ალვარო მორატა

ალვარო ბორხა მორატა მარტინი (ესპ. Álvaro Borja Morata Martín; 23 ოქტომბერი, 1992, მადრიდი, ესპანეთი) — ესპანელი ფეხბურთელი, ესპანეთის ეროვნული ნაკრებისა და მადრიდის „ატლეტიკოს“ თავდამსხმელი.

ალვარო მორატა

პირადი მონაცემები
სრული სახელი	ალვარო ბორხა მორატა მარტინი
დაბადების თარიღი	23 ოქტომბერი, 1992 (1992-10-23) (32 წლის)
დაბადების ადგილი	მადრიდი, ესპანეთი
სიმაღლე	187 სმ
სათამაშო პოზიცია	თავდამსხმელი
საკლუბო ინფორმაცია
მიმდინარე კლუბი	ატლეტიკო მადრიდი
ნომერი	19
ახალგაზრდული კარიერა
2005-2007	ატლეტიკო მადრიდი
2007-2008	ხეტაფე
2008-2010	რეალი
პროფესიონალური კარიერა*
წლები	გუნდი	მატჩი	(გოლი)
2010–2013	რეალი B	83	(45)
2010–2014	რეალი	37	(10)
2014–2016	იუვენტუსი	63	(15)
2016–2017	რეალი	26	(15)
2017–2020	ჩელსი	47	(16)
2019–2020	→  ატლეტიკო	49	(18)
2020–	ატლეტიკო	52	(22)
2020–2022	→  იუვენტუსი	67	(20)
ეროვნული ნაკრები‡
2009	ესპანეთი 17-წლ.	6	(2)
2010	ესპანეთი 18-წლ.	2	(3)
2010–2012	ესპანეთი 19-წლ.	13	(11)
2013–2014	ესპანეთი 21-წლ.	13	(13)
2014–	ესპანეთი	69	(34)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 20 დეკემბერი, 2023 ‡ ეროვნული ნაკრების მატჩი და გოლი ბოლოს განახლდა: 19 ნოემბერი, 2023

საკლუბო კარიერა

მადრიდის „რეალი“

ალვარომ 2008 წელს კონტრაქტი გააფორმა „მადრიდის რეალთან“ და დატოვა „ხეტაფეს“ ახალგაზრდული გუნდის რიგები. მან „სამეფო კლუბში“ „ხუვენილ С“-დან დაიწყო და 4 წელიწადში მთავარ გუნდშიც მოხვდა. 2009 წლის ნოემბერში მან გაიარა „ხუვენილის“ ყველა გუნდი (А, B და С) და „რეალ მადრიდ С“-ში მოხვდა. 2010 წლის ივლისში კი მოიგო 2 ახალგაზრდული ტიტული და გაიტანა 34 გოლი. ის გადაყვანილი იქნა „კასტილიაში“. ჟოზე მოურინიუს მთავარ მწვრთნელად დანიშვნის შემდეგ ის „სამეფო კლუბს“ გაჰყვა ტურნეზე აშშ-ში.

2010 წლის 15 აგვისტოს მორატას ჰქონდა დებიუტი „კასტილიაში“ „ალკორკონთან“ ამხანაგურ შეხვედრაში (1:0). ლიგაში მისი დებიუტი ამავე წლის 29 აგვისტოს შედგა „კორუშოსთან“ (3:2), პირველ გოლი მან 31 ოქტომბერს გაიტანა „ალკალოის“ კარში. (1:1)^[1].

2010 წლის 12 დეკემბერს შედგა მისი დებიუტი პირველ გუნდშიც, „სარაგოსასთან“ შეხვედრაში (3:1), 89-ე წუთზე ის დი მარიას ნაცვლად შევიდა მოედანზე. 10 დღეში შედგა მისი დებიუტი სამეფო თასზეც, ის 77-ე წუთზე გამოჩნდა მოედანზე „ლევანტესთან“ მატჩში (8:0). 2011 წლის იანვარში გონსალო იგუაინმა ტრავმა მიიღო და იგეგმებოდა ალვაროს ძირითადში დაყენება თუმცა იგუაინის შემცვლელად „რეალმა“ არენდით აიყვანა ემანუელ ადებაიორი და ახალგაზრდა ესპანელმა შეხვედრა სათადარიგოთა სკამიდან დაიწყო. ამ პერიოდში მორატამ ახალგაზრდულ გუნდში 4 შეხვედრაში 5 გოლი გაიტანა და შეიძლებოდა მისი ძირითადში დაყენება,თუმცა მოურინიუმ გუნდში უფრო გამოცდილი ფეხბურთელი მიიყვანა იგუაინის შემცვლელად. 13 თებერვალს მორატამ კარიერაში გაიფორმა პირველი „ჰეთ-თრიკი“ „დეპორტივო B“-სთან შეხვედრაში (7:1). 2012 წელს გადავიდა პირველ გუნდში და ჩაატარა 1 შეხვედრა, ის მოედანზე გონსალო იგუაინის ნაცვლად გავიდა.

