Stunt Cycle

Stunt Cycle — არკადული თამაში, შექმნილი და გამოცემული Atari, Inc.-ის მიერ 1976 წელს.^[1] თამაში შთაგონებულია 1970-იანი წლების ცნობილი მოტოციკლისტი-კასკადიორის, იველ კნიველის ტრიუკებით, რომელიც მოთამაშეს საშუალებას აძლევს, შეასრულოს მოტოციკლით ხტომის სიმულაცია. არკადული კაბინეტი ნამდვილი მოტოციკლის საჭესავით არის მოდელირებული, აჩქარებისთვის კი მოთამაშე მარჯვენა მხარეს ატრიალებს. მონიტორი არის 19-ინჩიანი შავ-თეთრი ელექტრონულ-სხივური მილაკი (CRT) შავ-თეთრი ზედა ფენით (overlay). ის გათვლილია 1 მოთამაშეზე ან 2 მოთამაშეზე რიგრიგობით.

Stunt Cycle
Stunt Cycle-ის კონსოლი
დეველოპერ(ებ)ი	Atari, Inc.
გამომცემელი	Atari, Inc.
პლატფორმ(ებ)ი	არკადა, Atari 2600
გამოსვლის თარიღი	ჩრდ.ამ. 1976
ჟანრ(ებ)ი	სიმულატორი

1977 წელს Atari-მ გამოუშვა Stunt Cycle-ის ორი კონსოლის ვერსია. Atari-ს ბრენდირებულ Stunt Cycle ვერსიაზე ოთხი თამაშია: ორიგინალი ვერსია და სამი ვარიანტი („Motocross“, „Enduro“ და „DragRace“), რომლებიც დაფუძნებულია General Instrument-ის AY-3-8760 ჩიპზე. მოწყობილობაზე არსებული საჭის სახელურები მოთამაშეებს საშუალებას აძლევს, შეასრულონ „ვიპი“ (whip), „ვილი“ (wheelie) და გადახტნენ ეკრანზე გამოსახულ 32 ავტობუსზე. მოწყობილობა უზრუნველყოფს ქულების ციფრულ ჩვენებას ეკრანზე და ფერად გრაფიკას.^[2][3] Sears Tele-Games-ის ვერსია, სახელწოდებით Motocross Sports Center IV, მოიცავს Stunt Cycle-ის იმავე ვარიანტებს და Pong 16 თამაშს, რომლის თამაში შეიძლება Pong-ის მოხსნადი კონტროლერებით.

1980 წელს Atari-ს პროგრამისტმა, ბობ პოლარომ, დაიწყო Stunt Cycle-ის Atari 2600-ზე პორტირება სრულფასოვანი ფერადი გრაფიკის გამოყენებით. თუმცა ოფიციალურად არასდროს გამოსულა. ბობ პოლარომ დამოუკიდებლად გამოუშვა Stunt Cycle-ის 50 ეგზემპლარი 2003 წელს.^[4]

რესურსები ინტერნეტში

• Stunt Cycle — არკადების მუზეუმი