nasri

Katrangan priangga
Jeneng dawa	Samir Nasri
Dhuwur	1.78 m (5 ft 10 in)
Posisi main	Glandhang serang
Katerangan klub
Tim saiki	West Ham United F.C.
Angka	8
Karir nom
1993 – 1996 1996 – 2004	Pennes Mirabeau Marseille
Karir klub*
Taun	Tim	Main (Gul)
2004 – 2008 2008 – 2011 2011 - 2015	Marseille Arsenal Manchester City F.C.	121 (11) 55 (10)
Karir tim nasional‡
2002 – 2003 2003 – 2004 2004 – 2005 2005 – 2006 2006 – 2007 2007 – sapunika	U-16 Prancis U-17 Prancis U-18 Prancis U-19 Prancis U-21 Prancis Prancis	18 (8) 18 (8) 4 (0) 10 (5) 4 (0) 15 (2)
* Gunggung main lan gul ing klub sénior tumrap liga dhomèstik iki mligi lan patitis per pukul 18 Juni 2010, 17.27 UTC. ‡ Gunggung main lan gul ing tim nasional iki patitis per pukul 1 Juni 2010, 15.00 UTC

Kariripun Samir Nasri

Klub

Saderengipun main ing Arsenal, Nasri main ing klub Marseille.^[2] Nasri dipuntumbas saking Marseille ing taun 2008.^[2] Samir nasri sampun main ing klub Arsenal ping 84 kanthi 18 gol.^[3] Wonten ing mangsa kompetisi 2006-2007 ing liga 1 piyambakipun angsal kanugrahan minangka Young Player of the Year lan 12 wulan salajengipun nggabung kaliyan Arsenal kanthi regi £ 15 yuta.^[2]

Internasional

Samir Nasri sampun main wonten ing pinten-pinten tataran umur Prancis, inggih punika: U-16 Prancis, U-17 Prancis, U-18 Prancis, U-19 Prancis, U-21 Prancis, dan Prancis.^[2]

Sanésipun

Sapunika Samir Nasri manggèn ing Hampstead, London Ler. Piyambakipu gadhah pacar inggih punika salah juru main tenis saking Ruslan ingkang namanipun, Tatiana Golovin.