23 ივნისს „Marca.com“-მა გამოაქვეყნა ოფიციალური განცხადება, რომ ალვარო მორატა „მადრიდის რეალის“ პირველ გუნდში ითამაშებდა^[2]. მისი დაწინაურება გამოიწვია მისმა ბრწყინვალე თამაშმა „კასტილიაში“. ბოლო ორი სეზონი ის კლუბის ლიდერი იყო. მას შეუძლია როგორც ცენტრალური თავდამსხმელის პოზიციაზე თამაში, ისე პლეიმეიკერადაც და მარცხენა ნახევარმცველადაც. „კასტილიის“ ბოლო სეზონში მორატამ 17 გოლის გატანა მოახერხა^[3].

სეზონი 2012/13 და 13/14

მორატამ ახალ სეზონში პირველად მე-2 ტურში, „ხეტაფეს“ წინააღმდეგ ითამაშა, ის სათადარიგო სკამიდან შევიდა მოედანზე. მე-11 ტურში „ლევანტეს“ წინააღმდეგ მორატა ამჯერადაც სათადარიგოდან გავიდა მოედანზე და 84-ე წუთზე მან გამარჯვების გოლი გაიტანა და გუნდს მნიშვნელოვანი 3 ქულა მოუტანა (1:2).

2013-14 წლების სეზონში, მადრიდის „რეალში“ კარლო ანჩელოტის მოსვლის შემდეგ, ალვარო პირველი გუნდის სტაბილურ წევრად იქცა. ის ხშირად შემოდიოდა სათადარიგო სკამიდან, ძირითად შემთხვევაში ქარიმ ბენზემას ნაცვლად. მორატამ უეფა-ს ჩემპიონთა ლიგაზეც მოახერხა თავის გამოჩენა. მან მისი პირველი გოლი 1/8 ფინალურ დაპირისპირებაში, „შალკეს“ წინააღმდეგ გაიტანა. მორატამ დუბლი შეასრულა ლა ლიგის უკანასკნელ ტურში, „ესპანიოლის“ წინააღმდეგ გამართულ შეხვედრაში, რომელიც სამეფო კლუბმა 3-1 მოიგო. ალვარო ბენზემას ნაცვლად შეცვლაზე შემოვიდა 24 მაისს გამართულ ჩემპიონთა ლიგის ფინალში, მადრიდის „ატლეტიკოს“ წინააღმდეგ.

„იუვენტუსი“

2014 წლის 19 ივლისს ოფიციალურად დადასტურდა მორატას ტრანსფერი ტურინის „იუვენტუსში“. ალვარომ ახალ გუნდთან 5 წლიანი კონტრაქტი გააფორმა, რომლის მიხედვითაც მადრიდის „რეალმა“ დაიტოვა შესაძლებლობა გამოესყიდა მოთამაშე 2016 ან 2017 წელს 30 მილიონ ევროდ.ტრანსფერის ღორებულებამ 20 მილიონი ევრო შეადგინა.^[4][5][6]

სეზონი 2014–16

სეზონის საწყის მატჩებში კლუბის მთავარი მწვრთნელი მასიმილიანო ალეგრი სასტარტო შემადგენლობაში ათამაშებდა კარლოს ტევესს და ფერნანდო ლორენტეს, ხოლო მორატა სათამშოთ შეცველბზე შემოდიოდა.თავისი პირველი გოლი „იუვენტუსის“ შემადგენლობაში ესპანელმა გაიტანა 27 სექტემბერს გასვლით მატჩში „ატალანტას“ წინააღმდეგ, რომელიც მისმა კლუბმა 3-0 მოიგო.თამაშის შემდგომ მორატამ განაცხადა,რომ ახალ კლუბთან და გარემოსთან შეგუებაში მას ძალიან ეხმარება თანაგუნდელი ფერნანდო ლორენტე.^[7]

სეზონის მეორე წრეში მორატამ „იუვენტუსის“ ძირითად შემადგენლობაში დამკვიდრება მოახერხა. ესპანელმა ჩემპიონტა ლიგის ორივე მერვედფინალურ მატჩში გაუტანა დორტმუნდის „ბორუსიას“, ასევე ორი გოლით გამოიჩინა თავი თავისი ყოფილის გუნდის, მადრიდის „რეალის“ წინააღმდეგ ტურნირის ნახევარფინალში, რის შემდეგაც „იუვენტუსმა“ ფინალში გაახწია, სადაც კატალონიის „ბარსელონას“ დაუპირისპირდა და 1-3 დამარცხდა. მორატამ ფინალში ანგარიში გაათანაბრა, თუმცა მისმა გოლმა ვერ გადაარჩინა ტურინული კლუბი მარცხისგან.^[8]

