ვასილ ჩხაიძე

ვასილ ისაკის ძე ჩხაიძე (დ. 2 იანვარი, 1905, სოფელი აცანა, ოზურგეთის მაზრა — გ. 26 დეკემბერი, 1986, თბილისი) — ქართველი მსახიობი, საქართველოს დამსახურებული არტისტი (1979).

ვასილ ჩხაიძე
დაბადების თარიღი	2 იანვარი, 1905 აცანა, ოზურგეთის მაზრა
გარდაცვალების თარიღი	26 დეკემბერი, 1986 (81 წლის) თბილისი, საქართველოს სსრ
ალმა-მატერი	თბილისის სახელმწიფო უნივერსიტეტი
საქმიანობა	მსახიობი
აქტიური	1927–1983
მეუღლე(ები)	ნინა ვარ­დი­გუ­ლაშ­ვი­ლი
შვილ(ებ)ი	გი­ორ­გი ჩხა­ი­ძე
მშობლები	მამა: ისა­­კ ჩხაიძე

ბიოგრაფია

1936 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი — გერმანული ენის სპეციალობით. 1927–1934 წლებში იყო ბათუმის თეატრის მსახიობი, შემდეგ კი მუშაობდა ფოთის თეატრში. 1937–1956 წლებში მუშაობდა სკოლაში რუსული და გერმანული ენის მასწავლებლად. 1956–1962 წლებში ფოთის ვ. გუნიას სახ. დრამატული თეატრის მსახიობია. 1967 წლიდან მუშაობს კინოსტუდია ქართულ ფილმში. მის კარიერაში გამორჩეულია ელდარ შენგელაიას ფილმებში შესრულებული როლები: პიპინია ერისთავი („არაჩვეულებრივი გამოფენა“, 1968) და ქრისტეფორე მგალობლიშვილი გარიყულადან („შერეკილები“, 1973). 1970 წელს სესილია თაყაიშვილთან ერთად ითამაშა თემურ ფალავანდიშვილის მოკლემეტრაჟიან ფილმში „ჩამავალი მზე“. 1973 წელს შეასრულა ღარიბი და ამაყი აზნაურის როლი ფილმში „ლაზარეს თავგადასავალი“. 2013 წელს, მუხათგვერდის სასაფლაოზე მისი დაკარგული საფლავი ელდარ შენგელაიამ იპოვა და ნეშტი გადმოასვენა: „ჩვენმა მეგობარმა, გურამ გელაძემ იცოდა, სად იყო ეს საფლავი, საიდანაც დიდუბის პანთეონში გადმოვასვენეთ“. 2015 წელს გადაასვენეს დიდუბის მწერალთა და საზოგადო მოღვაწეთა პანთეონში.

ფილმოგრაფია

• 1968: „არაჩვეულებრივი გამოფენა“ ( პიპინია ) რეჟ. ელდარ შენგელაია
• 1970: „ჩამავალი მზე“ (სანდრო) რეჟ. თემურ ფალავანდიშვილი
• 1970: „ფეოლა“ (ხუსკივაძე) რეჟ. ბაადურ წულაძე
• 1970: „სემირამიდას ბაღები“ (ფოსტალიონი) რეჟ. სიკო დოლიძე
• 1971: „მყუდრო სავანე“ ( გიორგი თუხარელი) რეჟ. კარლო ღლონტი
• 1971: „ცოტნე დადიანი“ (შეთქმული თავადი ) რეჟ. ალექსანდრე ჟღენტი
• 1971: „გათენების წინ“ რეჟ. ყარამან (გუგული) მგელაძე
• 1973: „ლაზარეს თავგადასავალი“ (აზნაური) რეჟისორები ქართლოს ხოტივარი, რამაზ (ბუბა) ხოტივარი
• 1973: „შერეკილები “ ( ქრისტეფორე მგალობლიშვილი ) რეჟ. ელდარ შენგელაია
• 1974: „ წყარო გზის პირას“ (პუპლი) რეჟ. თემურ ფალავანდიშვილი
• 1974: „კაპიტნები“ (კაპიტანი ჩომახიძე) რეჟ. თამაზ გომელაური
• 1975:„ აურზაური სალხინეთში“ რეჟ. ლანა ღოღობერიძე
• 1975: „ჩირიკი და ჩიკოტელა“ რეჟისორები ლევან ხოტივარი, რამაზ (ბუბა) ხოტივარი
• 1975: „მოხეტიალე რაინდები“ (არდალიონი) რეჟ. თემურ ფალავანდიშვილი
• 1975:„ პირველი მერცხალი“ ( ელიზბარი) რეჟ. ნანა მჭედლიძე
• 1976:„ გასეირნება თბილისში (ნამდვილი თბილისელი) და სხვები“ რეჟ. ნანა მჭედლიძე
• 1977: „მიმინო“ რეჟ. გიორგი დანელია
• 1977: „პატარა მეგობრები“ რეჟ. მარინე ხონელიძე
• 1977: „ყუთები“ რეჟ. ბიძინა ჩხეიძე
• 1977: „რაჭა ჩემო სიყვარულო“ (ზაურის დიდი პაპა) რეჟისორები თემურ ფალავანდიშვილი, იოზეფ მედვედი
• 1977:„ სინემა“ რეჟ. ლიანა ელიავა
• 1977: „სამანიშვილის დედინაცვალი “ რეჟ. ელდარ შენგელაია
• 1978: „ყვარყვარე“ რეჟ. დევი აბაშიძე
• 1978: „პირველი კონცერტი“ რეჟ. შერგილ შონია
• 1978:„დათა თუთაშხია “ (თაბაგარი ) რეჟისორები გრიგოლ (გიგა) ლორთქიფანიძე, გურამ (გიზო) გაბესკირია
• 1978: „შესვენება“ რეჟ. ბაადურ წულაძე
• 1978: „ჩემი მეგობარი ძია ვანია“ რეჟ. ვალერიან კვაჭაძე
• 1980: „თბილისი, პარიზი, თბილისი“ რეჟ. ლეილა აბაშიძე
• 1983: „ცისფერი მთები ანუ დაუჯერებელი ამბავი“ რეჟ. ელდარ შენგელაია

ჯილდოები, პრემიები და პრიზები

• 1979: საქართველოს სსრ დამსახურებული არტისტი

რესურსები ინტერნეტში

• ვასილ ჩხაიძე — საქართველოს ბიოგრაფიული ლექსიკონი
• ვასილ ჩხაიძე [დაარქივებული] — ეროვნული ფილმოგრაფია
• ვასილ ჩხაიძე კინოფილმების ინტერნეტ-მონაცემთა ბაზაში
• ვასილ ჩხაიძის ცხოვრებიდან