Theo Walcott

Theo James Walcott (lair ing Stanmore, London, Karajan Manunggal, 16 Maret 1989; umur 36 taun) ya iku juru main bal-balan profésional kang asalé Inggris kang main kanggo Everton F.C.. Panjenengané bisa main minangka penyerang utawa glandhang sayap.

Theo Walcott

Theo Walcott ing Arsenal Taun 2016
Katrangan priangga
Jeneng dawa	Theo James Walcott[1]
Dhuwur	1.75 m (5 ft 9 in)[2]
Posisi main	Glandhang Sayap Penyerang
Katerangan klub
Tim saiki	Everton
Angka	11
Karir nom
1999–2000	Newbury
2000	Swindon Town
2000–2004	Southampton
Karir klub*
Taun	Tim	Main	(Gul)
2005–2006	Southampton	21	(4)
2006–2018	Arsenal	281	(69)
2018-saiki	Everton
Karir tim nasional‡
2006–	Inggris U-21	21	(6)
2006	Inggris B	1	(0)
2006–	Inggris	36	(5)
* Gunggung main lan gul ing klub sénior tumrap liga dhomèstik iki mligi lan patitis per pukul 16:07, 13 Mèi 2012 (UTC). ‡ Gunggung main lan gul ing tim nasional iki patitis per pukul 20:01, 24 Juni 2012 (UTC)

Jenengé narik wigatiné médhia internasional sawisé lumebu ing skuat Inggris ing ubengan final Piala Donya FIFA 2006.^[3]

Karir

Southampton

Ing mangsa 2004-2005 panjenengané main kanggo skuat Southampton Youth lan ngeteraké Southampton ing Final FA Youth ngadepi Ipswich Town F.C.. Panjenengané dadi juru main paling enom kang main kanggo tim cadangan Southampton nalika umuré 15 taun 175 dina. Panjenengané banjur uga dadi juru main paling enom ing tim utama Southampton nalik umuré 16 taun 143 dina. Panjenengané dadi juru main cadangan nalika Southampton main imbang 0-0 ngadepi Wolverhampton Wanders ing pertandihngan Football League Championship. Iki dadi debut kang kapisan kanggo panjenengané.

Arsenal

Penampilané kang apik nggawé para tim gedhé padha minat karo panjenengané kaya ta Arsenal F.C., Chelsea F.C., Liverpool F.C., Manchester United F.C., Tottenham Hotspur F.C., Real Madrid, Juventus F.C., Milan lan FC Barcelona.

Tanggal 20 Januari 2006 Walcott gabung karo Arsenal F.C. kanthi rega 5 yuta pounds lan bisa tekan 12 yuta pounds, kagantung mainé bareng klub lan tim nasional. Sing nggawé panjenengané dadi juru main 16 taun paling larang ing sajarah Inggris.

7 Fèbruari 2006, Walcott nggawe debut bareng tim cadangan Arsenal F.C. ngadepi Portsmouth ing Havant, panjenengané nyetak gol nanging Arsenal F.C. tetep kalah 3-2. Walcott uga dadi cadangan nalika Arsenal F.C. ngadepi Real Madrid ing babak angka 2 leg kapisan Liga Champions.

Nalika tanggal 16 Maret 2007 utawa pas ulang tauné angka 18 panjenengané nandatangani kontrak profésional kang kapisan. Tanggal 19 Agustus 2006 panjenengané nglakokaké debut ing Liga Premier Inggris.

Timnas Inggris

Walcott nglakokakĥ debut kanggo timnas Inggris nalika lumebu ing babak kaloro Inggris ngadepi Belarusia. Tanggal 30 Mèi 2006, panjenengané mainaké tetandhingan timnas Inggris kanthi full 90 menit nalika ngadepi Hungaria ing Old Trafford, nalika umuré 17 taun 75 dina. Inggris, menang 3-1. Walcott kanthi ngangetaké dijeluk pelatih timnas Inggris Senior, Sven-Göran Eriksson. Nanging akhiré panjenengané ora main ing Piala Donya FIFA 2006.

Ing tanggal 15 Agustus 2006 Walcott dadi juru main paling enom kang nyetak gol kanggo Inggris U-21 nalika ngadepi Moldova kanthi kasil pungkasan 2-2. Sing uga main kang kapisan kanggo timnas U-21 Inggris.

Prestasi

Klub

Southampton

Runner-up:

• FA Youth Cup: 2005

Arsenal

Runner-up:

• Piala Liga Inggris: 2007, 2011

Internasional

England U-21

Runner-up:

• UEFA U-21 Championship 2009

Individu

• BBC Young Sports Personality of the Year Award: 2006

Kauripan pribadi

Walcott mapan bareng karo wong tuwané, Don lan Lynn, lan sadulur lanange Ashley ing salah sawijining vila cedhak papan gladhèn Arsenal F.C. ing Hertfordshire. Walcott lan bapaké minangka fans Liverpool F.C..