შემდეგი სეზონი მორატასთვის უკანასკნელი აღმოჩნდა „იუვენტუსის“ შემადგენლობაში. ესპანელმა ჩემპიონტა ლიგის საწყის ორ ტურში გაუტანა „მანჩესტერ სიტის“ და „სევილიას“, რითაც მოახერხა ჩემპიონთა ლიგის ზედიზედ 5 მატჩში გოლის გატანა „იუვენტუსის“ შემადგენლობაში და გაიმეორა კლუბის ლეგენდის, ალესანდრო დელ პიეროს რეკორდი. პირველი გოლი სერია A-ში ახალ სეზონში მორატამ გაიტანა 2015 წლის 4 ოქტომბერს საშინაო მატჩში „ბოლონიას“ წინააღმდეგ (3-1), თუმცა შემდგომ ესპანელი 19 მატჩის განმავლობაში ვეღარ თავის გამოჩენას, რის გამოც მისი ადგილი ძირითად შემადგენლობაში დაიკავა კლუბის ახალწვეულმა, პაულო დიბალამ.2016 წლის 21 მაისს მორატამ გაიტანა მატჩის ერთადერთი გოლი იტალიის თასის ფინალში „მილანის“ წინააღმდეგ, რის გამოც „იუვენტუსმა“ „ოქროს დუბლის“ შესრულება მოახერხა.^[9][10]

სანაკრებო კარიერა

2009 წელს მორატა ესპანეთის 17 წლამდელთა ნაკრებში გამოიძახეს მსოფლიო ჩემპიონატზე სათამაშოდ, ალვარომ 4 შეხვედრაში 2 გოლი გაიტანა. ასევე ის 19 წლამდელთა ნაკრებს გაჰყვა იაპონიაში^[11] საერთაშორისო ტურნირის გასამართად. მისმა გუნდმა მეორე ადგილი დაიკავა, იაპონიის შემდეგ.

საკლუბო სტატისტიკა

სტატისტიკა მოცემულია 2016 წლის 21 მაისის მდგომარეობით.

კლუბი	სეზონი	ლიგა		თასი		საერთაშორისო		სულ
		თამაში	გოლი	თამაში	გოლი	თამაში	გოლი	თამაში	გოლი
კასტილია	2010–11	28	15	—		—		28	15
	2011–12	37	18	—		—		37	18
	2012–13	18	12	—		—		18	12
	სულ	83	45	—		—		83	45
მადრიდის რეალი	2010–11	1	0	1	0	0	0	2	0
	2011–12	1	0	0	0	0	0	1	0
	2012–13	12	2	2	0	1	0	15	2
	2013–14	23	8	6	0	5	1	34	9
	სულ	37	10	9	0	6	1	52	11
იუვენტუსი	2014–15	29	8	5	2	12	5	46	15
	2015–16	34	7	5	3	8	2	47	12
	სულ	63	15	10	5	20	7	93	27
სულ ჯამში		183	70	19	5	26	8	228	83

სანაკრებო სტატისტიკა

განახლდა: 19 ნოემბერი, 2023^[12]

ნაკრები	წელი	მატჩი	გოლი
ესპანეთი
	2014	2	0
	2015	4	1
	2016	12	7
	2017	5	5
	2018	4	0
	2019	6	4
	2020	3	1
	2021	14	5
	2022	11	7
	2023	8	4
სულ		69	34

მიღწევები

საკლუბო

რეალ მადრიდ კასტილია

• სეგუნდა დივიზიონი ბ (1): 2011/12

რეალ მადრიდი

• ესპანეთის ჩემპიონი (2): 2011/12, 2016/17
• ესპანეთის თასის მფლობელი (2): 2010/11, 2013/14
• ჩემპიონთა ლიგის გამარჯვებული (2): 2013/14, 2016/17
• უეფა-ს სუპერთასის გამარჯვებული (1): 2016
• მსოფლიო საკლუბო ჩემპიონატის გამარჯვებული (1): 2016

იუვენტუსი

• იტალიის ჩემპიონი (2): 2014/15, 2015/16
• იტალიის თასის მფლობელი (2): 2014/15, 2015/16
• იტალიის სუპერთასის მფლობელი (1): 2015
• ჩემპიონთა ლიგის ფინალისტი (1): 2014/15

სანაკრებო

ესპანეთი 19 წლ.

• ევროპის ჩემპიონი ვერცხლის პრიზიორი: 2011

ესპანეთი 21 წლ.

• ევროპის ჩემპიონი ვერცხლის პრიზიორი: 2013

ინდივიდუალური

• ევროპის 19 წლამდელთა ჩემპიონატის ბომბარდირი: 2011
• ევროპის 21 წლამდელთა ჩემპიონატის ბომბარდირი, ჩემპიონატის საუკეთესო გუნდის წევრი: 2013
• ჩემპიონთა ლიგის სეზონის საუკეთესო გუნდის წევრი: 2014/15

მონაცემები

მორატა კარგად თამაშობს მეორე სართულზე, აქვს გოლის გატანის ალღო და შესანიშნავი მოძრაობა. „სამეფო კლუბში“ მას მომავალ ფერნანდო მორიენტესად მიიჩნევენ^[13].

რესურსები ინტერნეტში

ვიკისაწყობში არის გვერდი თემაზე:

ალვარო მორატა

• პროფილი რეალ მადრიდის ოფიციალურ საიტზე
• Transfermarkt
• Soccerway